അശ്വതി: മനസിന് സന്തോഷം ലഭിക്കും. ധനലാഭം പ്രതീക്ഷിക്കാം. എല്ലാ കാര്യത്തിലും ഉത്സാഹവും സാമർത്ഥ്യവും ഉണ്ടാകും. ആരോഗ്യ സ്ഥിതി മെച്ചപ്പെടും. ബുധനാഴ്ച ദിവസം ശിവക്ഷേത്ര ദർശനം, ജലധാര, പഞ്ചാക്ഷരീ മന്ത്രം ഇവ പരിഹാരമാകുന്നു. ബുധനാഴ്ച ദിവസം ഉത്തമം.

ഭരണി: സാമ്പത്തിക അഭിവൃദ്ധി കൈവരും. ഉപരിപഠനത്തിന് ശ്രമിക്കുന്ന വിദ്യാർത്ഥികൾക്ക് ആഗ്രഹിക്കുന്ന വിഷയം തന്നെ ലഭിക്കും വിദേശയാത്രയ്ക്ക് ശ്രമിക്കുന്നവർക്ക് ആഗ്രഹം സഫലീകരിക്കും. കൂട്ടുബിസിനസിൽ ഏർപ്പെട്ടവർക്ക് അവിചാരിതമായി ധനലാഭം ഉണ്ടാകും. തിങ്കളാഴ്ച ദിവസം അനുകൂലം.

കാർത്തിക: സന്താനങ്ങളാൽ ഭാഗ്യവും ധനലാഭവും ഉണ്ടാകും. സാമ്പത്തികനേട്ടം പ്രതീക്ഷിക്കാം. മേലാധികാരികളുടെ പ്രീതി സമ്പാദിക്കും. നിശ്ചയിച്ചുറപ്പിച്ചിരുന്ന വിവാഹം ഭംഗിയായി നടക്കും. വെള്ളിയാഴ്ച ദിവസം ദേവീ ദർശനം നടത്തുന്നതും, ചുവപ്പ് പുഷ്പങ്ങൾ കൊണ്ട് അർച്ചന നടത്തുന്നതും ഉത്തമമാണ്. ശനിയാഴ്ച പുതിയ പ്രവർത്തനങ്ങൾക്ക് നല്ല ദിവസമല്ല.

രോഹിണി: ദാമ്പത്യ ജീവിതത്തിൽ മനഃസമാധാനവും സന്തോഷവും അനുഭവപ്പെടും. മിഥുനരാശിക്കാർക്ക് ആരോഗ്യപരമായ ബുദ്ധിമുട്ടുകളും അഭിപ്രായ വ്യത്യാസങ്ങളും അനുഭവപ്പെടും. ശനിയാഴ്ചദിവസം ശാസ്താക്ഷേത്ര ദർശനം, ശിവന് ജലധാര, പഞ്ചാക്ഷരീ മന്ത്രം ഇവ പരിഹാരമാകുന്നു. വെള്ളിയാഴ്ച ദിവസം അനുകൂലം.

മകയിരം: പ്രശസ്തിയും, സന്തോഷവും ഉണ്ടാകും. നയനരോഗത്തിനു സാധ്യത. സഹോദരസ്ഥാനീയരിൽ നിന്നും ഗുണാനുഭവങ്ങൾ പ്രതീക്ഷിക്കാം. പരീക്ഷാദികളിൽ വിജയ സാദ്ധ്യതയുണ്ട്. വെള്ളിയാഴ്ച ദിവസം ദേവീ ദർശനം നടത്തുന്നതും, ചുവപ്പ് പുഷ്പങ്ങൾ കൊണ്ട് അർച്ചന നടത്തുന്നതും ഉത്തമമാണ്.

തിരുവാതിര: ഗൃഹത്തിൽ ബന്ധുസമാഗമം പ്രതീക്ഷിക്കാം. ദമ്പതികൾ തമ്മിൽ ഒന്നിച്ചുചേരാൻ സാധ്യത. സഹോദരസ്ഥാനീയരിൽ നിന്നും ഗുണാനുഭവങ്ങൾ പ്രതീക്ഷിക്കാം.സ്വജനങ്ങളുടെ ദുഃഖത്തിൽ പങ്കു ചേരും. ശിവന് ശംഖാഭിഷേകം നടത്തുക. തിങ്കളാഴ്ച ദിവസം അനുകൂലം.

