തി​ക​ച്ചും അ​പ്ര​തീ​ക്ഷി​ത​മാ​യി​രു​ന്നു കേ​ര​ള​ത്തി​ലെ പ്ര​ള​യം. ഓ​ഖി ത​ന്ന മു​റി​വും വേ​ദ​ന​യും മാ​റു​ന്ന​തി​നു​മു​മ്പ് വീ​ണ്ടും ഒ​രാ​ഘാ​തം. നാ​ന്നൂ​റി​ല​ധി​കം  മ​നു​ഷ്യ ജീ​വൻ പൊ​ലി​ഞ്ഞു. ന​ഷ്ട​മായ ജൈ​വ​സ​മ്പ​ത്ത് വേ​റെ​യും. കേ​ര​ളം മു​ഴു​വൻ ഭ​യ​ന്നു വി​റ​ച്ചു. വി​ല്ല​നായ മ​ഴ​യെ ആ​ളു​കൾ പ​ഴി​ച്ചു. വി​ളി​ക്കാ​ത്ത അ​തി​ഥി​യെ​പ്പോ​ലെ കേ​ര​ള​ത്തി​ലെ​ത്തി എ​ന്നും അ​സ്വ​സ്ഥത ഉ​ണ്ടാ​ക്കു​ന്ന ഒ​രു സു​ഹൃ​ത്താ​യി​രു​ന്നു മൺ​സൂൺ മ​ഴ. അ​തൊ​രി​ക്ക​ലും കേ​ര​ള​ത്തെ ശ​വ​പ്പ​റ​മ്പാ​ക്കി​യി​ട്ടി​ല്ല. പ​ക്ഷേ സ​ത്യ​ത്തെ വി​ദൂ​ര​ത്തിൽ നി​റു​ത്തി വീ​ണ്ടും മ​ഴ​യെ പ​ഴി​ക്കു​മ്പോൾ ഒ​ന്നോർ​ക്കുക പ്ര​കൃ​തി ദ​ഹി​പ്പി​ക്കു​ന്ന അ​ഗ്നി​യാ​ണ്. സ​ത്യം, കാ​ലം തെ​ളി​യി​ക്ക​ട്ടെ.ഭൗ​തി​ക​വും സാ​മ്പ​ത്തി​ക​വും സാ​മൂ​ഹി​ക​വു​മാ​യി ത​കർ​ന്ന കേ​ര​ള​ത്തെ പു​ന​രു​ജ്ജീ​വി​പ്പി​ക്കേ​ണ്ട​ത് ഓരോ​രു​ത്ത​രു​ടെ​യും ഉ​ത്ത​ര​വാ​ദി​ത്വ​മാ​ണ്. വേ​ണ്ട​ത് മുൻ​വി​ധി​ക​ളി​ല്ലാ​ത്ത കൂ​ട്ടാ​യ്മ​യും. ഭീ​മ​മായ ന​ഷ്ട​ത്തി​ന്റെ സ്ഥി​തി​വി​വരക്ക​ണ​ക്കു​കൾ കേ​ട്ട് ഭ​യ​ന്നോ​ടാൻ ന​മു​ക്ക് മ​ന​സി​ല്ലെ​ന്ന് ലോ​ക​ത്തെ അ​റി​യി​ക്കാൻ ഒ​രു ഉ​യിർ​ത്തെ​ഴു​ന്നേ​ല്പ് കേ​ര​ള​ത്തി​ന് ആ​വ​ശ്യ​മാ​ണ്. ഒ​രു ന​വ​കേ​ര​ളം എ​ങ്ങ​നെ സ​ഫ​ല​മാ​ക്കാം? ചില നിർ​ദ്ദേ​ശ​ങ്ങൾ ചു​വ​ടെ ചേർ​ക്കു​ന്നു.

​സാ​മ്പ​ത്തിക സ​ഹാ​യം ക​ണ്ടെ​ത്തുക എ​ന്ന​തു​പോ​ലെ​ത​ന്നെ പ്ര​ധാ​ന​മാ​ണ് അ​ത് കാ​ര്യ​ക്ഷ​മ​മാ​യി ക്രി​യാ​ത്മക രീ​തി​യിൽ ഉ​പ​യോ​ഗി​ക്കു​ക​യെ​ന്ന​ത്. അ​തു​മ​ല്ല, ക​ഷ്ട​ത​യ​നു​ഭ​വി​ക്കു​ന്ന ഇ​ര​കൾ​ക്ക് അർ​ഹി​ക്കു​ന്ന രീ​തി​യിൽ പ​ണം കൊ​ടു​ക്കു​ക​യും വേ​ണം. ആ​യ​തി​നാൽ ഉ​ദ്യോ​ഗ​സ്ഥ​രു​ടെ പ്ര​വർ​ത്ത​ന​ത്തി​ലും രാ​ഷ്ട്രീയ ഇ​ട​നി​ല​ക്കാ​രു​ടെ കൈ​ക​ട​ത്ത​ലു​കൾ​ക്കും സർ​ക്കാർ പ്ര​ത്യേക നി​യ​ന്ത്ര​ണം ഏർ​പ്പെ​ടു​ത്ത​ണം.

