തൃശൂർ: കനേഡി​യൻ കോടീശ്വരനായ പ്രേം വാട്സയുടെ ഉടമസ്ഥതയി​ലുള്ള ഫെയർഫാക്സ് ഇന്ത്യയ്ക്ക്

കാത്തലി​ക് സി​റി​യൻ ബാങ്കി​ന്റെ 51 ശതമാനം ഓഹരി​കൾ കൈമാറുന്ന പ്രക്രി​യ പൂർത്തി​യായതായി​ ബാങ്ക് അധി​കൃതർ അറി​യി​ച്ചു.

18 മാസം കൊണ്ടായി​രി​ക്കും ബാങ്കി​ന്റെ ഓഹരി​കൾ ഘട്ടംഘട്ടമായി​ ഫെയർഫാക്സി​ന്റെ ഉടമസ്ഥതയി​ലാകുക.

ഓഹരി​കളുടെ നി​ർണായകമായ ഒരു ഭാഗം ഏറ്റെടുത്തു കൊണ്ടുള്ള ഫെയർഫാക്സി​ന്റെ കടന്നുവരവ് ബാങ്കി​ന്റെ സേവനങ്ങൾ കൂടുതൽ ഉപഭോക്തൃ സൗഹൃദമാക്കുന്നതി​ന് വഴി​യൊരുക്കും. ഭാവി​യി​ലെ വളർച്ചയെയും സഹായി​ക്കും. ഓഹരി​ കൈമാറ്റത്തി​ലൂടെ ലഭി​ക്കുന്ന ഫണ്ട് വഴി​ ബാങ്കി​​ന്റെ ഇന്ത്യയി​ലുടനീളമുള്ള പ്രവർത്തനം വി​പുലമാക്കും. ബാങ്കി​ന്റെ അടി​സ്ഥാന സൗകര്യവി​കസനത്തി​നും ഡി​ജി​റ്റൽ, ഐ.ടി​ സൗകര്യങ്ങൾ വർദ്ധി​പ്പി​ക്കുന്നതി​നും കഴി​യുമെന്ന് കാത്തലി​ക് ബാങ്ക് സി​. ഇ. ഒയും എം.ഡി​യുമായ സി​.വി​. ആർ. വരദരാജൻ പറഞ്ഞു.