കുന്ദമംഗലം: കർഷകസംഘം സംസ്ഥാന വൈസ് പ്രസിഡണ്ടും അഖിലേന്ത്യാ കൗൺസിൽ അംഗവുമായ ടി. പി. ബാലകൃഷ്ണൻ നായർ (81) നിര്യാതനായി. രോഗ ബാധയെ തുടർന്ന് ചികിത്സയിലായിരുന്നു. കുരിക്കത്തൂർ തെഞ്ചേരി പറമ്പിലെ വീട്ടിൽ വെള്ളിയാഴ്ച വൈകീട്ടായിരുന്നു അന്ത്യം. സംസ്ക്കാരം ഇന്ന്(ശനിയാഴ്ച) രാവിലെ 11ന് വീട്ടുവളപ്പിൽ നടക്കും.

കണ്ണുകൾ കോഴിക്കോട് മെഡിക്കൽ കോളേജ് നേത്രബാങ്കിന് ദാനം ചെയ്തു. കർഷക സംഘം കോഴിക്കോട് ജില്ലാ സെക്രട്ടറി, സി.പി.ഐ.എം കോഴിക്കോട് ജില്ലാ സെക്രട്ടറിയേറ്റ് അംഗം, സി.പി.ഐ.എം കുന്ദമംഗലം ഏരിയാ സെക്രട്ടറി,കുന്ദമംഗലം ഗ്രാമപഞ്ചായത്ത് പ്രസിഡണ്ട്,കർഷക സംഘം കുന്നമംഗലം ഏരിയാ സെക്രട്ടറി എന്നീ നിലകളിൽ പ്രവർത്തിച്ചു. നിലവിൽ സി പി എം കുന്നമംഗലം ഏരിയാ കമ്മിറ്റി അംഗം, കോഴിക്കോട് താലൂക്ക് കാർഷിക വികസന ബാങ്ക് പ്രസിസൻറ് എന്നീ നിലകളിൽ പ്രവർത്തിച്ചു വരികയായിരുന്നു. 1956-ൽ പാർട്ടി അംഗമായി. അഭിവക്ത കമ്മ്യൂണിസ്റ്റ് പാർട്ടി കുന്ദമംഗലം മണ്ഡലം കമ്മിറ്റി അംഗം, സി പി എം കുന്ദമംഗലം, ചാത്തമംഗലം, മടവൂർ സംയുക്ത ലോക്കൽ കമ്മിറ്റി അംഗം, കുന്ദമംഗലം ഹൗസിംങ്ങ് സൊസൈറ്റി ഡയറക്ടർ എന്നീ നിലകളിൽ പ്രവർത്തിച്ചിട്ടുണ്ട്. ദീർഘകാലം എൽ ഡി എഫ് കുന്ദമംഗലം മണ്ഡലം കമ്മിറ്റി കൺവീനറായി പ്രവർത്തിച്ചിട്ടുണ്ട്. . കെ എസ് ആർ ടി സി യിലെ കണ്ടക്ടർ ജോലി ഉപേക്ഷിച്ച് മുഴുവൻ സമയ പാർട്ടി പ്രവർത്തകനായി മാറുകയായിരുന്നു. പത്ത് വർഷകാലം സി പി എം കുന്ദമംഗലം ഏരിയാ സെക്രട്ടറിയായി പ്രവർത്തിച്ചു : സംസ്ഥാനത്തും കോഴിക്കോട് ജില്ലയിലും നിരവധി കർഷക സമരങ്ങൾക്ക് നേതൃത്വം നൽകി. ഭാര്യ: സത്യഭാമ, മക്കൾ: റീത്ത (അധ്യാപിക, എ എൽ പി സ്കൂൾ, പുവ്വാട്ടുപറമ്പ്), പ്രശാന്ത്( കെഡിസി ബാങ്ക്, സി പി എം കുരിക്കത്തൂർ സൗത്ത് ബ്രാഞ്ചംഗം)' . മരുമക്കൾ: രാധാകൃഷ്ണൻ (റിട്ടയേർഡ് അധ്യാപകൻ), സുജ (അധ്യാപിക, എച്ച് എസ് എസ് കുന്ദമംഗലം) , സഹോദരങ്ങൾ: ടി പി ഭാസ്ക്കരൻനായർ ( സി പി എം കുരിക്കത്തൂർ സൗത്ത് ബ്രാഞ്ചംഗം , കർഷക സംഘം കുന്നമംഗലം മേഖലാ പ്രസിഡൻ്റ് ), പരേതരായ ഗോവിന്ദൻ കുട്ടി നായർ, തങ്കമ്മാളു .