 കേ​ര​ള​ത്തി​ലെ പ്ര​ള​യ​ക്കെ​ടു​തി​യിൽ ഇ​ര​ക​ളായ വ്യ​ക്തി​ക​ളു​ടെ സ​മ​ഗ്ര​മായ ഒ​രു ലി​സ്റ്റ് ഗ​വൺ​മെ​ന്റ് പൊ​തു​ജ​ന​ങ്ങൾ​ക്കാ​യി പ്ര​സി​ദ്ധ​പ്പെ​ടു​ത്ത​ണം. ഇ​ര​കൾ​ക്ക് സർ​ക്കാർ ചെ​യ്തു കൊ​ടു​ക്കു​ന്ന ദു​രി​താ​ശ്വാസ ധ​ന​സ​ഹാ​യ​ങ്ങൾ അർ​ഹി​ക്കു​ന്ന രീ​തി​യിൽ ല​ഭി​ച്ചോ​യെ​ന്ന് പൊ​തു​ജ​ന​ങ്ങൾ​ക്ക് അ​റി​യാൻ വേ​ണ്ടി​യാ​ണി​ത്. കൂ​ടാ​തെ ദു​രി​താ​ശ്വാസ പ്ര​വർ​ത്ത​നം സു​താ​ര്യ​മാ​ണോ​യെ​ന്ന​റി​യാൻ ഭ​ര​ണാ​ധി​കാ​രി​കൾ​ക്ക്  സാ​ധി​ക്കു​ക​യും ചെ​യ്യും.

​പ്ര​ളയ ദു​ര​ന്ത​ത്തി​ന്റെ കാ​ര​ണം ഇ​പ്പോ​ഴും അ​വ്യ​ക്ത​മാ​യി നിൽ​ക്കു​ന്ന സ്ഥി​തി​ക്ക് കേ​ര​ള​ത്തി​ലെ ചെ​റു​തും വ​ലു​തു​മായ എ​ല്ലാ ഡാ​മു​ക​ളു​ടെ​യും മു​ഴു​വൻ പ്ര​വർ​ത്ത​ന​വും ഏ​കോ​പി​പ്പി​ച്ച് വ്യ​ക്ത​മായ സാ​ങ്കേ​തിക പ​രി​ജ്ഞാ​ന​മു​ള്ള ഒ​രു വി​ദ​ഗ്ദ്ധ ക​മ്മി​റ്റി​യെ ഏൽ​പ്പി​ക്കു​ക​യും അ​തി​ന്റെ ചു​മ​തല മു​ഖ്യ​മ​ന്ത്രി​യു​ടെ പൂർണ മേൽ​നോ​ട്ട​ത്തി​ലു​ള്ള ഒ​രു ഡാം സം​ര​ക്ഷണ സെൽ ആ​ക്കി മാ​റ്റു​ക​യും വേ​ണം.

 കേ​രള സ്റ്റേ​റ്റ് ഇ​ല​ക്ട്രി​സി​റ്റി ബോർ​ഡി​നെ​യും ജ​ല​സേ​ചന വ​കു​പ്പി​നെ​യും കേ​ര​ള​ത്തി​ലെ മു​ഴു​വൻ ഡാ​മി​ന്റെ​യും ഭ​ര​ണ​പ​ര​മാ​യും സാ​ങ്കേ​തി​ക​വു​മായ എ​ല്ലാ പ്ര​വർ​ത്ത​ന​ത്തിൽ നി​ന്നും മാ​റ്റി നി​റു​ത്തു​ക​യും ഡാം സം​ര​ക്ഷണ സെ​ല്ലി​ന്റെ നി​യ​ന്ത്ര​ണ​ത്തിൽ കെ.​എ​സ്.​ഇ.​ബി​ക്ക് ഡാ​മി​ലെ ജ​ലം ഉ​പ​യോ​ഗി​ച്ച് വൈ​ദ്യു​തി ഉ​ത്പാ​ദി​പ്പി​ക്കാ​നു​ള്ള അ​നു​വാ​ദം കൊ​ടു​ക്കു​ക​യും വേ​ണം.

