എം.ബി.എ. പ്രവേശനം

വിദൂര വിദ്യാഭ്യാസ വിഭാഗം 2018-20 ബാച്ചിലേക്കുളള എം.ബി.എ പ്രവേശന പട്ടിക പ്രസിദ്ധീകരിച്ചു. 25ന് വൈകിട്ട് 5വരെ ഫീസടയ്ക്കാം. വിശദവിവരങ്ങൾ www.ideku.in.

പ്രായോഗിക പരീക്ഷ

കരിയർ റിലേറ്റഡ് സി.ബി.സി.എസ്.എസ് ബി.എസ്.സി. ഇലക്‌ട്രോണിക്സ് നാലാം സെമസ്റ്റർ പരീക്ഷയുടെ പ്രായോഗിക പരീക്ഷ അതത് കോളേജുകളിൽ നവംബർ 5ന് തുടങ്ങും. വിശദവിവരങ്ങൾ വെബ്‌സൈറ്റിൽ.

സൂക്ഷ്‌മപരിശോധന

അവസാനവർഷ ബി.എ (ആന്വൽ) പരീക്ഷയുടെ ഉത്തരക്കടലാസുകളുടെ സൂക്ഷ്‌മപരിശോധനയ്ക്ക് ഓൺലൈനായും ഓഫ്‌ലൈനായും അപേക്ഷിച്ചിട്ടുളളവർ തിരിച്ചറിയൽ രേഖയും ഹാൾടിക്കറ്റുമായി ഇ.ജെ v സെക്ഷനിൽ (റീവാല്യുവേഷൻ) 22 മുതൽ നവംബർ 5വരെയുളള പ്രവൃത്തിദിവസങ്ങളിൽ ഹാജരാകണം.

പരീക്ഷാഫലം

അവസാനവർഷ ബി.ഡി.എസ് പാർട്ട് II (സപ്ലിമെന്ററി - 2008 സ്‌കീം) പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്‌മപരിശോധനയ്ക്കും 31വരെ അപേക്ഷിക്കാം.

സീറ്റൊഴിവ്

ഇൻസ്റ്റിറ്റ്യൂട്ട് ഒഫ് ഇംഗ്ലീഷിൽ എം.എ ഇംഗ്ലീഷിന് പട്ടിക ജാതി വിഭാഗത്തിൽ ഒഴിവുളള ഒരു സീറ്റിലേക്ക് 22ന് രാവിലെ 10.30ന് സ്‌പോട്ട് അഡ്മിഷൻ നടത്തും. വയസ്, യോഗ്യത എന്നിവ തെളിയിക്കുന്ന അസ്സൽ സർട്ടിഫിക്കറ്റുകളുമായി കൃത്യസമയത്ത് ഹാജരാകണം.

പി.ജി പ്രവേശനം

സ്‌പോട്ട് അഡ്മിഷനിൽ അലോട്ട്‌മെന്റ് ലഭിച്ച വിദ്യാർത്ഥികൾക്ക് 23വരെ വിവിധ കോളേജുകളിൽ പ്രവേശനം നേടാം. കാര്യവട്ടം ഗവ.കോളേജിൽ എം.എസ്.സി മാത്തമാറ്റിക്സിന് 17ന് നടത്താനിരുന്ന സ്‌പോട്ട് അഡ്മിഷൻ 22ന് രാവിലെ 10ന് നടത്തും.

ജെ.ആർ.എഫ്/നെറ്റ് പരീക്ഷാ പരിശീലനം

യൂണിവേഴ്സിറ്റി എംപ്ലോയ്‌മെന്റ് ഇൻഫർമേഷൻ ആന്റ് ഗൈഡൻസ് ബ്യൂറോ നെറ്റ്/ ജെ.ആർ.എഫ് പരീക്ഷകളുടെ ജനറൽ പേപ്പറിന് അപേക്ഷിച്ചവർക്ക് പരിശീലനം നൽകാനായി ഒക്‌ടോബർ 20 മുതൽ ഹോളിഡേ/വീക്കെന്റ് ബാച്ച് ആരംഭിക്കുന്നു. ആദ്യം രജിസ്റ്റർ ചെയ്യുന്ന 50 പേർക്കാണ് പ്രവേശനം. താൽപര്യമുളളവർ തിരുവനന്തപുരം പി.എം.ജി. ജംഗ്ഷനിലുളള സ്റ്റുഡന്റ്സ് സെന്ററിൽ പ്രവർത്തിക്കുന്ന യൂണിവേഴ്സിറ്റി എംപ്ലോയ്‌മെന്റ് ഇൻഫർമേഷൻ ആന്റ് ഗൈഡൻസ് ബ്യൂറോ ഓഫീസിലെത്തി രജിസ്റ്റർ ചെയ്യണം. വിവരങ്ങൾക്ക് 0471-2304577.

എം.ഫിൽ ഡിസർട്ടേഷൻ

സർവകലാശാലയിലേയും യൂണിവേഴ്സിറ്റി കോളേജിലേയും രണ്ടാം സെമസ്റ്റർ എം.ഫിൽ ഡിസർട്ടേഷൻ സമർപ്പിക്കാനുളള അവസാനതിയതി 26ൽ നിന്നും നവംബർ 16ലേക്ക് മാറ്റി.