ദുബായ്: സഹപ്രവർത്തകനായ മലയാളിയെ പാകിസ്ഥാനി കുത്തിക്കൊന്നു. താമസ സൗകര്യത്തെ കുറിച്ചുള്ള തർക്കമാണ് കൊലപാതകത്തിൽ കലാശിച്ചത്. ദുബായിൽ മാനേജരായി ജോലി ചെയ്യുകയായിരുന്ന പൂനൂർ പൂക്കോട് വി.കെ അബുവിന്റെ മകൻ അബ്ദുൾ  റഷീദ് ആണ് കൊല്ലപ്പെട്ടത്. ഞായറാഴ്ച രാത്രി താമസസ്ഥലത്ത്‌ വച്ചായിരുന്നു കൊലപാതകമെന്നാണ് ലഭിക്കുന്ന വിവരം. ദുബായ് ഇൻവെസ്റ്റ്മെന്റ്സ് പാർക്കിലെ സൂപ്പർ മാർക്കറ്റിനോട് ചേർന്നാണ് റഷീദും പ്രതിയായ പാകിസ്ഥാനിയും ഉൾപ്പെടെയുള്ള ജീവനക്കാർ താമസിച്ചിരുന്നത്.