 മരുന്നുകടയിൽ മോഷണം , രണ്ട് കടകളിൽ മോഷണ ശ്രമം

ചേർത്തല: ചേർത്തലയിൽ മരുന്നുകടയുടെ പൂട്ടു പൊളിച്ച് അകത്ത് കടന്ന മോഷ്ടാക്കൾ പണം കവർന്നു. .സമീപത്തെ രണ്ട് സ്ഥാപനങ്ങളുടെ പൂട്ട് തകർത്ത് മോഷണ ശ്രമവും നടന്നു.

ശ്രീനാരായണ മെമ്മോറിയൽ ഗവ.ബോയ്‌സ് ഹയർ സെക്കൻഡറി സ്‌കൂളിന് എതിർവശത്തെ കടകളിലാണ് മോഷണവും മോഷണശ്രമവും നടന്നത്.മെഡിക്കൽ സ്‌​റ്റോറിലെ മേശവലിപ്പിൽ സൂക്ഷിച്ചിരുന്ന 250 രൂപയാണ് നഷ്ടപ്പെട്ടത്. എന്നാൽ ഇതിന് സമീപം വച്ചിരുന്ന 40000 രൂപ മോഷ്ടാക്കളുടെ ശ്രദ്ധയിൽപ്പെടാതിരുന്നതിനാൽ നഷ്ടപ്പെട്ടില്ല.മെഡിക്കൽ സ്‌​റ്റോറിന് മുന്നിൽ സ്ഥാപിച്ചിരുന്ന കാമറ തല്ലി തകർത്തു. വിരലടയാള വിദഗ്ധർ സ്ഥലത്തെത്തി പരിശോധന നടത്തി.