വ​ത്തി​ക്കാ​ൻ സി​റ്റി: ബാ​ല ലൈം​ഗി​ക പീ​ഡ​നാ​രോപണത്തെ തുടർന്ന് യു.​എ​സ്​ ക​ർ​ദി​നാ​ൾ ഡോ​ണ​ൾ​ഡ്​ വൂൾ മൂന്ന് വർഷം മുൻപ് നൽകിയ രാ​ജി ഫ്രാ​ൻ​സി​സ്​ മാ​ർ​പാ​പ്പ സ്വീ​ക​രി​ച്ചു. പി​റ്റ്​​സ്​​ബ​ർ​ഗ്​ ബി​ഷ​പ്പാ​യി​രി​ക്കേ പ്രാ​യ​പൂ​ർ​ത്തി​യാ​കാ​ത്ത കു​ട്ടി​ക​ളെ പീ​ഡ​ന​ത്തി​നി​ര​യാ​ക്കി​യെ​ന്നാ​ണ്​ വൂ​ളി​നെ​തി​രേ ഉ​യ​ർ​ന്ന ആ​രോ​പ​ണം.

1988 നും 2006​നും ​ഇടയിലായി വൂ​ൾ പീ​ഡ​നം ന​ട​ത്തി​യെ​ന്നാ​ണ്​ ആ​രോ​പ​ണം. സ​ഭാ നേ​താ​ക്ക​ൾ കു​റ്റ​കൃ​ത്യം മൂ​ടി​വെ​ക്കാ​നും കൂ​ട്ടു​നി​ന്നു. നി​ര​വ​ധി പേ​ർ ബി​ഷ​പ്പി​ന്റെ രാ​ജി​ ആ​വ​ശ്യ​പ്പെ​ട്ട്​ രം​ഗ​ത്തു​വ​ന്നി​രു​ന്നു. മു​ൻ​ഗാ​മി​യാ​യ വാഷിംഗ്ടൺ ആ​ർ​ച്ച് ബി​ഷ​പ്​ തി​യ​ഡോ​ർ മ​ക്ക​രി​ക്​ രാ​ജി​വച്ച​തോ​ടെ 78 കാ​ര​നാ​യ വൂ​ളി​നു​മേ​ൽ സ​മ്മ​ർ​ദ​മു​യ​ർ​ന്നി​രു​ന്നു. തുടർന്നാണ് ​ മൂ​ന്ന് ​വ​ർ​ഷം മു​ൻപ്​ വൂ​ൾ രാ​ജി സ​മ​ർ​പ്പി​ച്ച​ത്.

പെൻ​സി​ൽ​വേ​നി​യ​ ക​ത്തോ​ലി​ക്ക സ​ഭ​യി​ലെ 300 പു​രോ​ഹി​ത​ൻമാർ ബാ​ല​ലൈം​ഗി​ക പീ​ഡ​നം ന​ട​ത്തു​ന്നു​വെ​ന്ന റി​പ്പോ​ർ​ട്ട്​ 2002 ലാ​ണ്​ പു​റ​ത്തു​വ​ന്ന​ത്. 300 ഒാ​ളം പു​രോ​ഹി​ത​ന്മാ​ർ 1000ത്തോ​ളം കു​ട്ടി​ക​ളെ പീ​ഡി​പ്പി​ച്ച​താ​യാ​ണ്​ ഇതേക്കുറിച്ച് അന്വേഷിച്ച ഗ്രാ​ൻ​റ്​ ജൂ​റി ക​ണ്ടെ​ത്തി​യ​ത്. ജൂ​റി റി​പ്പോ​ർ​ട്ട്​ പു​റ​ത്തു​വ​​ന്ന​തോ​ടെ​യാ​ണ്​ കു​രു​ക്ക്​ മു​റു​കി​യ​ത്. പീ​ഡ​ന ആ​രോ​പ​ണ​മു​യ​ർ​ന്ന സ​ഹ​പ്ര​വ​ർ​ത്ത​ക​രെ സം​ര​ക്ഷി​ക്കാ​നും വൂ​ൾ ശ്ര​മി​ച്ചു. ചി​ലി, ആ​സ്​​ട്രേ​ലി​യ, അ​യ​ർ​ല​ൻ​ഡ്​ എ​ന്നി രാ​ജ്യ​ങ്ങ​ളി​ലെ പു​രോ​ഹി​ത​ന്മാ​ർ​​ക്ക് നേ​രെ​യും ലൈം​ഗി​കാ​രോ​പ​ണ​മു​യ​ർ​ന്നിട്ടുണ്ട്.