ഷാർജ: കേരളത്തിൽ നിന്നും ഗൾഫ് നാടുകളിലേക്ക് കുടിയേറി ഇരുപത്തിയഞ്ച് വർഷം പൂർത്തിയാക്കിയ പ്രവാസി മലയാളികളെ കുന്ദംകുളം ക്രിസ്ത്യൻ പ്രേയർ ഫെലോഷിപ്പ് ആദരിച്ചു. ഷാർജ വർഷിപ്പ് സെന്ററിൽ ചേർന്ന ഫെല്ലോഷിപ്പിന്റെ 20ആം വാർഷിക സമ്മേളനത്തിൽ മലബാർ സ്വതന്ത്ര സുറിയാനി സഭാ പരമാദ്ധ്യക്ഷൻസിറിൾമാർ ബസേലിയോസ് അദ്ധ്യക്ഷൻ വഹിച്ചു. ഫെല്ലോഷിപ്പ് സെക്രട്ടറി വിൽസൻ പുലിക്കോട്ടിൽ വർഗീസ് പ്രവർത്തന റിപ്പോർട്ട് അവതരിപ്പിച്ചു. സഖറിയ തോമസ്, ബാബു വർഗീസ്, സിലിൻ സൈമൺ, പി സി സൈമൺ, സി വി ജോസ് എന്നിവർ ആശംസകൾ നേർന്നു. ഡെബിൻ തോമസ് സ്വാഗതവും, അബ്രഹാം ജോസഫ് നന്ദിയും പറഞ്ഞു.