ശ്രീ​നാ​രാ​യണ ഗു​രു​വി​ന്റെ ആ​ദർ​ശ​ങ്ങ​ളും ദർ​ശ​ന​ങ്ങ​ളും  പ​ത്ര​ത്തി​ലൂ​ടെ പ്ര​ച​രി​പ്പി​ച്ച കേ​ര​ള​കൗ​മു​ദി പ​ത്രാ​ധി​പർ കെ. സു​കു​മാ​ര​ന്റെ പ്ര​സി​ദ്ധ​മായ കു​ള​ത്തൂർ പ്ര​സം​ഗം കേ​ര​ള​ ച​രി​ത്ര​ത്തി​ലെ അ​വി​സ്മ​ര​ണീ​യ​മാ​യൊ​രു മു​ഹൂർ​ത്ത​മാ​ണ്. മു​ഖ്യ​മ​ന്ത്രി​യാ​യി​രു​ന്ന ഇ.​എം.​എ​സ് ന​മ്പൂ​തി​രി​പ്പാ​ടി​നെ വേ​ദി​യി​ലി​രു​ത്തി​ക്കൊണ്ട് പി​ന്നാ​ക്ക സം​വ​ര​ണ​ത്തി​നെ​തി​രെ​യു​ള്ള ഗൂ​ഢ​ത​ന്ത്ര​ങ്ങ​ളും നീ​ക്ക​ങ്ങ​ളും ധീ​ര​മാ​യി തു​റ​ന്നു കാ​ട്ടിയ പ​ത്രാ​ധി​പ​രു​ടെ ശൈ​ലി വാ​ക്കി​ന്റെ തീ​പ്പ​ന്ത​മെ​ന്ന് വാഴ്‌ത്തപ്പെ​ടു​ന്നു.

കു​ള​ത്തൂർ പ്ര​സംഗ വ​ജ്ര​ജൂ​ബി​ലി
കു​ള​ത്തൂർ പ്ര​സം​ഗ​ത്തി​ന്റെ വ​ജ്ര​ജൂ​ബി​ലി  ആഘോഷി​ക്കുന്ന  പ​ശ്ചാ​ത്ത​ല​ത്തിൽ കു​ള​ത്തൂർ പ്ര​സം​ഗ​ത്തി​ന്റെ പ്ര​സ​ക്ത​മായ ചില ഭാ​ഗ​ങ്ങൾ.

നാ​രാ​യ​ണ​ഗു​രു ക​മ്മ്യൂ​ണി​സ്റ്റ്
നാ​രാ​യണ ഗു​രു​കർ​മ്മ​ണാ ഒ​രു ക​മ്മ്യൂ​ണി​സ്റ്റാ​യി​രു​ന്നു. ഒ​രുപ​ക്ഷേ ജ​ന്മ​നാ​ലും അ​ദ്ദേ​ഹം ഒ​രു ക​മ്മ്യൂ​ണി​സ്റ്റാ​യി​രു​ന്നി​രി​ക്ക​ണം. അ​ല്ലെ​ങ്കി​ലു​ണ്ടോ അ​ദ്ദേ​ഹ​ത്തി​ന്റെ ശി​ഷ്യ സ​ന്ത​തി​ക​ളിൽ ഭൂ​രി​ഭാ​ഗ​വും ക​മ്മ്യൂ​ണി​സ്റ്റു​ക​ളാ​യി മാ​റു​ന്നു. ലോ​ക​ത്ത് ജീ​വി​ച്ചി​രു​ന്നി​ട്ടു​ള്ള മ​നു​ഷ്യ​സ്നേ​ഹി​കൾ എ​ല്ലാ​വ​രും ക​മ്മ്യൂ​ണി​സ്റ്റു​ക​ളാ​യി​രു​ന്നു. ശ്രീ​ബു​ദ്ധൻ, ശ്രീ​യേ​ശു, മു​ഹ​മ്മ​ദ് ന​ബി, മ​ഹാ​ത്മാ​ഗാ​ന്ധി തു​ട​ങ്ങി​യ​വ​രെ​ല്ലാം  അ​തു​  പ്ര​ച​രി​പ്പി​ക്കു​ക​യും ചെ​യ്ത​വ​രാ​യി​രു​ന്നു.

