സുഷൗ:അന്താരാഷ്ട്ര സൗഹൃദ ഫുട്ബാൾ മത്സരത്തിൽ ഇന്ത്യ ഇന്ന് ചൈനയെ നേരിടും. ഇരുപത്തൊന്ന് വർഷത്തെ ഇടവേളയ്ക്ക് ശേഷമാണ് ഇന്ത്യയും ചൈനയും ഫുട്ബാൾ മൈതാനത്ത് മുഖാമുഖം വരുന്നത്. ഇന്ത്യൻ ടീം ആദ്യമായാണ് ചൈനയിൽ ഫുട്ബാൾ തട്ടാനിറങ്ങുന്നത്. ചൈ​നീ​സ് ​ന​ഗ​ര​മാ​യ​ ​സു​ഷൗ​വി​ലെ ഒളിമ്പിക് സ്‌പോർട്സ് സെന്റർ സ്‌റ്രേഡിയത്തിൽ വൈകിട്ട് 5.5 മുതലാണ് മത്സരം. ഇതുവരെ മുഖാമുഖം വന്ന 17 മത്സരങ്ങളിൽ ഒരെണ്ണത്തിൽ പോലും ഇന്ത്യയ്ക്ക് ജയിക്കാനായിട്ടില്ല. ചൈന പന്ത്രണ്ട് മത്സരങ്ങളിൽ ജയം നേടിയിട്ടുണ്ട്

മലയാളി​ ​താ​ര​ങ്ങ​ളാ​യ​ ​അ​ന​സ് ​എ​ട​ത്തൊ​ടി​ക​യും​ ​ആ​ഷി​ഖ് ​ക​രു​ണി​യ​നും​ ​അ​ട​ങ്ങു​ന്ന​ ​ഇ​ന്ത്യ​ൻ​ ​ടീം​ കേരള ബ്ലാസ്‌റ്റേഴ്സിന്റെ നായകൻ സന്ദേശ് ജിങ്കന്റെ നേതൃത്വത്തിലാണ് കളത്തിലിറങ്ങുന്നത്. 1997ലെ നെഹ്റു കപ്പിൽ കൊച്ചിയിൽ വച്ചാണ് ഇരുടീമും അവസാനം മുഖാമുഖം വന്നത്. ആ മത്സരത്തിൽ ചൈന 2-1ന് ഇന്ത്യയെ കീഴടക്കി. ​അ​ടു​ത്ത​ ​വ​ർ​ഷ​ത്തെ​ ​എ.​എ​ഫ്.​സി​ ​ക​പ്പ് ​മു​ൻ​നി​റു​ത്തി​യു​ള്ള​ ​പ​രി​ച​യ​മാ​ണ് ​ഇൗ​ ​മ​ത്സ​ര​ത്തി​ലൂ​ടെ​ ​ഇ​ന്ത്യ​ ​ല​ക്ഷ്യ​മി​ടു​ന്ന​ത്.​ ​