​കേ​ര​ള​ത്തി​ന്റെ ജ​ന​സാ​ന്ദ്രത മുൻ​നി​റു​ത്തി ജ​ല​സ്രോത​സ് ഉ​പ​യോ​ഗി​ച്ച് വൈ​ദ്യു​തി ഉ​ത്പാ​ദി​പ്പി​ക്കാ​നു​ള്ള സാ​ങ്കേ​തി​ക​വി​ദ്യ ഘ​ട്ടം​ഘ​ട്ട​മാ​യി നി​റു​ത്ത​ലാ​ക്കുകയും  മ​റ്റ് ഊർ​ജ്ജ ​സ്രോത​സു​ക​ളെ പ്രാ​യോ​ഗി​ക​മാ​യി ഉ​പ​യോ​ഗി​ക്കാ​നു​ള്ള ആ​ധു​നിക സാ​ങ്കേ​തിക പ​രി​ജ്ഞാ​നം കേ​ര​ളം ഉൾ​ക്കൊ​ള്ളു​ക​യും ന​ട​പ്പി​ലാ​ക്കു​ക​യും വേ​ണം.

​കേ​ര​ള​ത്തി​ലെ ഡാ​മു​ക​ളു​ടെ പ​ഴ​ക്ക​ത്തെ അ​ടി​സ്ഥാ​ന​മാ​ക്കി അ​തി​ന്റെ ജല സം​ഭ​ര​ണ​ശേ​ഷി അ​പ​കട മേ​ഖ​ല​യ്ക്ക് താ​ഴെ, ജ​ന​ങ്ങൾ​ക്ക് ഭീ​തി ഉ​ണ്ടാ​കാ​ത്ത രീ​തി​യിൽ നി​ജ​പ്പെ​ടു​ത്തു​ക. സം​ഭ​ര​ണ​ശേ​ഷി​യെ യ​ഥാ​ക്ര​മം വി​ല​യി​രു​ത്തി ജ​ലം തു​റ​ന്നു​വി​ടു​ക. അ​ത് ന​മ്മു​ടെ കൃ​ഷി​യെ പ​രി​പോ​ഷി​പ്പി​ക്കു​ക​യും ചെ​യ്യും.

 ഇ​നി ഒ​രി​ക്ക​ലും ഇ​തു​പോ​ലെ​യു​ള്ള പ്ര​ള​യം ഉ​ണ്ടാ​കാ​തി​രി​ക്കാ​നു​ള്ള ന​ട​പ​ടി​യെ​ന്ന​നി​ല​യിൽ ഡാം പ്രൊ​ട്ട​ക്ടീ​സ് സെൽ എ​ല്ലാ വർ​ഷ​വും മൺ​സൂൺ മ​ഴ​യ്ക്ക് മു​മ്പ് ഡാ​മി​ന്റെ സം​ഭ​ര​ണ​ശേ​ഷി​യെ​ക്കു​റി​ച്ചും ജ​ല​ത്തി​ന്റെ അ​ള​വി​നെ​ക്കു​റി​ച്ചും ഉ​ള്ള​വി​വ​ര​ങ്ങൾ പ​ര​സ്യ​പ്പെ​ടു​ത്തി ജ​ന​ങ്ങ​ളെ അ​റി​യി​ക്ക​ണം. ഒ​രൊ​റ്റ ഡാ​മും (​ചെ​റു​തും വ​ലു​തും) ഡാം പ്രൊ​ട്ട​ക്ടീ​വ് സെ​ല്ലി​ന്റെ അ​നു​മ​തി​യി​ല്ലാ​തെ തു​റ​ക്കാൻ ഒ​രു ഏ​ജൻ​സി​യേ​യും അ​നു​വ​ദി​ക്ക​രു​ത്.