ഇ.​എം.​എ​സി​ന്റെ  ഒ​ളി​പ്പോ​ര്
1940 ന​മ്മു​ടെ മു​ഖ്യ​മ​ന്ത്രി (​ഇ.​എം.​എ​സ്  അ​ന്ന് മു​ഖ്യ​മ​ന്ത്രി​യ​ല്ല) ഒ​ളി​വിൽ പോ​യി  നാ​ലു​വ​ഴി​ക്കും അ​ന്വേ​ഷ​ണം ന​ട​ത്തി​യ​ശേ​ഷം അ​ദ്ദേ​ഹ​ത്തി​ന്റെ പൊ​ടി​പോ​ലും കാ​ണാ​നി​ല്ലെ​ന്ന് ക​ണ്ട് ഇ.​എം.​എ​സി​നെ ബ​ന്ധി​ക്കു​വാൻ വി​വ​രം നൽ​കു​ന്ന​വർ​ക്ക് 1000 രൂപ പാ​രി​തോ​ഷി​കം നൽ​കു​മെ​ന്ന് ബ്രി​ട്ടീ​ഷ് സിം​ഹാ​സ​നം വി​ളം​ബ​രം ചെ​യ്തു. ക​ണ്ണൂ​രി​ന് സ​മീ​പ​മു​ള്ള കു​ന്നു​ക​ളും ക​ല്ലു​ക​ളും നി​റ​ഞ്ഞ ചെ​റു​മാ​വി​ലാ​യി എ​ന്ന മ​നോ​ഹ​ര​മായ ഗ്രാ​മ​പ്ര​ദേ​ശ​മാ​ണ് സ​ഖാ​വ് ഇ.​എം.​എ​സി​ന് ഒ​ളി​പ്പോ​രി​ന് പ​റ്റിയ നി​കും​ഭി​ല​യാ​യി സ​ഖാ​വ് പി. കൃ​ഷ്ണ​പി​ള്ള തി​ര​ഞ്ഞെ​ടു​ത്ത​ത്. അ​വി​ടെ മ​ദ്ധ്യ​പ്രാ​യം ക​ഴി​‌​ഞ്ഞി​രു​ന്ന പോ​ക്കൻ എ​ന്നൊ​രു ചെ​ത്തു​കാ​ര​നും അ​ദ്ദേ​ഹ​ത്തി​ന്റെ ഭാ​ര്യ​യും താ​മ​സി​ച്ചി​രു​ന്നു. ഓ​ടു​മേ​ഞ്ഞ​തെ​ങ്കി​ലും മൂ​ന്നു​മു​റി​കൾ മാ​ത്ര​മു​ള്ള ഒ​രു ചെ​റിയ ഭ​വ​ന​മു​ണ്ടാ​യി​രു​ന്നു.​അ​തിൽ 7 അ​ടി നീ​ളം 5 അ​ടി​വീ​തി, 6 അ​ടി പൊ​ക്ക​മു​ള്ള ഒ​രു മു​റി​യി​ലാ​ണ് എ​ല്ലാ​മ​നു​ഷ്യാ​വ​കാ​ശ​ങ്ങ​ളും നിർ​വ​ഹി​ച്ചു​കൊ​ണ്ട് ന​മ്മു​ടെ മു​ഖ്യ​മ​ന്ത്രി ര​ണ്ട് കൊ​ല്ലം താ​മ​സി​ച്ച് കേ​ര​ള​ത്തി​ലെ ക​മ്മ്യൂ​ണി​സ്റ്റ് പ്ര​സ്ഥാ​ന​ത്തി​ന്റെ അ​ടി​സ്ഥാന ശില പാ​കി​യ​ത്. ചെ​ത്തു​കാ​ര​ന്റെ വം​ശ​പ​ര​മ്പ​ര​യിൽ​പെ​ട്ട പോ​ക്ക​നും പോ​ക്കി​യും കാ​ത്തു​സൂ​ക്ഷി​ച്ച​തു​കൊ​ണ്ടാ​യി​രി​ക്കാം ബ്രി​ട്ടീ​ഷ് സിം​ഹാ​സ​നം വാ​ഗ്ദാ​നം ചെ​യ്ത ആ ആ​യി​രം രൂപ പാ​രി​തോ​ഷി​കം ഇ​ന്നും ചെ​ല​വാ​കാ​തെ സർ​ക്കാർ ഖ​ജ​നാ​വിൽ ത​ന്നെ കി​ട​ക്കു​ന്ന​ത്. അ​ങ്ങ​നെ​യു​ള്ള ഇ.​എം.​എ​സ് മ​ണ്ട​യി​ലി​രി​ക്കു​ന്ന ക​മ്മി​റ്റി അ​തിൽ ഈ​ഴ​വ​നി​ല്ലാ​ത്ത ത​ക്കം നോ​ക്കി നീ​തി​കേ​ട് കാ​ണി​ക്കു​മെ​ന്ന് ഞാൻ പ്ര​തീ​ക്ഷി​ച്ച​തു​മി​ല്ല.

