പൊലീസിന്റെ വാഹന പരിശോധനയെ പിഴ ഈടാക്കി സർക്കാർ ഖജനാവ് നിറയ്ക്കാനുള്ള ഉപാധി എന്ന മട്ടിൽ കാണുന്നവരാണ് അധികവും, അത് പോലെ തന്നെ പിഴയിൽ നിന്നും ഒഴികഴിവുകൾ പറഞ്ഞ് തടി തപ്പാൻ ശ്രമിക്കുന്നവരും ധാരാളമുണ്ട്. അത്തരക്കാരെ ബോധവാൻമാരാക്കാൻ വേണ്ടി കേരള പൊലീസീന് പറയാനുള്ളത് ഇത് മാത്രമാണ്. വാഹനപരിശോധനയിലൂടെ നിങ്ങളുടെ സുരക്ഷയെക്കുറിച്ചുള്ള ഓർമപ്പെടുത്തലാണ് പോലീസ് നിർവഹിക്കുന്നത്.
ഒഴികഴിവുകളും ന്യായീകരണങ്ങളും നിങ്ങളുടെ ജീവൻ രക്ഷിക്കാൻ ഉപകരിക്കില്ല.

ഇതോടൊപ്പം സാധാരണയായി ഹെൽമറ്റ് പരിശോധനയിലേർപ്പെട്ടിരിക്കുന്ന പൊലീസ് ഉദ്യോഗസ്ഥർക്ക് കേൾക്കേണ്ടി വരുന്ന ഒഴികഴിവുകളും ഫേസ്ബുക്ക് പേജിൽ പൊലീസ് ലിസ്റ്റ് ചെയ്ത് നൽകിയിട്ടുണ്ട്.

• സർ!...ഞാൻ! ഒരു മരണവീട്ടിലേക്ക് പോയി വരികയാണ്....
• സാറേ ആശുപത്രിയിൽ! പോകുകയാണ്...
• മരുന്ന് വാങ്ങാൻ പോവുകയാണ്,
• വീട് തൊട്ടടുത്താണ് സാർ,
• സർ!, ഞാൻ! ആ കടയിൽ! നിന്ന്ഇറങ്ങിയതേയുള്ളൂ...
• എനിക്ക് കഴുത്തിന് അസുഖമാ...അതാ ഹെൽമറ്റ് വെക്കാതിരുന്നത്...
• ചിലർ! .....അവരുടെ ഉദ്യോഗപ്പേര് പറയുന്നു...
• ചിലർ .....വളരെ ഗൗരവത്തിൽ !പോലീസ് ഉദ്യോഗസ്ഥരുടെയോ രാഷ്ട്രീയക്കാരുടെയോ പേരുപറയുന്നു..
• അവർക്കിതൊന്നും ബാധകമല്ലെന്ന മട്ടിൽ സംസാരിക്കുന്നു
• ചിലർ കാലത്തു തന്നെ തുടങ്ങി പോലീസിന്റെ പിരിവ് എന്ന് പിറുപിറുത്ത് രൂക്ഷമായി നോക്കുന്നു....
• ചിലർ ഇത് കോണ്ടുപോയി ജീവിക്ക് എന്ന മട്ടിൽ!ദേഷ്യത്തിൽ ഫൈൻ!അടക്കാൻ തയ്യാറാകുന്നു.
• ചിലർ! ചില്ലറ കൈവശം ഉണ്ടെങ്കിലും അഹങ്കാരത്തോടെ 2000/രൂപ നോട്ട് നീട്ടുന്നു.
• ചില വില്ലൻമാർ നിർത്താതെ ഓടിച്ചുപോകുന്നു..
• ചിലർ വാഹന പരിശോധന മൊബൈലിൽ പകർത്തി ആസ്വദിക്കുന്നു.

എന്നാൽ ഇവരോടൊക്കെ കേരള പൊലീസിന് പറയുവാനുളളത് ഇത്രമാത്രം,
ഓർക്കുക ! ഒഴികഴിവുകളും ന്യായീകരണങ്ങളും നിങ്ങളുടെ ജീവൻ രക്ഷിക്കാൻ ഉപകരിക്കില്ല.
നിങ്ങളുടെ സുരക്ഷയാണ് ഞങ്ങളുടെ ലക്ഷ്യം...