​കേ​ര​ള​ത്തി​ന്റെ ഡാ​മായ മു​ല്ല​പ്പെ​രി​യാ​റി​ന്റെ ഭ​ര​ണ​പ​ര​വും സാ​ങ്കേ​തി​ക​വു​മായ പ്ര​വർ​ത്ത​ന​ത്തി​ന്റെ പ​രി​പൂർണ നി​യ​ന്ത്ര​ണം കേ​രള സർ​ക്കാ​രി​ന് മാ​ത്ര​മു​ള്ള​താ​ക്കാൻ പ​റ്റിയ രീ​തി​യിൽ ഡാ​മി​ന്റെ നി​യ​മ​ങ്ങൾ ഭേ​ദ​ഗ​തി ചെ​യ്യു​ക. ത​മി​ഴ്നാ​ടി​ന് വെ​ള്ളം കൊ​ടു​ക്കാൻ കേ​ര​ളം എ​പ്പോ​ഴും സ​ന്ന​ദ്ധ​മാ​ണ്. എ​ങ്കി​ലും കാ​ല​വർഷ സ​മ​യ​ത്ത് കേ​ര​ള​ത്തി​ലെ ജ​ന​ങ്ങൾ​ക്ക് ഉ​ണ്ടാ​കു​ന്ന മാ​ന​സി​ക​വ്യഥ മാ​റ്റേ​ണ്ട​ത് അ​ത്യാ​വ​ശ്യ​മാ​ണ്.

 '​'​മ​ല​യെ സ​മീ​പി​ക്കു​ന്ന ഏ​ത് മൃ​ഗ​മാ​യാ​ലും അ​തി​നെ ക​ല്ലെ​റി​യ​ണം​"" എ​ന്ന ബൈ​ബി​ളി​ലെ പ​ഴയ വ​ച​ന​ത്തെ പോ​ലെ കേ​ര​ള​ത്തി​ലെ ഒ​രു മ​ല​യും കു​ന്നും വെ​ട്ടി​നി​ര​ത്താൻ കൊ​ടു​ക്കു​ക​യി​ല്ലെ​ന്ന് രാ​ഷ്ട്രീ​യ​ത്തി​ന​പ്പു​റം സു​ദൃ​ഢ​മായ തീ​രു​മാ​ന​മെ​ടു​ക്കാ​നും അ​ത് പ്രാ​വർ​ത്തി​ക​മാ​ക്കാ​നും ഗ​വൺ​മെ​ന്റി​ന് ക​ഴി​യ​ണം. എ​ല്ലാ ശാ​സ്ത്രീയ ക​മ്മി​റ്റി​ക​ളു​ടെ പ​ഠ​ന​ങ്ങൾ​ക്കും അ​പ്പു​റം ന​മ്മു​ടെ മ​ല​യും കു​ന്നും കേ​ര​ള​ത്തി​ന്റെ മാ​ത്രം ത​ന​തായ പ്ര​കൃ​തി സ​മ്പ​ത്താ​ണെ​ന്ന ബോ​ധം വ​രും​ത​ല​മു​റ​യ്ക്ക് ഉ​ണ്ടാ​ക്കി കൊ​ടു​ക്ക​ണം.

 പ്ര​ള​യ​ക്കെ​ടു​തി​യിൽ ന​ശി​ച്ച ദേ​ശീയ പാ​ത​ക​ളും അ​നു​ബ​ന്ധ പാ​ല​ങ്ങ​ളും കേ​ന്ദ്ര ഗ​വൺ​മെ​ന്റി​നെ കൊ​ണ്ട് വ​ള​രെ വേ​ഗം ശ​രി​യാ​ക്കാ​നു​ള്ള ഒ​രു മാ​സ്റ്റർ പ്ളാൻ സ​മർ​പ്പി​ക്കു​ക​യും അ​തിൽ തീ​രു​മാ​ന​മെ​ടു​ക്കാൻ സ​മ്മർ​ദ്ദം ചെ​ലു​ത്തു​ക​യും വേ​ണം. ബാ​ക്കി​യു​ള്ള പ്രാ​ദേ​ശിക റോ​ഡു​ക​ളും പാ​ല​ങ്ങ​ളും പി.​ഡ​ബ്ളി​യു.​ഡി​യു​ടെ മേൽ​നോ​ട്ട​ത്തിൽ യു​ദ്ധ​കാ​ലാ​ടി​സ്ഥാ​ന​ത്തിൽ പു​തു​ക്കിപ്പണി​യു​ക​യും ശ​രി​യാ​ക്കിയ റോ​ഡി​ന്റെ​യും പാ​ല​ത്തി​ന്റെ​യും ഉ​റ​പ്പും ബ​ല​വും ഒ​രു ക​രാ​റി​ന്റെ അ​ടി​സ്ഥാ​ന​ത്തിൽ നി​ശ്ചിത കാ​ലാ​വ​ധി വ​രെ ഉ​റ​പ്പു വ​രു​ത്തേ​ണ്ട​തുമാ​ണ്.