മ​ഹാ​ത്മാ​ഗാ​ന്ധി​യു​ടെ വാ​ക്കു​കൾ
ശി​വ​ഗി​രി​യിൽ വ​ച്ച് ശ്രീ​നാ​രാ​യണ ഗു​രു​വി​നെ സ​ന്ദർ​ശി​ച്ച ശേ​ഷം തി​രു​വ​ന​ന്ത​പു​ര​ത്ത് കൂ​ടിയ യോ​ഗ​ത്തിൽ ഗാ​ന്ധി​ജി ഇ​ങ്ങ​നെ പ​റ​ഞ്ഞു: മ​നോ​ഹ​ര​മായ തി​രു​വി​താം​കൂർ രാ​ജ്യം സ​ന്ദർ​ശി​ക്കാ​നി​ട​യാ​യ​തും പു​ണ്യാ​ത്മാ​വായ ശ്രീ​നാ​രാ​യണ ഗു​രു​സ്വാ​മി തൃ​പ്പാ​ദ​ങ്ങ​ളെ സ​ന്ദർ​ശി​ക്കാ​നി​ട​യാ​യ​തും എ​ന്റെ ജീ​വി​ത​ത്തി​ന്റെ പ​ര​മ​ഭാ​ഗ്യ​മാ​യി ഞാൻ​വി​ചാ​രി​ക്കു​ന്നു. ഗു​രു​സ്വാ​മി​യു​ടെ മാ​ഹാ​ത്മ്യ​ത്തെ​ക്കു​റി​ച്ച് മ​ഹാ​റാ​ണി തി​രു​മ​ന​സും എ​ന്നോ​ട് സം​സാ​രി​ക്കു​ക​യു​ണ്ടാ​യി.

ടാ​ഗോ​റി​ന്റെ വാ​ക്കു​കൾ
1922 ന​വം​ബർ 22 നാ​ണ് ടാ​ഗോർ ശി​വ​ഗി​രി​യി​ലെ​ത്തി ഗു​രു​ദേ​വ​നെ സ​ന്ദർ​ശി​ച്ച​ത്. നാ​നാ​ദി​ക്കു​ക​ളിൽ നി​ന്നും ജ​ന​പ്ര​വാ​ഹം അ​ന്നേ​ദി​വ​സം ശി​വ​ഗി​രി​യി​ലേ​ക്ക് ഒ​ഴു​കു​വാൻ തു​ട​ങ്ങി. ടാ​ഗോർ ഗു​രു​ദേ​വ​നെ ന​മ​സ്ക​രി​ച്ച​തു​കൊ​ണ്ട് മാ​ത്രം തൃ​പ്തി​യാ​കാ​തെ കൈ​പ്പ​ത്തി​കൾ​ക്കു​ള്ളിൽ കു​നി​ഞ്ഞു ചും​ബി​ക്കു​ക​യും ചെ​യ്തു.
ടാ​ഗോർ ഇ​പ്ര​കാ​രം പ​റ​‌​ഞ്ഞു: ഭാ​ര​ത​ഭൂ​മി​യിൽ ജീ​വി​ച്ചി​രി​ക്കു​ന്ന പ​ര​മ​ഹം​സ​ന്മാ​രിൽ സ്വാ​മി തൃ​പ്പാ​ദ​ങ്ങ​ളെ​പ്പോ​ലെ പാ​വ​ന​ച​രി​ത​നായ ഒ​രു മ​ഹാ​ത്മാ​വി​നെ ഞാൻ ക​ണ്ടി​ട്ടി​ല്ല. അ​ന​ന്ത​ത​യി​ലേ​ക്ക് നീ​ളു​ന്ന അ​ദ്ദേ​ഹ​ത്തി​ന്റെ യോ​ഗ​ന​യ​ന​ങ്ങ​ളും ഈ​ശ്വ​ര​ചൈ​ത​ന്യം തു​ളു​മ്പു​ന്ന മു​ഖ​തേ​ജ​സും മ​റ്റ് വൈ​ശി​ഷ്ട്യ​ങ്ങ​ളും അ​വി​സ്മ​ര​ണീ​യ​മാ​ണ്.

