റിയാലിറ്റി ഷോയായ ബിഗ് ബോസിന്റെ സീസൺ വൺ അവസാനിച്ചപ്പോൾ അരിസ്റ്റോ സുരേഷിനെ തേടിയെത്തിയത് സിനിമയിലെ നായക സ്ഥാനമാണ്. ടി.കെ.രാജീവ് കുമാർ സംവിധാനം ചെയ്യുന്ന കോളാമ്പി എന്ന ചിത്രത്തിലായിരിക്കും സുരേഷ് നായകനായി എത്തുക.മോഹൻലാൽ ആണ് ഇത് സംബന്ധിച്ച പ്രഖ്യാപനം നടത്തിയത്. ആംപ്ലിഫയർ നാണു എന്നാണ് അരിസ്റ്റോയുടെ നായക കഥാപാത്രത്തിന്റെ പേര്. സുരേഷിനെ നേരത്തേ തീരുമാനിച്ചിരുന്നെന്നും ബിഗ് ബോസ് കഴിയാനായി കാത്തിരിക്കുകയായിരുന്നെന്നും രാജീവ്കുമാർ പറഞ്ഞു. നിർമാല്യം സിനിമയുടെ ബാനറിൽ രൂപേഷ് ഓമന നിർമ്മിക്കുന്ന ചിത്രത്തിലെ മറ്റൊരു പ്രധാനതാരം ദിലീഷ്‌ പോത്തനാണ്. രവി വർമൻ ഛായാഗ്രഹണവും സാബു സിറിൾ കലാസംവിധാനവും നിർവഹിക്കുന്ന ചിത്രത്തിൽ സംഗീതസംവിധാനം രമേഷ് നാരായണനും ശബ്ദസംവിധാനം റസൂൽ പൂക്കുട്ടിയുമാണ് ഒരുക്കുന്നത്.
ചിത്രത്തിൽസഹസംവിധായകനായുംപ്രവർത്തിക്കാനുള്ളഅനുവാദംഅരിസ്റ്റോസുരേഷ്സംവിധായകനോട്ആവശ്യപ്പെട്ടിട്ടുണ്ട്.ഒരു സംവിധായകനാവുകയാണ് തന്റെ മോഹമെന്നും താരം പറയുന്നു. റിയാലിറ്റിഷോയിൽ വിജയിയായ സാബുമോനും രണ്ട്സിനിമകളിൽ അവസരം ലഭിച്ചു.ലിജോജോസ് പെല്ലിശ്ശേരി ഒരുക്കുന്ന ജെല്ലിക്കെട്ടിലും ഫ്രൈഡേ ഫിലിംസിന്റെ ബാനറിൽ വിജയ്ബാബു നിർമ്മിക്കുന്ന പുതിയചിത്രത്തിലുമാണ് സാബുവിന് നായകതുല്യമായ കഥാപാത്രങ്ങൾ ലഭിച്ചിരിക്കുന്നത്. അനൂപ് ചന്ദ്രനും സംവിധായകനാവുകയാണ്. രണ്ട് പ്രധാന നായക കഥാപാത്രങ്ങളും ബിഗ് ബോസിൽ നിന്നുതന്നെ. ബഷീർ ബാഷിയും ഡേവിഡ് ജോണുമാണ് തന്റെ ചിത്രത്തിൽ മുഖ്യ കഥാപാത്രങ്ങളെ അവതരിപ്പിക്കുകയെന്ന് അനൂപ് പറയുന്നു. കൂടുതൽ വിവരങ്ങൾ ഉടൻ പുറത്തുവിടുമെന്നാണ് അറിയുന്നത്.