ഇടുക്കി: കല, കായികം, സാഹിത്യം, ശാസ്ത്രം, സാമൂഹികം എന്നിവയിലേതെങ്കിലുമൊന്നിൽ അസാധാരണ കഴിവ് പ്രകടിപ്പിച്ചിട്ടുള്ള 5 നും 18 നും ഇടയിൽ പ്രായമുള്ള കുട്ടികൾക്കുള്ള 'ഉജ്ജ്വല ബാല്യം' പുരസ്‌കാരത്തിന് അപേക്ഷകൾ ക്ഷണിച്ചു. ഇതുമായി ബന്ധപ്പെട്ട് ലഭിച്ചിട്ടുള്ള സർട്ടിഫിക്കറ്റുകൾ, പ്രശസ്തിപത്രങ്ങൾ, കുട്ടിയുടെ പേരിൽ പ്രസിദ്ധീകരിച്ചിട്ടുള്ള പുസ്തകമുണ്ടെങ്കിൽ പകർപ്പ്, കലാപ്രകടനങ്ങൾ ഉൾക്കൊള്ളുന്ന സി.ഡി പത്രക്കുറിപ്പുകൾ, എന്നിവ അപേക്ഷയോടൊപ്പം ഉൾക്കൊള്ളിക്കണം. കേന്ദ്രസർക്കാരിന്റെ നാഷണൽ ചൈൽഡ് ഫോർ എക്‌സപ്ഷണൽ അച്ചീവ്‌മെന്റ് കരസ്ഥമാക്കിയ കുട്ടികൾക്ക് സംസ്ഥാന സർക്കാർ സ്റ്റൈപ്പന്റ് നൽകുന്നതിനാണ് അവാർഡിന് പരിഗണിക്കുന്നത്. ഒരു ജില്ലയിലെ ഒരു കുട്ടിക്കാണ് അവാർഡ് നൽകുന്നത്. 25000 രൂപയും സർട്ടിഫിക്കറ്റും ട്രോഫിയുമടങ്ങുന്നതാണ് പുരസ്‌കാരം. അപേക്ഷ ചൈൽഡ് പ്രൊട്ടക്ഷൻ ഓഫീസർ, ജില്ലാ ചൈൽഡ് പ്രൊട്ടക്ഷൻ യൂണിറ്റ്, വെങ്ങല്ലൂർ പി.ഒ, തൊടുപുഴ, ഇടുക്കി, പിൻ 685608 എന്ന വിലാസത്തിൽ നവംബർ 15ന് ലഭിക്കത്തക്ക വിധത്തിൽ അയക്കണം. വിവരങ്ങൾക്ക് 04862200108,