കൊ​ച്ചി​:​ ​ശബരിമലയിൽ യുവതികൾ പ്രവേശിച്ചാൽ കൈഞരമ്പ് മുറിച്ച് രക്തം ചിന്തി നടയടച്ചിടാൻ പദ്ധതിയിട്ടതായി വെളിപ്പെടുത്തിയ അയ്യപ്പധർമ്മ സേന പ്രസിഡന്റ് രാഹുൽ ഈശ്വറിനെ (35) എറണാകുളം സെൻട്രൽ പൊലീസ് അറസ്റ്റു ചെയ്‌തു. തിരുവനന്തപുരം നന്ദാവനത്തെ ഫ്ളാറ്റിൽ നിന്ന് ഇന്നലെ രാവിലെ 11നായിരുന്നു അറസ്റ്റ്. മ​ത​സ്‌​പ​ർ​ദ്ധ​ ​വ​ള​ർ​ത്തി​യെ​ന്ന​ ​കേ​സി​ൽ​ ​ജാ​മ്യ​മി​ല്ലാ​ ​വ​കു​പ്പു​ ​പ്ര​കാ​രമാണ് അറസ്റ്റ് ചെയ്തത്. എന്നാൽ രാ​ഹു​ലിനെ​ ​പൊ​ലീ​സ് ​ക​സ്റ്റ​ഡി​യി​ൽ​ ​ആ​വ​ശ്യ​പ്പെ​ട്ടി​ട്ടും​ ​മ​ജി​സ്ട്രേ​ട്ട് ​ജാ​മ്യം​ ​ന​ൽ​കി.​ ​ഇ​ന്ന​ലെ​ ​എ​റ​ണാ​കു​ളം​ ​ജു​ഡി​ഷ്യ​ൽ​ ​ഫ​സ്‌​റ്റ് ​ക്‌​ളാ​സ് ​മ​ജി​സ്‌​ട്രേ​ട്ടി​ന്റെ​ ​ചു​മ​ത​ല​യു​ണ്ടാ​യി​രു​ന്ന​ ​ജു​ഡി​ഷ്യ​ൽ​ ​ഫ​സ്‌​റ്റ് ​ക്‌​ളാ​സ് ​മ​ജി​സ്ട്രേ​ട്ട് ​(​സാ​മ്പ​ത്തി​ക​ ​കു​റ്റം​)​ ​ര​മ്യ​യാ​ണ് ​ഉ​പാ​ധി​ക​ളോ​ടെ​ ​ജാ​മ്യം​ ​അ​നു​വ​ദി​ച്ച​ത്.
എ​ല്ലാ​ ​ശ​നി​യാ​ഴ്ച​യും​ ​അ​ന്വേ​ഷ​ണ​ ​ഉ​ദ്യോ​ഗ​സ്ഥ​ൻ​ ​മു​മ്പാ​കെ​ ​ഹാ​ജ​രാ​ക​ണം,​ ​അ​ന്വേ​ഷ​ണ​ ​ഉ​ദ്യോ​ഗ​സ്ഥ​ൻ​ ​ആ​വ​ശ്യ​പ്പെ​ട്ടാ​ൻ​ ​ഉ​ട​ൻ​ ​എ​ത്ത​ണം​ ​എ​ന്നീ​ ​ഉ​പാ​ധി​ക​ളോ​ടെ​യാ​ണ് ​ജാ​മ്യം.​ ​യു​വ​തി​ക​ൾ​ ​ശ​ബ​രി​മ​ല​യി​ൽ​ ​എ​ത്തി​യാ​ൽ​ ​ര​ക്തം​ ​ചീ​ന്തി​ ​ന​ട​യ​ട​ച്ചി​ടാ​ൻ​ 20​ ​ല​ധി​കം​ ​പേ​ർ​ ​സ​ന്ന​ദ്ധ​രാ​യി​രു​ന്നു​വെ​ന്ന് ​24ന് എറണാകുളം പ്രസ് ക്ളബിൽ നടത്തിയ പത്രസമ്മേളനത്തിൽ രാ​ഹു​ൽ​ ​വെ​ളി​പ്പെ​ടു​ത്തി​യി​രു​ന്നു.​ ​ഈ​ 20​ ​പേ​രെ​ ​ക​ണ്ടെ​ത്താ​നാ​യി​ ​രാ​ഹു​ലി​നെ​ ​ക​സ്‌​റ്റ​ഡി​യി​ൽ​ ​വേ​ണ​മെ​ന്നാ​യി​രു​ന്നു​ ​പൊ​ലീ​സ് ​ആ​വ​ശ്യം.

തുലാമാസ പൂജയ്‌ക്ക് ശബരിമലയിൽ നട തുറന്നപ്പോൾ പ്രതിഷേധത്തിനിടെ രാഹുൽ അറസ്‌റ്റിലായിരുന്നു. ഒമ്പതു ദിവസത്തിനു ശേഷമാണ് ജാമ്യം ലഭിച്ചത്. അന്ന് ട്രാക്‌ടറിൽ പൊലീസ് പമ്പയിലെത്തിക്കുന്നതിനിടെ നടുവിന് പരിക്കേറ്റെന്ന് രാഹുൽ പറയുന്നു. ഇന്നലെ പൊലീസ് ജീപ്പിൽ നിന്ന് സ്റ്റേഷനിലേക്ക് ഇറക്കുമ്പോൾ ക്രച്ചസിന്റെ സഹായത്തോടെയാണ് നടന്നത്. സംസ്ഥാനത്ത് അപ്രഖ്യാപിത അടിയന്തരാവസ്ഥയാണെന്നും മാദ്ധ്യമങ്ങളോട് വിളിച്ചു പറഞ്ഞു.

അസി. കമ്മിഷണർ കെ. ലാൽജി, സി.ഐ അനന്തലാൽ, എസ്.ഐ ജോസഫ് സാജൻ എന്നിവരുടെ നേതൃത്വത്തിലുള്ള സംഘമാണ് രാഹുലിനെ അറസ്റ്റ് ചെയ്‌തത്.