അശ്വതി: ഉപരിപഠനത്തിന് ഉദ്ദേശിക്കുന്ന വിദ്യാർത്ഥികൾക്ക് ആഗ്രഹിച്ച വിഷയം ലഭിക്കും. കർമ്മപുഷ്ടി ഉണ്ടാകും. മനസിൽ ആഗ്രഹിക്കുന്ന കാര്യങ്ങൾ ഭംഗിയായി നിറവേറും. ഭൂമിസംബന്ധമായി അഭിപ്രായ വ്യത്യസം ഉണ്ടാകും. മഹാഗണപതിക്ക് മോദക നിവേദ്യം നടത്തുക. വ്യാഴാഴ്ച ദിവസം അനുകൂലം

ഭരണി: പ്രൊമോഷനു വേണ്ടി ശ്രമിക്കുന്ന ജീവനക്കാർക്ക് അനുകൂലം. ഗൃഹത്തിൽ തസ്‌ക്കരഭയത്തിന് സാദ്ധ്യത. വിവാഹകാര്യത്തിൽ തീരുമാനം എടുക്കും. സഹോദരസ്ഥാനീയരിൽ നിന്നും സഹായം ലഭിക്കും.ശ്രീകൃഷ്ണന് പാൽപ്പായസം കഴിപ്പിക്കുക. വ്യാഴാഴ്ച ദിവസം അനുകൂലം.

കാർത്തിക: വിശേഷ വസ്ത്രാഭരണാദികൾ സമ്മാനമായി ലഭിക്കും. കലാരംഗത്ത് പ്രവർത്തിക്കുന്നവർക്ക് പുതിയ അവസരങ്ങൾ ലഭിക്കും. ദാമ്പത്യജീവിതം സന്തോഷപ്രദമായിരിക്കും, വിഷ്ണു സഹസ്രനാമം ജപിക്കുന്നത് ഉത്തം. വ്യാഴാഴ്ച ദിവസം അനുകൂലം.

രോഹിണി: വിവാഹാദി കർമ്മങ്ങളിൽ പങ്കെടുക്കും. മേലധികാരികളുടെ പ്രശംസ പിടിച്ചു പറ്റും.മാതാവിന്റെ ആരോഗ്യനിലയിൽ ശ്രദ്ധ.സാമ്പത്തിക അഭിവൃദ്ധി ഉണ്ടാകും. ഞായറാഴ്ച വ്രതം, സൂര്യ നമസ്‌ക്കാരം, സൂര്യ ഗായത്രി എന്നിവ പരിഹാരമാകുന്നു. ചൊവ്വാഴ്ച ദിവസം മംഗളകർമ്മങ്ങൾക്ക് നല്ലതല്ല.

മകയിരം: മംഗള കർമ്മങ്ങളിൽ പങ്കെടുക്കും. അവിവാഹിതരുടെ വിവാഹ കാര്യത്തിൽ തീരുമാനം എടുക്കും. മാതൃഗുണംലഭിക്കും. മിഥുനരാശിക്കാർക്ക് അനുകൂല സമയം. കർമ്മരംഗത്ത് ഉയർച്ച അനുഭവപ്പെടും.ദമ്പതികൾ തമ്മിൽ ഐക്യതയോടെ കഴിയും. ശനിയാഴ്ചദിവസം ശിവക്ഷേത്ര ദർശനം, ജലധാര, പഞ്ചാക്ഷരീ മന്ത്രം ഇവ പരിഹാരമാകുന്നു. വ്യാഴാഴ്ച ദിവസം അനുകൂലം.

തിരുവാതിര: നൃത്ത,സംഗീതാദി കലകളിൽ താത്പ്പര്യം വർദ്ധിക്കും. മനസ്സിനിണങ്ങിയ ജീവിതപങ്കാളിയെ കണ്ടെത്തും. കണ്ടകശനി കാലമായതിനാൽ ദമ്പതികൾ തമ്മിൽ അഭിപ്രായ വ്യത്യാസം ഉണ്ടാകും. ശിവന് ശംഖാഭിഷേകം നടത്തുക. ചൊവ്വാഴ്ച ദിവസം മംഗളകർമ്മങ്ങൾക്ക് നല്ലതല്ല.

പുണർതം: മാതാവിൽ നിന്നും സഹായസഹകരണങ്ങൾ ലഭിക്കും. കണ്ടകശനി കാലമായതിനാൽ ഗൃഹനിർമ്മാണത്തിന് ചെലവുകൾ ഉണ്ടാകും. പുണ്യസ്ഥലങ്ങൾ സന്ദർശിക്കാനിട വരും. ചൊവ്വാഴ്ച ദിവസം മംഗളകർമ്മങ്ങൾക്ക് നല്ലതല്ല. ശാസ്താവിന് ഭസ്മാഭിഷേകംനടത്തുക.