പ​ത്രാ​ധി​പ​രു​ടെ  സ​വി​ശേ​ഷത
പ​ത്രാ​ധി​പർ എ​ന്ന് പ​റ​‌​ഞ്ഞാൽ അ​ന്നും​ഇ​ന്നും ആ​ദ്യം തെ​ളി​യു​ന്ന​ത് പ​ത്രാ​ധി​പർ കെ. സു​കു​മാ​ര​ന്റെ നാ​മ​മാ​ണ്. താൻ ഉ​യർ​ത്തി​പ്പി​ടി​ക്കു​ന്ന വി​ശ്വാ​സ​പ്ര​മാ​ണ​ങ്ങൾ​ക്ക് വേ​ണ്ടി അ​ദ്ദേ​ഹം തൂ​ലിക ച​ലി​പ്പി​ച്ചു. അ​തേ​സ​മ​യം അ​തി​നെ​തി​രായ അ​ഭി​പ്രാ​യ​ങ്ങൾ​ക്കും സ്ഥാ​നം നൽ​കി. മ​ല​യാള പ​ത്ര​പ്ര​വർ​ത്ത​ന​രം​ഗ​ത്ത് ഇ​ത് പു​തി​യൊ​രു അ​നു​ഭ​വ​മാ​യി​രു​ന്നു. കേ​ര​ള​കൗ​മു​ദി​യിൽ വ​രു​ന്ന വാർ​ത്ത​കൾ സ​ത്യ​സ​ന്ധ​മാ​യി​രി​ക്ക​ണ​മെ​ന്ന് അ​ദ്ദേ​ഹ​ത്തി​ന് നിർ​ബ​ന്ധ​മു​ണ്ടാ​യി​രു​ന്നു. അ​തു​കൊ​ണ്ടു​ത​ന്നെ ഈ വി​ശ്വാ​സ്യത കേ​ര​ള​കൗ​മു​ദി​യു​ടെ സ​വി​ശേ​ഷ​ത​യാ​യി.

പ​ത്രാ​ധി​പ​രു​ടെ പ്ര​സം​ഗ​ങ്ങൾ
പ​ന്ത്ര​ണ്ടാ​മ​ത്തെ വ​യ​സിൽ എ​സ്.​എൻ.​ഡി.​പി യോ​ഗ​ത്തി​ന്റെ 12​-ാം വാർ​ഷിക സ​മ്മേ​ള​ന​ത്തി​ലാ​യി​രു​ന്നു കെ. സു​കു​മാ​ര​ന്റെ ക​ന്നി​പ്ര​സം​ഗം. മ​ഹ​ത്തായ എ​സ്.​എൻ.​ഡി.​പി​യോ​ഗം പി​റ​വി​യെ​ടു​ത്ത അ​തേ പു​ണ്യ​നാ​ളി​ലാ​ണ് ഭൂ​ജാ​ത​നാ​യ​ത്. സ​മു​ദാ​യ​ത്തോ​ടൊ​പ്പം വ​ളർ​ന്ന് സ​മു​ദാ​യ​ത്തി​ന്റെ ആ​ശ​യും ആ​വേ​ശ​വു​മാ​യി മാ​റി.

കു​ള​ത്തൂർ പ്ര​സം​ഗ പ​ശ്ചാ​ത്ത​ലം
ച​രി​ത്ര​പ്ര​സി​ദ്ധ​മായ കു​ള​ത്തൂർ പ്ര​സം​ഗ​ത്തി​ലെ അ​ല​കൾ ഇ​ന്നും മാ​റ്റൊ​ലി​കൊ​ള്ളു​ന്നു. പി​ന്നാ​ക്ക സ​മു​ദാ​യ​ങ്ങ​ളു​ടെ അ​വ​കാ​ശ​ങ്ങ​ളിൽ ക​ത്തി​വ​യ്ക്കു​ന്ന​തി​ന് പ​ര്യാ​പ്ത​മായ അ​ഡ്മി​നി​സ്ട്രേ​റ്റീ​വ് റി​ഫോം​സ് ക​മ്മി​റ്റി​യു​ടെ റി​പ്പോർ​ട്ട് അ​തി​ന്റെ സൂ​ത്ര​ധാ​ര​നായ ഇ.​എം.​എ​സി​ന്റെ സാ​ന്നി​ദ്ധ്യ​ത്തിൽ പ​ത്രാ​ധി​പർ പി​ച്ചി​ച്ചീ​ന്തി​യെ​റി​ഞ്ഞു. കേ​ര​ള​ത്തി​ന്റെ രാ​ഷ്ട്രീയ സാ​മൂ​ഹ്യ മ​ണ്ഡ​ല​ങ്ങ​ളിൽ ഒ​രു കൊ​ടു​ങ്കാ​റ്റാ​യി മാ​റി ഈ പ്ര​സം​ഗം.