പുണർതം: നഷ്ടപ്പെട്ട ധനം തിരികെ ലഭിക്കും. മാതൃഗുണവും മാതൃ സമ്പത്തും ലഭിക്കും. പ്രവർത്തികളിൽ ജാഗ്രത പാലിക്കണം. നൂതന ഗൃഹലാഭത്തിനു സാദ്ധ്യത. കലാപരമായി ബന്ധപ്പെട്ട് പ്രവർത്തിക്കുന്നവർക്ക് സാമ്പത്തിക നേട്ടം പ്രതീക്ഷിക്കാം. ശ്രീരാമസ്വാമിക്ക് അഷ്‌ടോത്തര അർച്ചന പരിഹാരം. വ്യാഴാഴ്ച ദിവസം അനുകൂലം.

പൂയം: സഹോദരസ്ഥാനീയരിൽ നിന്നും ഗുണാനുഭവങ്ങൾ പ്രതീക്ഷിക്കാം സന്താനങ്ങളുമായി അഭിപ്രായ വ്യത്യാസം ഉണ്ടാകും.ഗൃഹത്തിൽ മംഗളകർമ്മങ്ങൾ നടക്കും. ഉദ്യോഗാർത്ഥികൾക്ക് മത്സര പരീക്ഷകളിൽ വിജയസാദ്ധ്യത. പിതൃസമ്പത്ത് അനുഭവയോഗത്തിൽ വന്നു ചേരും. വാഹനലാഭം ഉണ്ടാകും. സർപ്പപ്രീതി വരുത്തുക. ബുധനാഴ്ച ദിവസം ഉത്തമം.

ആയില്യം: മംഗളകർമ്മങ്ങളിൽ പങ്കെടുക്കും. ഗൃഹനിർമ്മാണത്തിന് അനുകൂല സമയം. യാത്രകൾ ആവശ്യമായി വരും മനസിന് സന്തോഷവും സമാധാനവും ലഭിക്കും. വിദേശത്ത് ജോലി ചെയ്യുന്നവർക്ക് കൂടുതൽ ജോലിഭാരം വർദ്ധിക്കും. ഉന്നതവിദ്യക്ക് അനുകൂലസമയം. മണ്ണാറശ്ശാല ക്ഷേത്ര ദർശനം നടത്തുക. തിങ്കളാഴ്ച ദിവസം അനുകൂലം.

മകം: അപ്രതീക്ഷിതമായി പുതിയ സ്ഥാനമാനങ്ങൾ ലഭിക്കും. സാമ്പത്തിക ഇടപാടിൽ സൂക്ഷിക്കുക. വിവാഹകാര്യത്തിൽ അനുകൂല തീരുമാനം ഉണ്ടാകും. മതപരമായ ചടങ്ങുകളിൽ പങ്കെടുക്കും. ശനിയാഴ്ച പുതിയ പ്രവർത്തനങ്ങൾക്ക് നല്ല ദിവസമല്ല.

പൂരം: ആരോഗ്യപരമായി ശ്രദ്ധിക്കണം. നൂതനഗൃഹലാഭത്തിന് അനുകൂല സമയം. ഗൃഹത്തിൽ ബന്ധുസമാഗമം പ്രതീക്ഷിക്കാം. അവിവാഹിതരുടെ വിവാഹ കാര്യങ്ങൾക്ക് അനുകൂല തീരുമാനം എടുക്കും. മഹാലക്ഷ്മിയെ പൂജിക്കുക. ചൊവ്വാഴ്ച ദിവസം മംഗളകർമ്മങ്ങൾക്ക് നല്ലതല്ല.

ഉത്രം: മനസിനിണങ്ങിയ ജീവിത പങ്കാളിയെ കണ്ടെത്തുന്നതിൽ വിജയിക്കും. ശാരീരിക അസുഖങ്ങൾക്ക് ആശ്വാസം ലഭിക്കും. ഉദ്യോഗാർത്ഥികൾക്ക് ജോലി ലഭിക്കാൻ തടസം നേരിടും. പത്രപ്രവർത്തകർ വായനക്കാരുടെ ശ്രദ്ധപിടിച്ചു പറ്റും. ഞായറാഴ്ച ദിവസം അനുകൂലം.

അത്തം: ഉന്നത കുടുംബത്തിൽ നിന്നും വിവാഹാലോചനകൾ വന്നെത്തും. യാത്രകൾ മുഖേന പ്രതീക്ഷിച്ച ഗുണം ലഭിക്കില്ല. കർമ്മരംഗത്ത് ഉയർച്ച അനുഭവപ്പെടും. ദമ്പതികൾ തമ്മിൽ അഭിപ്രായവ്യത്യാസം മാറികിട്ടും. ചൊവ്വാഴ്ച ദിവസം മംഗളകർമ്മങ്ങൾക്ക് നല്ലതല്ല.

