അരിക്കുളം: അരിക്കുളം ടാക്കിസ് ഊരള്ളൂർ റോഡിൽ പടിഞ്ഞാറയിൽ ബുഷറ മൻസിലിൽ മൊയ്തിയുടെ കൊപ്ര കൂട് കത്തിനശിച്ചു. ചൊവ്വാഴ്ച വൈകുന്നേരം നാലോടെയാണ് സംഭവം. ഓടിയെത്തിയ നാട്ടുകാർ തീ അണയ്ക്കാൻ ശ്രമിച്ചെങ്കിലും നിയന്ത്രവിധേയമായില്ല. തുടർന്ന് കൊയിലാണ്ടി ഫയർ ഫോഴ്‌സ് എത്തിയാണ് തീ അണച്ചത്. ഫയർ ഫോഴ്‌സ് എത്തുമ്പോഴേക്കും കൊപ്ര കൂട് പൂർണ്ണമായും കത്തി നശിച്ചിരുന്നു. കൊപ്രക്കൂട്ടിൽ ഉണ്ടായിരുന്ന 22 കിന്റൽ കൊപ്രയും 19 കിന്റൽ തേങ്ങയും കത്തിനശിച്ചു. നാല്‌ ലക്ഷത്തോളം രൂപയുടെ നഷ്ടമാണ് കണക്കാക്കുന്നത്.