ഹൂസ്റ്റൺ:  അലിഗഡ് മുസ്ലിം സർവകലാശാല പൂർവിദ്യാർത്ഥി സംഘടനയായ അലിഗഡ് അലുംമ്നി അസോസിയേഷന്റെ ആഭിമുഖ്യത്തിൽ അലിഗഡ് മുസ്ലിം യൂണിവേഴ്സിറ്റി സ്ഥാപകൻ സർ സയ്യദ് അഹമ്മദ് ഖാൻ ജന്മദിനം ആഘോഷിക്കും. ഹൂസ്റ്റൺ ഹാർവിൻ ഡ്രൈവിലുള്ള മെസ്ബാൻ റെസ്റ്റോറന്റിൽ ഒക്ടോബർ 20നു  വൈകിട്ട് 7 മണിക്കാണ് ലാണ് പരിപാടികൾ സംഘടിപ്പിച്ചിരിക്കുന്നത്. ചടങ്ങിൽ കമ്മ്യൂണിറ്റി ലീഡർ അതുൽ  കൊത്താരി മുഖ്യാതിഥിയായിരിക്കും.

ഖുറാൻ പാരായണത്തോടെ ആരംഭിക്കുന്ന പരിപാടിയിൽ അലി റിസ്വി സ്വാഗതവും പെർവെയ്സി ജാഫറി, ഡോ. നസീം അൻസാരി തുടങ്ങിയവരും പങ്കെടുക്കും. തുടർന്നു സുപ്രസിദ്ധ ഗായകൻ ഇംതാസ് മുൻഷിയുടെ കലാപരിപാടികളും ഉണ്ടായിരിക്കും. പ്രവേശനം പാസ്  മൂലം നിയന്ത്രിച്ചിട്ടുണ്ട്. വിവരങ്ങൾക്കു അലിഗഡ് അലുമിനി അസോസിയേഷൻ ഓഫ് ടെക്സസ് ഭാരവാഹികളുമായി ബന്ധപ്പെടേണ്ടതാണ്.