ന്യൂഡൽഹി : കാശ്മീരിലും, ഭീകരവാദത്തിലും ഊന്നിയുള്ള ഇന്ത്യ പാക് പ്രശ്ന പരിഹാര ചർച്ചകൾ ഫലം കാണാതെ അനന്തമായി നീളവേ പുതിയ പദ്ധതിയുമായി ബി.ജെ.പി നേതാവ് സുബ്രഹ്മണ്യ സ്വാമി രംഗത്തെത്തി. ഒരു കോൺഫറൻസിൽ പങ്കെടുക്കവെയാണ് അദ്ദേഹം ഈ പദ്ധതി പങ്കുവച്ചത് . പാകിസ്ഥാനെ നാലായി വിഭജിക്കണമെന്നും അതിൽ മൂന്ന് ഭാഗം ഇന്ത്യയോട് കൂട്ടിച്ചേർക്കണമെന്നുമാണ് സ്വാമിയുടെ അഭിപ്രായം. സിന്ധ്,പഖ്തൂൺ,ബലൂചിസ്ഥാൻ,പടിഞ്ഞാറൻ പാകിസ്ഥാൻ എന്നിങ്ങനെ ആ രാജ്യത്തെ വിഭജിക്കണം.ഇതിൽ ആദ്യത്തെ മൂന്ന് ഭാഗങ്ങൾ ഇന്ത്യയോട് കൂട്ടിച്ചേർക്കുകയും ചെയ്താൽ പ്രശ്നം എന്നന്നേയ്ക്കുമായി പരിഹരിക്കാനാവുമെന്നാണ് അദ്ദേഹം അഭിപ്രായപ്പെടുന്നത്.

അതേസമയം സുബ്രഹ്മണ്യ സ്വാമിയുടെ ഈ വാദത്തിന് ഇന്ത്യയിൽ വലിയ സ്വീകാര്യത ലഭിച്ചില്ലെങ്കിലും, ബി.ജെ.പി നേതാവിന്റെ ഭീഷണി എന്ന തരത്തിൽ പാകിസ്ഥാനിലെ ഓൺലൈൻ മാദ്ധ്യമങ്ങളിൽ ചർച്ചകൾ നടക്കുന്നുണ്ട്.