തൊടുപുഴ : ചാഴികാട്ട് ആശുപത്രിയിൽ രക്തം ഘടകങ്ങളായി വേർതിരിക്കാനുള്ള അത്യൂധുനിക സൗകര്യങ്ങളോടുകൂടിയ ബ്ലഡ് ബാങ്കിന്റെയും, പെയിൻ ക്ലിനിക്കിന്റെയും ഉദ്ഘാടനം നടത്തി. ഇടുക്കി എം.പി. അഡ്വ. ജോയിസ് ജോർജ്ജ് ബ്ലഡ് ബാങ്കിന്റെയും മുൻസിപ്പൽ ചേയർപേഴ്സൺ മിനി മധു പെയിൻ ക്ലിനിക്കിന്റെയും ഉദ്ഘാടനം നിർവ്വഹിച്ചു. ജോയിന്റ് എം.ഡി. ഡോ. സി.എസ്സ്. സ്റ്റീഫൻ, രക്തദാന ഗ്രൂപ്പുകളെ ആദരിച്ചു. ന്യൂറോ സർജൻ ഡോ. ഇമ്മാനുവൽ ജെ. താസും, ഫിസിഷ്യൻ രാമു കൃഷ്ണനും പക്ഷാഘാതത്തെ സംബന്ധിച്ചും അനസ്‌തേഷ്യോളജിസ്റ്റ് ഡോ. അശ്വനി കുമാർ പെയിൻ ക്ലിനിക്കിനെ സംബന്ധിച്ചും വിശദീകരണം നടത്തി. ആശുപത്രിയുടെ ചെയർമാൻ ഡോ.ജോസഫ് സ്റ്റീഫന്റെ അദ്ധ്യക്ഷതയിൽ ചേർന്ന സമ്മേളനത്തിൽ ഇടുക്കി പ്രസ്സ്‌ക്ലബ്ബ് പ്രസിഡന്റ് അഷറഫ് വട്ടപ്പാറ, മെഡിക്കൽ സൂപ്രണ്ട് ഡോ. റ്റോമി മാത്യു, ദ്രോണാചാര്യ തോമസ് മാഷ്, സ്വാന്തനം ചാരിറ്റബിൾ സൊസൈറ്റി പ്രസിഡന്റ് എം.എം. അൻസാരി, ജനറൽ മാനേജർ തമ്പി എരുമേലിക്കര, സി.ഇ.ഒ. ഡോ.സ്റ്റീഫൻ ജോസഫ് എന്നിവർ ആശംസകൾ അർപ്പിച്ചു. സമ്മേളനത്തോടനുബന്ധിച്ച് ചാഴികാട്ട് ആശുപത്രി നഴ്സിംഗ് സ്‌കൂൾ വിദ്യാർത്ഥികൾ രക്തദാനത്തിന്റെ പ്രാധാന്യത്തെക്കുറിച്ചുള്ള സ്‌കിറ്റ് അവതരിപ്പിച്ചു. ദേശീയ അത്ലറ്റിക് താരം രാജാസ് തോമസ് രക്തദാനം നടത്തി.