ചേരുവകൾ ബസുമതിയരി.............500 ഗ്രാം ആട്ടിറച്ചി കഷണങ്ങൾ..........500 ഗ്രാം കൈതച്ചക്ക.................750 ഗ്രാം ഇഞ്ചി അരച്ചത്, മല്ലി.......... 1 ടേ.സ്പൂൺ നാരങ്ങാനീര് ..................1/2 കപ്പ് പട്ട .........................4 എണ്ണം ഗ്രാമ്പു ......................6 എണ്ണം കുങ്കുമപ്പൂവ്, പാൽ .................അല്പംവീതം വറുക്കാൻ പഞ്ചസാര, നെയ്യ്............200 ഗ്രാം വീതം ഉപ്പ്.....................പാകത്തിന് വെള്ളം .................. കുറച്ച്

തയ്യാറാക്കുന്നവിധം കുറച്ച് നെയ്യിൽ ജീരകമിട്ട് വറുക്കുക. മല്ലി, ഇഞ്ചി, അരപ്പുകൾ ആട്ടിറച്ചി കഷണങ്ങളിൽ ചേർത്തിളക്കുക. ഉപ്പിട്ട് കുറച്ചു വെള്ളമൊഴിച്ച് വേവിക്കുക. കരിഞ്ചീരകം ചേർക്കുക, സ്റ്റോക്ക് അരിച്ചുവയ്ക്കുക. ഇതിൽ നാരങ്ങാനീരും പഞ്ചസാരയും ഉപ്പും അരിയും ചേർത്ത് പകുതി വേവാക്കിയശേഷം കൈതച്ചക്ക കഷണങ്ങൾ ചേർത്ത് എല്ലാം കൈതച്ചക്കയിൽ പിടിപ്പിച്ച് വാങ്ങുക. ഒരു വലിയ പാൻ അടുപ്പത്ത് വച്ച് ചൂടാക്കി കുറച്ച് നെയ്യൊഴിച്ച് പട്ടയും ഗ്രാമ്പൂവും ഇട്ട് ഒരു മിനിട്ട് വറുക്കുക. മണംവന്നു തുടങ്ങുമ്പോൾ തീ താഴ്ത്തുക. ആട്ടിറച്ചി വെന്തതിൽ പകുതി ഇതിൽ ഇടുക. മീതെയായി ചോറ് വിളമ്പുക. മീതെ ആട്ടിറച്ചി വിളമ്പുക. മീതെ ചോറും വിളമ്പുക. കുങ്കുമപ്പൂവ് അല്പം ചൂട് പാലിലിട്ട് കുതിർത്ത് ഇത് മീതെ തളിക്കുക. അല്പം വെള്ളവും പാലും മീതെയായി തളിക്കുക. നല്ല മുറുക്കിയടച്ച് ചെറുതീയിൽ വയ്ക്കുക. ഓവനിൽവച്ച് ബേക്ക് ചെയ്യുകയുമാവാം. വിളമ്പുന്നതിന് തൊട്ടുമുൻപായി കൈതച്ചക്കക്കഷണങ്ങൾ മീതെ വിതറാം.