 ത​കർ​ന്ന വീ​ടു​കൾ പു​നർ​നിർ​മ്മി​ക്കു​മ്പോൾ, ന​മ്മു​ടെ കാ​ലാ​വ​സ്ഥ​യും മ​ണ്ണും മ​ന​സി​ലാ​ക്കി​യി​ട്ടു​ള്ള ദേ​ശീയ അ​ന്തർ​ദ്ദേ​ശീയ ത​ല​ത്തിൽ അ​റി​യ​പ്പെ​ടു​ന്ന വാ​സ്തു​ശി​ല്പി​ക​ളെ ഏ​ല്പി​ക്കു​ക. വീ​ടി​ന്റെ രൂ​പ​ക​ല്പ​ന​യിൽ ഒ​രു ഏ​കീ​കൃത ഘ​ട​ന​കൊ​ണ്ടു​വ​ന്നാൽ അ​തൊ​രു ഓർ​മ്മ​പ്പെ​ടു​ത്ത​ലാ​യി എ​ന്നും നി​ല​നിൽ​ക്കും.

​ഓ​ഖി ദു​ര​ന്ത​ത്തി​ലും പ്ര​ള​യ​ക്കെ​ടു​തി​യി​ലും കേ​ര​ള​ത്തി​ലെ മ​നു​ഷ്യ​ജീ​വ​നെ ര​ക്ഷി​ച്ച മ​ത്സ്യ​ത്തൊ​ഴി​ലാ​ളി​ക​ളെ ഒ​രു​മി​പ്പി​ച്ച് ഒ​രു ടാ​സ്ക് ഫോ​ഴ്സി​ന് രൂ​പം കൊ​ടു​ക്ക​ണം. ന​മ്മു​ടെ ഫോ​ഴ്സ് പോ​ലെ ഏ​ത് ആ​പ​ത്ഘ​ട്ട​ത്തി​ലും വി​ളി​ച്ചാൽ എ​ത്താ​വു​ന്ന ഒ​രു ശ​ക്തി​യാ​യി അ​വ​രെ മാ​റ്റ​ണം. തി​രി​ച്ച​റി​യൽ കാർ​ഡ് നൽ​കി ടാ​സ്ക് ഫോ​ഴ്സിൽ ഉൾ​പ്പെ​ടു​ത്തു​ന്ന​വർ​ക്ക് മാസ ശ​മ്പ​ള​മോ ആ​നു​കൂ​ല്യ​ങ്ങ​ളോ ഒ​ന്നും നൽ​കേ​ണ്ട. പ​ക്ഷേ ആ​പ​ത്ഘ​ട്ട​ത്തിൽ സ​ഹാ​യി​ക്കു​മ്പോൾ അ​വർ​ക്ക് വേ​ത​ന​വും ഇൻ​ഷ്വ​റൻ​സ് പ​രി​ര​ക്ഷ​യും നൽ​ക​ണം. ഇ​ത് ഇ​ക്കൂ​ട്ടർ​ക്ക് വ​ലി​യ​ഒ​രു അം​ഗീ​കാ​ര​വും പ്രോ​ത്സാ​ഹ​ന​വും ആ​യി​രി​ക്കും. പ്ര​ള​യ​ക്കെ​ടു​തി​യിൽ സർ​ക്കാ​രി​ന് പ​രി​പൂർണ പി​ന്തു​ണ​യു​മാ​യി കേ​ന്ദ്ര​വും കേ​ര​ള​ത്തി​ലെ ജ​ന​ങ്ങ​ളും സ​ന്ന​ദ്ധ സം​ഘ​ട​ന​ക​ളും ഒ​ന്നി​ക്കു​മ്പോൾ രാ​ഷ്ട്രീയ ചേ​രി​തി​രി​വും ഇ​ട​പെ​ട​ലു​ക​ളും ഉ​ണ്ടാ​കാ​തി​രി​ക്കാൻ ഗ​വൺ​മെ​ന്റ് ശ്ര​ദ്ധി​ക്ക​ണം.

(​എ​സ്.​സി.​എം.​എ​സ് ഇൻ​സ്റ്റി​റ്റ്യൂ​ട്ട് ഒ​ഫ് ബ​യോ​ടെ​ക്നോ​ള​ജി ഡ​യ​റ​ക്ട​റാ​ണ് ലേ​ഖ​കൻ, ഫോൺ: 9847065069.​)