അമ്മ പീ​ഡ​ന​ത്തി​നി​ര​യാ​യാൽ മ​ക്കൾ നോ​ക്കി നിൽ​ക്ക​ണോ​?. ജീ​വി​ത​ത്തിൽ അ​ത്ത​ര​മൊ​രു അ​നു​ഭ​വ​ത്തി​ന് മു​ന്നിൽ നിൽ​ക്കു​മ്പോ​ഴേ വേ​ദന മ​ന​സി​ലാ​കൂ. ദി​വ​സ​വും തു​ളു​മ്പി വീ​ഴു​ന്ന അ​മ്മ​യു​ടെ ക​ണ്ണീ​രൊ​പ്പു​ന്ന ഞ​ങ്ങൾ​ക്ക് നീ​തി​ക്കാ​യി തെ​രു​വി​ലേ​ക്കി​റ​ങ്ങേ​ണ്ടി വ​ന്നു. സ​ഭാ​ധി​കൃ​തർ തെ​രു​വി​ലേ​ക്ക് ഇ​റ​ക്കി വി​ട്ടു​വെ​ന്ന​താ​ണ് സ​ത്യം.' സി​സ്‌​റ്റർ അ​നു​പ​മ​യു​ടെ വാ​ക്കു​ക​ളിൽ വേ​ദ​ന​യും പോ​രാ​ട്ട വീ​ര്യ​ത്തി​ന്റെ ക​രു​ത്തു​മു​ണ്ടാ​യി​രു​ന്നു. ജ​ല​ന്ധർ ബി​ഷ​പ്പ് ഫ്രാ​ങ്കോ മു​ള​യ്‌​ക്കൽ മാ​ന​ഭം​ഗ​പ്പെ​ടു​ത്തി​യെ​ന്ന് പ​രാ​തി നൽ​കിയ കോ​ട്ട​യം കു​റ​വി​ല​ങ്ങാ​ട് മി​ഷ​ന​റീ​സ് ഒ​ഫ് ജീ​സ​സ് കോൺ​വെ​ന്റി​ലെ ക​ന്യാ​സ്‌​ത്രീ​ക്ക് നീ​തി നേ​ടി​ക്കൊ​ടു​ക്കാൻ പോ​രാ​ട്ടം ന​ട​ത്തു​ന്ന സം​ഘ​ത്തി​ലെ പ്ര​ധാ​നി​യാ​ണ് സി​സ്‌​റ്റർ അ​നു​പ​മ. പീഡനത്തിന് ഇരയായ കന്യാസ്‌ത്രീയെ അനുപമയും സഹപ്രവർത്തകരും അമ്മയെന്നാണ് വിശേഷിപ്പിക്കുന്നത്. നീ​തി​ക്കു വേ​ണ്ടി പോ​രാ​ടു​ന്ന​തി​നെ​ക്കു​റി​ച്ച് ചോ​ദി​ച്ച​പ്പോൾ ബൈ​ബി​ളി​ലെ ര​ണ്ടു വ​രി​യാ​യി​രു​ന്നു സി​സ്‌​റ്റ​റി​ന്റെ മ​റു​പ​ടി. ' മ​രി​ക്കേ​ണ്ടി വ​ന്നാ​ലും സ​ത്യം വെ​ടി​യ​രു​ത്. ദൈ​വ​മായ കർ​ത്താ​വ് നി​ന​ക്ക് വേ​ണ്ടി പൊ​രു​തി​ക്കോ​ളും​'.

സി​സ്‌​റ്റർ അ​നു​പമ '​കേ​ര​ള​കൗ​മു​ദി '​ക്ക് നൽ​കിയ പ്ര​ത്യേക അ​ഭി​മു​ഖം.

 

 നി​ങ്ങ​ളു​ടെ സ​മ​രം സ​ഭ​യ്‌​ക്ക് എ​തിരെയാ​ണോ?​ സ​മ​രം മി​ഷ​ന​റീ​സ് ഒ​ഫ് ജീ​സ​സി​നെ അ​പ​മാ​നി​ക്ക​ലാ​ണെ​ന്നാ​ണ് അ​വ​രു​ടെ വാ​ദം?

