കൊച്ചി: നടി ആക്രമിക്കപ്പെട്ട കേസിൽ പ്രതിസ്ഥാനത്തുള്ള നടൻ ദിലീപിനെതിരെ നടപടി വൈകുന്നതിൽ കൂടുതൽ പ്രതിഷേധത്തിനൊരുങ്ങിയ വനിതാ കൂട്ടായ്‌മയായ വിമെൻ ഇൻ സിനിമ കളക്‌ടീവ്. ഇതിന്റെ പശ്‌ചാത്തലത്തിൽ കൂടുതൽ പേർ അമ്മയിൽ നിന്ന് വിട്ടു നിന്നേക്കുമെന്നാണ് സൂചന.
ഇതുസംബന്ധിച്ച് ഡബ്ല്യു.സി.സി പ്രവർത്തകർ വൈകിട്ട് വാർത്താ സമ്മേളനം നടത്തുന്നുണ്ട്. രേവതി, പത്മപ്രിയ, പാർവതി തുടങ്ങിയവരാണ് വൈകിട്ട് വാർത്താസമ്മേളനം നടത്തുന്നത്‌. അമ്മയിൽ നിന്ന് കൂടുതൽ നടിമാരും ഡബ്ല്യു.സി.സിയിലേക്ക് എത്തുമെന്ന് റിപ്പോർട്ടുകളുണ്ട്.