പൂയം: മനസ്സിന് സന്തോഷം ലഭിക്കും. തൊഴിൽരഹിതർക്ക് ജോലി ലഭിക്കും. ഉദ്യോഗാർത്ഥികളുടെ പരിശ്രമങ്ങൾ ഫലവത്താകും. സുഹൃത്തുക്കളുമായി ഉല്ലാസയാത്രകളിൽ പങ്കെടുക്കും. കർമ്മരംഗത്ത് പുരോഗതി വരും. നാഗർക്ക് ഉപ്പും മഞ്ഞളും സമർപ്പിക്കുക. തിങ്കളാഴ്ച ദിവസം അനുകൂലം.

ആയില്യം: ആഗ്രഹസാഫല്യം ഉണ്ടാകും. സന്താനങ്ങളാൽ മനഃസന്തോഷം വർദ്ധിക്കും. അവിചാരിതമായി ധനലാഭം ഉണ്ടാകും. ജീവിതപങ്കാളിയുമായി ചില അഭിപ്രായ വ്യത്യാസങ്ങൾ ഉണ്ടാകും. പിതൃഗുണം ലഭിക്കും. ശാസ്താക്ഷേത്ര ദർശനം ഉത്തമം. തിങ്കളാഴ്ച ദിവസം അനുകൂലം.

മകം: പിതൃഗുണവും ഭാഗ്യപുഷ്ടിയും അനുഭവപ്പെടും. കലാരംഗത്ത് പ്രവർത്തിക്കുന്നവർക്ക് പ്രശസ്തി വർദ്ധിക്കും. സാമ്പത്തിക ഇടപാടുകൾ സൂക്ഷിച്ചു കൈകാര്യം ചെയ്യണം.ഗൃഹത്തിൽ മംഗളകർമ്മങ്ങൾ നടക്കും.ചാമുണ്ഡീ ദേവിക്ക് കുങ്കുമാർച്ചന നടത്തുക. വ്യാഴാഴ്ച ദിവസം അനുകൂലം.

പൂരം: മംഗളകർമ്മങ്ങളിൽ പങ്കെടുക്കും. തൊഴിൽരഹിതർക്ക് ജോലി ലഭിക്കും. മനസ്സിന് സന്തോഷം ലഭിക്കും. ഗൃഹോപകരണങ്ങൾ വാങ്ങിക്കും. ആരോഗ്യകാര്യങ്ങൾക്കായി പണം ചെലവഴിക്കും. മഹാഗണപതിക്ക് ഭാഗ്യസൂക്താർച്ചന നടത്തുക. തിങ്കളാഴ്ച ദിവസം അനുകൂലം.

ഉത്രം: വിദ്യാർത്ഥികൾക്ക് അനുകൂല സമയം, വിവാഹാദിമംഗള കർമ്മങ്ങളിൽ പങ്കെടുക്കും. മനസിന് സന്തോഷവും സമാധാനവും ലഭിക്കും. ആഡംബര വസ്തുക്കൾക്കായി പണം ചെലവഴിക്കും. മാധ്യമ രംഗത്ത് പ്രവർത്തിക്കുന്നവർക്ക് അംഗീകാരങ്ങൾ ലഭിക്കും. ഭഗവതിക്ക് കലശാഭിഷേകം നടത്തുക. ചൊവ്വാഴ്ച ദിവസം മംഗളകർമ്മങ്ങൾക്ക് നല്ലതല്ല.

അത്തം: കർമ്മപുഷ്ടി ലഭിക്കും. ആഗ്രഹിക്കുന്ന കാര്യങ്ങൾ പൂർത്തീകരിക്കാൻ സാധിക്കും. കണ്ടകശനി കാലമായതിനാൽ ആരോഗ്യകാര്യങ്ങളിൽ പ്രത്യേകം ശ്രദ്ധിക്കണം. സാമ്പത്തിക ലാഭം പ്രതീക്ഷിക്കാം. വ്യാഴാഴ്ച ദിവസം വിഷ്ണുക്ഷേത്ര ദർശനം, തുളസിപ്പൂവ് അർച്ചന, വിഷ്ണു സഹസ്രനാമം ഇവ പരിഹാരം. തിങ്കളാഴ്ച ദിവസം അനുകൂലം.

ചിത്തിര: കലാരംഗത്ത് പ്രവർത്തിക്കുന്നവർക്ക് പ്രശസ്തി വർദ്ധിക്കും. ധാരാളം യാത്രകൾ ആവശ്യമായിവരും. മുൻകോപം നിയന്ത്രിക്കണം. കണ്ടകശനി കാലമായതിനാൽ അപകീർത്തിക്ക് സാദ്ധ്യത, സാമ്പത്തിക ലാഭം പ്രതീക്ഷിക്കാം. ഞായറാഴ്ച വ്രതം, സൂര്യ നമസ്‌ക്കാരം, സൂര്യ ഗായത്രി ഇവ പരിഹാരമാകുന്നു. തിങ്കളാഴ്ച ദിവസം അനുകൂലം.