ഒ​രി​ക്ക​ലും സ​ഭ​യ്‌​ക്കെ​തി​ര​ല്ല. സ​ഭ​യിൽ നി​ന്ന് നീ​തി ല​ഭി​ച്ചി​രു​ന്നു​വെ​ങ്കിൽ തെ​രു​വി​ലി​റ​ങ്ങു​ക​യി​ല്ലാ​യി​രു​ന്നു. പ​രാ​തി​ക​ളിൽ ഒ​രു ന​ട​പ​ടി​യു​മു​ണ്ടാ​യി​ല്ല. മ​ദർ സുപ്പീരിയർ സി​സ്‌​റ്റർ റെ​ജീന ബി​ഷ​പ്പി​നാ​യി നി​ല​കൊ​ള്ളു​ക​യാ​യി​രു​ന്നു. യ​ഥാർ​ത്ഥ​ത്തിൽ അ​വ​രാ​ണ് മി​ഷ​ന​റീ​സ് ഒ​ഫ് ജീ​സ​സി​നെ അ​പ​മാ​നി​ച്ച​ത്. എ​ല്ലാ പ​രാ​തി​ക​ളും അ​വർ മു​ക്കി.

​ക​ന്യാ​സ്‌​ത്രീ​ക​ളായ ചി​ലർ ഫ്രാ​ങ്കോ മു​ള​യ്‌​ക്ക​ലി​നെ ക്രൂ​ശി​ക്കു​ക​യാ​ണെ​ന്ന് മി​ഷ​ന​റീ​സ് ഒ​ഫ് ജീ​സ​സ് പ​റ​യു​ന്നു?

അ​വർ സ്വ​യം ക്രൂ​ശി​ക്ക​പ്പെ​ടു​ക​യാ​ണ്. ഫ്രാ​ങ്കോ​യെ സം​ര​ക്ഷി​ക്കു​ന്നു. മ​ദർ സു​പ്പീ​രി​യർ കൂ​ട്ടി​ക്കൊ​ടു​പ്പു​കാ​രി​യു​ടെ ത​ല​ത്തി​ലേ​ക്ക് അ​ധ​:​പ​തി​ച്ചു. അ​ധി​കാ​ര​മു​ണ്ടെ​ങ്കി​ലും സ്വ​ന്ത​മാ​യി തീ​രു​മാ​ന​മെ​ടു​ക്കാ​തെ ഫ്രാ​ങ്കോ​യു​ടെ തീ​രു​മാ​ന​ങ്ങൾ അ​ടി​ച്ചേൽ​പ്പി​ക്കു​ന്നു.

​സ​മ​ര​ത്തി​നി​റ​ങ്ങിയ സ​ഹോ​ദ​രി​മാ​രെ ഞ​ങ്ങൾ​ക്ക് അ​റി​യാ​വു​ന്നി​ട​ത്തോ​ളം പൊ​തു​സ​മൂ​ഹ​ത്തി​ന് അ​റി​യി​ല്ലെ​ന്നാ​ണ് മി​ഷ​ന​റീ​സ് ഒ​ഫ് ജീ​സ​സി​ന്റെ അ​വ​കാ​ശ​വാ​ദം?

പൊ​തു​സ​മൂ​ഹം മ​ന​സി​ലാ​ക്കി​യ​തു​കൊ​ണ്ടാ​ണ​ല്ലോ അ​വർ പി​ന്തു​ണ​യു​മാ​യി എ​ത്തു​ന്ന​ത്. അ​പ്പ​ച്ചൻ​മാർ, അ​മ്മ​ച്ചി​മാർ, കു​ഞ്ഞു​ങ്ങൾ എ​ല്ലാ​വ​രും പി​ന്തു​ണ​യ​റി​യി​ച്ച് വി​ളി​ക്കു​ന്നു. ഞ​ങ്ങ​ളു​ടെ ക​ണ്ണീ​രു കാ​ണു​മ്പോൾ വീ​ട്ടി​ലി​രി​ക്കാൻ ക​ഴി​യു​ന്നി​ല്ലെ​ന്നാ​ണ് അ​വർ പ​റ​യു​ന്ന​ത്. ഞ​ങ്ങൾ​ക്കൊ​പ്പം സ​മ​രപ്പന്ത​ലി​ലെ​ത്തി ക​രു​ത്തു നൽ​കു​ന്നു. ഇ​ത് സ​ഭ​യും മി​ഷ​ന​റീ​സ് ഒ​ഫ് ജീ​സ​സും തി​രി​ച്ച​റി​യ​ണം.