ചിത്തിര: വിദ്യാർത്ഥികൾക്ക് അനുകൂല സമയം. മനസിനു സന്തോഷം തരുന്ന സന്ദേശങ്ങൾ ലഭിക്കും. സാമ്പത്തിക നേട്ടം പ്രതീക്ഷിക്കാം. ദമ്പതികൾ തമ്മിൽ ഐക്യതയോടെ കഴിയും. തൊഴിൽരഹിതർക്ക് ജോലി ലഭിക്കാൻ തടസങ്ങൾ നേരിടും. ചെലവുകൾ വർദ്ധിക്കും. വ്യാഴാഴ്ച ദിവസം അനുകൂലം.

ചോതി: കർമ്മസംബന്ധമായി നേട്ടങ്ങൾ അനുഭവപ്പെടും. ഉല്ലാസ യാത്രകളിൽ പങ്കെടുക്കും. കലാരംഗത്ത് പ്രവർത്തിക്കുന്നവർക്ക് പ്രശസ്തി വർദ്ധിക്കും. വ്യാഴാഴ്ച ദിവസം വിഷ്ണു ക്ഷേത്ര ദർശനം, തുളസിപ്പൂവ് കൊണ്ട് അർച്ചന, വിഷ്ണു സഹസ്രനാമം ജപിക്കുന്നതും ഉത്തമം.

വിശാഖം: വിവാഹത്തിന് അനുകൂല സമയം. സന്താനങ്ങൾ മുഖേന മനഃസന്തോഷം വർദ്ധിക്കും. ആത്മധൈര്യം കൈവിടാതെ ശ്രദ്ധിക്കണം. ആരോഗ്യപരമായി ശ്രദ്ധിക്കുക ശനിയാഴ്ചദിവസം ശിവക്ഷേത്ര ദർശനം, ജലധാര, പഞ്ചാക്ഷരീ മന്ത്രം ഇവ പരിഹാരമാകുന്നു. തിങ്കളാഴ്ച ദിവസം അനുകൂലം.

അനിഴം: ഗൃഹത്തിൽ മംഗളകർമ്മങ്ങൾ നടക്കും. വിദ്യാർത്ഥികൾക്ക് അനുകൂല സമയം. സാമ്പത്തിക ഇടപാടുകളിൽ സൂക്ഷിക്കണം. കലാരംഗത്ത് പ്രവർത്തിക്കുന്നവർക്ക് പ്രശസ്തി വർദ്ധിക്കും. ചൊവ്വാഴ്ച ദിവസം മംഗളകർമ്മങ്ങൾക്ക് നല്ലതല്ല.

കേട്ട: യാത്രകൾ ഉല്ലാസപ്രദമാകും. സഹോദരസ്ഥാനീയരിൽ നിന്നും സഹായ സഹകരണങ്ങൾ ലഭിക്കും. ഈശ്വരാധീനം ഉള്ളതിനാൽ എല്ലാ ആപത്തുകളിൽ നിന്നും രക്ഷപ്പെടും. നരസിംഹമൂർത്തിക്ക് പാനകം നടത്തുക. വ്യാഴാഴ്ച ദിവസം അനുകൂലം.

മൂലം: ദാമ്പത്യ ജീവിതം സന്തോഷപ്രദമായിരിക്കും. മനസിനു സന്തോഷംതരുന്ന സന്ദേശങ്ങൾ ലഭിക്കും. ഗൃഹത്തിൽ ബന്ധുസമാഗമം പ്രതീക്ഷിക്കാം. ബിസിനസ് രംഗത്ത് ധാരാളം മത്സരങ്ങൾ നേരിടും. ശ്രീകൃഷ്ണന് കദളിപഴം നിവേദിക്കുക. വ്യാഴാഴ്ച ദിവസം അനുകൂലം.

പൂരാടം: തൊഴിൽ മുഖേന ആദായം വർദ്ധിക്കും. സഹപ്രവർത്തകരിൽ നിന്നും നല്ല പെരുമാറ്റം ഉണ്ടാകും.വിദേശത്ത് നിന്നും നാട്ടിൽ വരാൻ ആഗ്രഹിക്കുന്നവർക്ക് ആഗ്രഹം സഫലീകരിക്കും സംസാരത്തിൽ നിയന്ത്രണം പാലിക്കാൻ ശ്രദ്ധിക്കേണ്ടതാണ്. സന്താനങ്ങളുടെ വിദ്യാഭ്യാസകാര്യത്തിൽ പ്രതീക്ഷിക്കാത്ത നേട്ടം ലഭിക്കും. ക്ഷേത്രങ്ങളിൽ അന്നദാനം നടത്തുക. ചൊവ്വാഴ്ച ദിവസം മംഗളകർമ്മങ്ങൾക്ക് നല്ലതല്ല.