ചോതി: സഹോദരങ്ങൾ തമ്മിൽ യോജിപ്പിലെത്തും. നൂതന വസ്ത്രാഭരണാദികൾ സമ്മാനമായി ലഭിക്കും.മംഗള കർമ്മങ്ങളിൽ പങ്കെടുക്കും. സാമ്പത്തിക ലാഭം പ്രതീക്ഷിക്കാം. വിദ്യാർത്ഥികൾ പഠനകാര്യത്തിൽ ഉത്സാഹം പ്രകടമാക്കും. വിവാഹകാര്യത്തിൽ തീരുമാനം എടുക്കും. വിഷ്ണു സഹസ്രനാമം ജപിക്കുന്നത് ഉത്തമം. തിങ്കളാഴ്ച ദിവസം അനുകൂലം.

വിശാഖം: അവിവിവാഹിതരുടെ വിവാഹ കാര്യത്തിൽ തീരുമാനമുണ്ടാകും, കലാരംഗത്ത് പ്രശസ്തി ലഭിക്കും. ദാമ്പത്യജീവിതം സന്തോഷപ്രദമായിരിക്കും. സാമ്പത്തിക ഇടപാടിൽ സൂക്ഷിക്കുക. പിതൃഗുണം ലഭിക്കും. ശാസ്താക്ഷേത്ര ദർശനം നടത്തുന്നത് ഉത്തമം. ചൊവ്വാഴ്ച ദിവസം മംഗളകർമ്മങ്ങൾക്ക് നല്ലതല്ല.

അനിഴം: മംഗളകർമ്മങ്ങളിൽ പങ്കെടുക്കും. കുടുംബപരമായി കൂടുതൽ ഉത്തരവാദിത്വങ്ങൾ ഏറ്റെടുക്കും. സഹോദരസ്ഥാനീയർക്ക് രോഗാരിഷ്ടതകൾ ഉണ്ടാകും. ഗരുഡക്ഷേത്രത്തിൽ ചേന സമർപ്പിക്കുക. കറുപ്പ് വസ്ത്രം ധരിക്കുക. തിങ്കളാഴ്ച ദിവസം അനുകൂലം.

കേട്ട: സന്താനങ്ങളാൽ കീർത്തി വർദ്ധിക്കും. ഉദ്യോഗസംബന്ധമായി ദൂരയാത്രകൾ ആവശ്യ മായിവരും. ഏഴരശനികാലമായതിനാൽ തൊഴിൽപരമായി വളരെയധികം ശ്രദ്ധിക്കുക. ശിവന് ധാര, അഘോര അർച്ചന എന്നിവ നടത്തുക. തിങ്കളാഴ്ച ദിവസം അനുകൂലം.

മൂലം: വിവാഹകാര്യത്തിൽ തീരുമാനം എടുക്കും. പിതൃഗുണം ലഭിക്കും. മനസിന് സന്തോഷം തരുന്ന സന്ദേശങ്ങൾ ലഭിക്കും. ഏഴരശനികാലമായതിനാൽ ദമ്പതികൾ തമ്മിൽ അഭിപ്രായ വ്യത്യാസം വരാം. സഹോദരസ്ഥാനീയരിൽ നിന്നും സഹായ സഹകരണങ്ങൾ ലഭിക്കും. മഹാഗണപതിക്ക് ഭാഗ്യസൂക്താർച്ചന നടത്തുക. ചൊവ്വാഴ്ച ദിവസം മംഗളകർമ്മങ്ങൾക്ക് നല്ലതല്ല.

പൂരാടം: സാമ്പത്തിക ലാഭം പ്രതീക്ഷിക്കാം. വിദ്യാർത്ഥികൾ പഠന കാര്യത്തിൽ ഉത്സാഹം പ്രകടമാക്കും. കൂട്ടുബിസിനസിൽ ഏർപ്പെട്ടവർക്ക് സാമ്പത്തിക ലാഭം പ്രതീക്ഷിക്കാം. പൊതുജനങ്ങളുടെ ഇടയിൽ ആദരവ് വർദ്ധിക്കും. ഹനുമാന് നാരങ്ങ, വെറ്റില മാല ചാർത്തുക. തിങ്കളാഴ്ച ദിവസം അനുകൂലം.