 ആ​ദ്യ​മാ​യി പീ​ഡി​പ്പി​ച്ചു​വെ​ന്ന് പ​റ​യു​ന്ന 2014 മേ​യ് അ​ഞ്ചി​ന് ഫ്രാ​ങ്കോ കു​റ​വി​ല​ങ്ങാ​ട് മ​ഠം സ​ന്ദർ​ശി​ച്ച് അ​ത്താ​ഴം ക​ഴി​ച്ച് മ​റ്റൊ​രു മ​ഠ​ത്തി​ലാ​ണ് താ​മ​സി​ച്ച​തെ​ന്ന് പ​റ​യു​ന്നു?

ഫ്രാ​ങ്കോ അ​ന്ന് താ​മ​സി​ച്ച​ത് കു​റ​വി​ല​ങ്ങാ​ട് മ​ഠ​ത്തിൽ ത​ന്നെ​യാ​ണ്. പി​റ്റേ​ന്ന് പ​രാ​തി​ക്കാ​രി​യായ ക​ന്യാ​സ്‌​ത്രീ​യു​ടെ ബ​ന്ധു​വി​ന്റെ വീ​ട്ടിൽ ആ​ദ്യ കുർ​ബാ​ന​യ്‌​ക്ക് ക്ഷ​ണ​മു​ണ്ടാ​യി​രു​ന്നു. ബി​ഷ​പ്പി​നെ സ്വീ​ക​രി​ച്ച​ശേ​ഷം വീ​ട്ടി​ലേ​ക്ക് മ​ട​ങ്ങാ​നൊ​രു​ങ്ങിയ ക​ന്യാ​സ്‌​ത്രീ​യെ ന​മു​ക്ക് നാ​ളെ ഒ​രു​മി​ച്ച് പോ​കാ​മെ​ന്ന് പ​റ​ഞ്ഞ് നിർ​ബ​ന്ധി​ച്ച് ബി​ഷ​പ്പ് അ​വി​ടെ താ​മ​സി​പ്പി​ക്കു​ക​യാ​യി​രു​ന്നു.

 2014 മു​തൽ 2016 വ​രെ പീ​ഡി​പ്പി​ച്ചു​വെ​ന്നാ​ണ് പ​രാ​തി. 2015 മേ​യ് 23 ന് ബി​ഷ​പ്പ് പ​ങ്കെ​ടു​ത്ത ഒ​രു ച​ട​ങ്ങിൽ ക​ന്യാ​സ്‌​ത്രീ​യും പ​ങ്കെ​ടു​ത്തു. അ​തി​നു​ശേ​ഷം ബി​ഷ​പ്പി​ന്റെ വി​വിധ പ​രി​പാ​ടി​കൾ കേ​ര​ള​ത്തിൽ സം​ഘ​ടി​പ്പി​ച്ചു​വെ​ന്ന് മി​ഷ​ന​റീ​സ് ഒ​ഫ് ജീ​സ​സ് പ​റ​യു​ന്നു?

കേ​ര​ള​ത്തി​ന്റെ ചു​മ​തല അ​ന്ന് സി​സ്‌​റ്റർ​ക്കാ​യി​രു​ന്നു. ഇ​ഷ്‌​ട​പ്ര​കാ​ര​മ​ല്ല ഒ​ന്നും ചെ​യ്‌​ത​ത്. ചു​മ​ത​ല​യു​ള്ള​തി​നാൽ ജോ​ലി നിർ​വ​ഹി​ച്ചു.

 ഫ്രാ​ങ്കോയിൽ നി​ന്ന് സി​സ്‌​റ്റർ​ക്ക് എ​ന്തെ​ങ്കി​ലും ദു​ര​നു​ഭ​വ​മു​ണ്ടാ​യി​ട്ടു​ണ്ടോ?