ഉത്രാടം: പുതിയ വസ്ത്രങ്ങൾ ലഭിക്കും. ദമ്പതികൾ തമ്മിൽ ഐക്യതയോടെ കഴിയും. മകരരാശിക്ക് വാഹന സംബന്ധമായി ചെലവുകൾ വർദ്ധിക്കും. പുതിയ സംരംഭങ്ങൾ തുടങ്ങാനുദ്ദേശിക്കുന്നവർക്ക് സമയം അനുകൂലമല്ല. വ്യാഴാഴ്ച ദിവസം അനുകൂലം.

തിരുവോണം: ദാമ്പത്യജീവിതം സംതൃപ്തമായിരിക്കും, തൊഴിലഭിവൃദ്ധിയ്ക്ക് സാദ്ധ്യത. ഉപരിപഠനത്തിനു ശ്രമിക്കുന്നവർക്ക് അനുകൂ ല സമയം, അധിക ചെലവു കൾ വർദ്ധിക്കും. സംസാരത്തിൽ നിയന്ത്രണം പാലിക്കുക.ശ്രീ പത്മനാഭസ്വാമീ ക്ഷേത്രത്തിൽ തുളസിപ്പൂവ് കൊണ്ട് അർച്ചന നടത്തുന്നതും പാൽപ്പായസം കഴിപ്പിക്കുന്നതും ഉത്തമം.

അവിട്ടം: ദമ്പതികൾ തമ്മിൽ ഐക്യതയോടെ കഴിയും. ഉല്ലാസയാത്രകളിൽ പങ്കെടുക്കും. കുംഭരാശിക്കാർക്ക് ഭാഗ്യപുഷ്ടി അനുഭവപ്പെടും. വ്യാഴാഴ്ച ദിവസം വിഷ്ണു ക്ഷേത്ര ദർശനം, തുളസിപ്പൂവ് കൊണ്ട് അർച്ചന, വിഷ്ണു സഹസ്രനാമം ജപിക്കുന്നതും ഉത്തമമാണ്. വ്യാഴാഴ്ച ദിവസം അനുകൂലം.

ചതയം: വിവാഹാദികർമ്മങ്ങളിൽ പങ്കെടുക്കും. ധനപരമായി നേട്ടങ്ങൾ ഉണ്ടാകും. മാതാവിൽ നിന്നും സഹായസഹകരണങ്ങൾ ലഭിക്കും. ആഗ്രഹിക്കുന്ന കാര്യങ്ങൾ പൂർത്തീകരിക്കാൻ സാധിക്കും. സഹോദരങ്ങളുമായി തീരുമാനിച്ച് പുതിയ പദ്ധതികൾ ആവിഷ്‌കരിക്കും. വ്യാഴാഴ്ച ദിവസം അനുകൂലം.

പൂരുരുട്ടാതി: സന്താനങ്ങളാൽ മനഃസന്തോഷം വർദ്ധിക്കും. മംഗളകർമ്മങ്ങളിൽ പങ്കെടുക്കും. വിദ്യാർത്ഥികൾക്ക് അദ്ധ്വാനഭാരം വർദ്ധിക്കും.വാതരോഗത്തിന് സാദ്ധ്യതയുണ്ട്. ഞായറാഴ്ച വ്രതം, സൂര്യ നമസ്‌ക്കാരം, സൂര്യഗായത്രി പരിഹാരം. ഞായറാഴ്ച ദിവസം അനുകൂലം.

ഉത്രട്ടാതി: സാമ്പത്തിക ഇടപാടിൽ സൂക്ഷിക്കുക. വിദ്യാർത്ഥികൾ പഠനകാര്യത്തിൽ അലസത പ്രകടമാക്കും. ഭൂമിസംബന്ധമായി അഭിപ്രായ വ്യത്യസം ഉണ്ടാകും. അനാവശ്യമായ സംസാരം ഒഴിവാക്കുക. ഭഗവതിക്ക് കലശാഭിഷേകം നടത്തുക. വെള്ളിയാഴ്ച ദിവസം അനുകൂലം.

രേവതി: ദൂരയാത്രകൾ ആവശ്യമായി വരും. സഹോദരഗുണം ഉണ്ടാകും. മനസിനിണങ്ങിയ ജീവിതപങ്കാളിയെ ലഭിക്കും. സന്താനങ്ങളാൽ മനഃക്ലേശത്തിന് സാദ്ധ്യത. തൊഴിൽ മുഖേന ആദായം വർദ്ധിക്കും. ദേവീ ദർശനം നടത്തുന്നതും, ചുവപ്പ് പുഷ്പങ്ങൾ കൊണ്ട് അർച്ചന നടത്തുന്നതും ഉത്തമമാണ്. വെള്ളിയാഴ്ച ദിവസം അനുകൂലം.