കോഴിക്കോട്: പെട്രോൾ, ഡീസൽ, പാചകവാതക വില വർദ്ധനവിൽ പ്രതിഷേധിച്ച് മഹിളാ കോൺഗ്രസ് ജില്ലാ കമ്മിറ്റിയുടെ നേതൃത്വത്തിൽ നഗരത്തിൽ റോഡ് ഉപരോധിച്ചു.

ഡി.സി.സി.പ്രസിഡന്റ് ടി.സിദ്ദിഖ് ഉദ്ഘാടനം ചെയ്തു. മാനാഞ്ചിറ കിഡ്‌​സൺ കോർണറിൽ നിന്ന് പ്രകടനമായെത്തിയ മഹിളാ കോൺഗ്രസ് പ്രവർത്തകർ ഡി.ഡി.ഇ ഓഫീസിന് മുന്നിൽ കുത്തിയിരിക്കുകയായിരുന്നു. തുടർന്ന് റോഡിൽ അല്പനേരം ഗതാഗതം സ്തംഭിച്ചു.

മഹിളാ കോൺഗ്രസ് ജില്ലാ പ്രസിഡന്റ് പി.ഉഷാദേവി അദ്ധ്യക്ഷത വഹിച്ചു. വൈസ് പ്രസിഡന്റുമാരായ ഉഷാ ഗോപിനാഥ്, രാധ ഹരിദാസ്, എസ്.പി.കൃഷ്ണവേണി, രത്‌​നവല്ലി, ഗൗരി പുതിയേടത്ത്, ട്രഷറർ പ്രമീള ബാലഗോപാലൻ, സെക്രട്ടറിമാരായ ഫൗസിയ അസീസ്, സരസ്വതി, പുഷ്പലത, സന്ധ്യ ,സുമതി, തുടങ്ങിയവർ നേതൃത്വം നൽകി.