2017 ജൂ​ലാ​യിൽ കു​റ​വി​ല​ങ്ങാ​ട് മ​ഠ​ത്തിൽ നി​ന്ന് ഗു​രു​ദാ​സ്‌​പൂ​രി​ലെ​ത്തി. പ​രാ​തി​ക്കാ​രി​യായ ക​ന്യാ​സ്‌​ത്രീ​ക്ക് പി​ന്തുണ നൽ​കു​ന്ന​തി​നാൽ എ​നി​ക്ക് ഒ​രു ചു​മ​ത​ല​യും ജോ​ലി​യും ത​ന്നി​ല്ല. എ​ന്നും അ​ട​ച്ചി​ട്ട മു​റി​യിൽ ഇ​രി​ക്കു​ക. മ​ദർ സു​പ്പീ​രി​യർ റെ​ജീന പ​റ​ഞ്ഞി​ട്ടാ​ണ് വ​രു​ന്ന​തെ​ന്ന് പ​റ​ഞ്ഞ് ഒ​രു ദി​വ​സം സി​സ്‌​റ്റർ ആ​നി റോ​സ് മു​റി​യി​ലെ​ത്തി. എ​ന്നെ ഫ്രാ​ങ്കോ​യ്‌​ക്ക് മു​ന്നി​ലെ​ത്തി​ക്കു​ക​യാ​യി​രു​ന്നു ദൗ​ത്യം. ബി​ഷ​പ്പി​ന്റെ മു​റി​യി​ലേ​ക്ക് എ​ത്തി​യ​പ്പോൾ '​അ​വൻ ന​മ്മു​ടെ​യാ​ള​ല്ല ത​ട്ടി​യേ​ക്കൂ' എ​ന്നു ഫോ​ണിൽ പ​റ​യു​ന്ന​താ​ണ് കേ​ട്ട​ത്. കൂ​ടി​ക്കാ​ഴ്ച ന​ട​ന്ന ഗ്യാ​നോ​ദയ പാ​സ്‌​റ്റർ സെ​ന്റ​റിൽ ആ സ​മ​യം ഫാ. പീ​റ്റർ കാ​വും​പു​റ​വു​മു​ണ്ടാ​യി​രു​ന്നു. ഇ​ര​യു​ടെ കു​റ്റ​ങ്ങ​ളും കു​റ​വു​ക​ളും മാ​ത്ര​മാ​ണ് നാ​ലു മ​ണി​ക്കൂർ ഫ്രാ​ങ്കോ സം​സാ​രി​ച്ച​ത്. അ​വ​രോ​ട് മി​ണ്ട​രു​തെ​ന്ന് നിർ​ദ്ദേ​ശി​ച്ചു. എ​നി​ക്ക് ഇ​പ്പോ​ഴാ​ണ് സ​ത്യം മ​ന​സി​ലാ​യ​തെ​ന്ന് ബ​ല​മാ​യി എ​ഴു​തി വാ​ങ്ങി​ച്ചു. അ​തി​നി​ട​യിൽ എ​നി​ക്ക് എ​വി​ടെ നി​ന്നോ ശ​ക്തി കി​ട്ടി. അ​മ്മ പി​താ​വി​നൊ​പ്പം കി​ട​ക്കാൻ സ​മ്മ​തി​ക്കാ​ത്ത​ത​ല്ലേ പ്ര​ശ്‌​ന​മെ​ന്ന് ചോ​ദി​ച്ച് മു​റി​യിൽ നി​ന്നി​റ​ങ്ങി.

​മി​ഷ​ന​റീ​സ് ഒ​ഫ് ജീ​സ​സ് സ​ഭ​യിൽ എ​ല്ലാം നി​യ​മ​പ​ര​മാ​യാ​ണോ ന​ട​ക്കു​ന്ന​ത് ?​ എ​ന്തെ​ങ്കി​ലും നി​യ​മ​വി​രു​ദ്ധ പ്ര​വർ​ത്ത​ന​ങ്ങൾ അ​റി​യാ​മോ?