ഉത്രാടം: സൽക്കാരങ്ങളിൽ പ്രിയം വർദ്ധിക്കും. തൊഴിൽ മുഖേന ആദായം വർദ്ധിക്കും. സന്താനങ്ങളാൽ മനഃസന്തോഷം ഉണ്ടാകും. ബിസിനസ് രംഗത്ത് പ്രവർത്തിക്കുന്നവർക്ക് ഏഴരശനികാലമായതിനാൽ ധനനഷ്ടത്തിന് സാദ്ധ്യത. ശനിയാഴ്ചദിവസം ശിവക്ഷേത്ര ദർശനം അനുകൂലം. ശനിപ്രീതി വരുത്തുക. ശനിയാഴ്ചദിവസം അനുകൂലം.

തിരുവോണം: ദൂരയാത്രകൾ ആവശ്യമായി വരും. സന്താനങ്ങളുമായി വാഗ്വാദത്തിൽ ഏർപ്പെടും. ഉപരിപഠനത്തിനു ഉദ്ദേശിക്കുന്ന വിദ്യാർത്ഥികൾക്ക് ആഗ്രഹിച്ച വിഷയം ലഭിക്കും. വ്യാഴാഴ്ച ദിവസം വിഷ്ണുക്ഷേത്ര ദർശനം, പാൽപായസ നിവേദ്യം ഇവ പരിഹാരം. വ്യാഴാഴ്ച ദിവസം അനുകൂലം.

അവിട്ടം: കലാരംഗത്ത് പ്രശസ്തി വർദ്ധിക്കും. തൊഴിൽരഹിതർക്ക് ജോലി ലഭിക്കാൻ തടസ്സങ്ങൾ നേരിടും. കുംഭരാശിക്ക് ഉന്നതധികാരപ്രാപ്തി കൈവരും. സഹോദരങ്ങളിൽ നിന്നും ഗുണാനുഭവം പ്രതീക്ഷിക്കാം. ശാസ്താവിന് ഭസ്മാഭിഷേകം, ഉത്തമം. തിങ്കളാഴ്ച ദിവസം അനുകൂലം.

ചതയം: പുണ്യക്ഷേത്രങ്ങൾ സന്ദർശിക്കും,സന്താനഗുണം ലഭിക്കും. ഗൃഹത്തിൽ ബന്ധുസമാഗമത്തിന് സാധ്യത. വ്യാപാര വ്യവസായ രംഗത്ത് പുരോഗതി ഉണ്ടാകും. വിദ്യാർത്ഥികൾക്ക് അനുകൂല സമയം. ഹനുമാൻ സ്വാമിക്ക് വെണ്ണ, വടമാല ചാർത്തുക. വ്യാഴാഴ്ച ദിവസം അനുകൂലം.

പൂരുരുട്ടാതി: ധനപരമായി നേട്ടങ്ങൾ ഉണ്ടാകുമെങ്കിലും ചെലവുകൾ വർദ്ധിക്കും.സർക്കാരിൽ നിന്നും ലഭിക്കാനുള്ള ആനുകൂല്യങ്ങൾ ലഭിക്കും. കർമ്മരംഗത്ത് ശത്രുക്കളുടെ എണ്ണം വർദ്ധിക്കും. ശ്രീകൃഷ്ണന് കദളിപഴം നിവേദിക്കുക. തിങ്കളാഴ്ച ദിവസം അനുകൂലം.

ഉത്രട്ടാതി: ദാമ്പത്യജീവിതം സന്തോഷപ്രദമായിരിക്കും. പൊതുവെ എല്ലാകാര്യങ്ങളിലും അലസത പ്രകടമാക്കും. ദമ്പതികൾ തമ്മിലുള്ള അഭിപ്രായ വ്യത്യാസം മൂർച്ഛിക്കാതിരിക്കുവാൻ ശ്രദ്ധിക്കണം. മുൻകോപം നിയന്ത്രിക്കുക. വിഷ്ണുവിന് തുളസിപ്പൂവുകൊണ്ട് അർച്ചന നടത്തുക. വ്യാഴാഴ്ച ദിവസം അനുകൂലം.

രേവതി: മംഗളകാര്യങ്ങളിൽ പങ്കെടുക്കും. കർമ്മപുഷ്ടിക്കു തടസ്സങ്ങൾ നേരിടും. കലാരംഗത്ത് പ്രവർത്തിക്കുന്നവർക്ക് അവസരങ്ങൾ കുറയും. കണ്ടകശനി കാലമായതിനാൽ അപകീർത്തിക്ക് സാദ്ധ്യത. നരസിംഹമൂർത്തിയ്ക്ക് ചുവന്ന പുഷ്പങ്ങൾകൊണ്ട് മാല, അർച്ചന ഇവ നടത്തുക. വ്യാഴാഴ്ച ദിവസം അനുകൂലം.