സു​താ​ര്യ​മാ​ണോ​യെ​ന്ന് ചോ​ദി​ച്ചാൽ അ​ല്ല. മ​ദർ ജ​ന​റ​ലി​ന് പൂർണ അ​ധി​കാ​ര​മു​ണ്ടെ​ങ്കി​ലും ബി​ഷ​പ്പാ​ണ് എ​ല്ലാം നി​യ​ന്ത്രി​ക്കു​ന്ന​ത്. ഇ​ഷ്‌​ട​ക്കാർ​ക്ക് എ​ന്തും സ​ഹാ​യ​വും ചെ​യ്‌​തു കൊ​ടു​ക്കും. അ​ല്ലാ​ത്ത​വ​രെ ഭീ​ഷ​ണി​പ്പെ​ടു​ത്തി ചൊൽ​പ്പ​ടി​ക്ക് നി​റു​ത്താൻ ശ്ര​മി​ക്കും.

​സ​ഭ​യിൽ ന​ട​ന്ന കൂ​ടു​തൽ പീ​ഡ​ന​ങ്ങ​ളോ, ക്രി​മി​നൽ സം​ഭ​വ​ങ്ങ​ളോ അ​റി​യാ​മോ?

ഫ്രാ​ങ്കോ​യു​ടെ മാ​ന​സി​ക- ശാ​രീ​രിക പീ​ഡ​ന​ങ്ങ​ളിൽ 20 ക​ന്യാ​സ്‌​ത്രീ​കൾ തി​രു​വ​സ്‌​ത്രം ഉ​പേ​ക്ഷി​ച്ചു. ഇ​വർ ഇ​പ്പോൾ കു​ടും​ബ​ജീ​വി​തം ന​യി​ക്കു​ന്ന​വ​രാ​ണ്. അ​തി​നാൽ കൂ​ടു​ത​ലൊ​ന്നും പ​റ​യാ​നാ​വി​ല്ല.

​നി​ങ്ങൾ​ക്ക് എ​ന്തെ​ങ്കി​ലും പ്ര​തി​ഫ​ല​മോ ശ​മ്പ​ള​മോ ല​ഭി​ക്കു​ന്നു​ണ്ടോ?

മാ​സം 500 രൂപ നൽ​കും. അ​ത് സ്വ​രു​ക്കൂ​ട്ടി​യാ​ണ് വ​സ്‌​ത്ര​ങ്ങൾ ഉൾ​പ്പെ​ടെ വാ​ങ്ങു​ന്ന​ത്. നേ​ര​ത്തെ വ​സ്‌​ത്ര​ങ്ങൾ വാ​ങ്ങിയ ബി​ല്ല് നൽ​കി​യാൽ പ​ണം ത​രു​മാ​യി​രു​ന്നു. ഇ​പ്പോ​ഴ​തി​ല്ല. ജോ​ലി ചെ​യ്‌​താൽ ശ​മ്പ​ളം സ​ഭ​യ്‌​ക്കാ​ണ്.

 മി​ഷ​ന​റീ​സ് ഒ​ഫ് ജീ​സ​സ് പു​റ​ത്താ​ക്കി​യാൽ എ​ന്തു ചെ​യ്യും?

പു​റ​ത്താ​ക്കാൻ പ​റ്റി​ല്ല. ഞ​ങ്ങൾ നി​ത്യ​വ്ര​തം അ​നു​ഷ്‌​ഠി​ക്കു​ന്ന​വ​രാ​ണ്. സ്വ​ത്തു വ​രെ സ​ഭ​യ്‌​ക്ക് നൽ​കി. ഇ​നി ശി​ക്ഷാ ന​ട​പ​ടി​ക​ളു​മാ​യി പീ​ഡി​പ്പി​ക്കാ​നേ ക​ഴി​യു​ക​യു​ള്ളൂ. നീ​തി​ക്കു​വേ​ണ്ടി​യു​ള്ള പോ​രാ​ട്ട​മാ​യ​തി​നാൽ ഭ​യ​മി​ല്ല.

 മ​ന​സു​മ​ടു​ത്ത് പു​റ​ത്തു പോ​കേ​ണ്ടി വ​ന്നാ​ലോ ?
ഭ​യ​മൊ​ന്നു​മി​ല്ല. പു​റ​ത്തു പോ​കു​ന്ന​തി​നെ​ക്കു​റി​ച്ച് ചി​ന്തി​ച്ചി​ട്ടി​ല്ല. ന​ട​പ​ടി​കൾ വ​രു​മ്പോൾ എ​ന്തു വേ​ണ​മെ​ന്ന് തീ​രു​മാ​നി​ക്കും.