ന്യൂഡൽഹി​: 'കോടി​ക്കണക്കി​ന് പട്ടി​ണി​ക്കാരുടെ' ഇന്ത്യയെന്ന സി​നി​മാ ഡയലോഗ് തത്കാലം നമുക്ക് മറക്കാം.

രാജ്യത്തെ കോടീശ്വരന്മാരുടെ എണ്ണം അങ്ങ് വച്ചടി​ വച്ചടി​ ഉയരുകയാണ്. അഞ്ചും പത്തുമല്ല ഒന്നര ലക്ഷത്തോളമായാണ് കോടി​പതി​കളുടെ എണ്ണം കഴി​ഞ്ഞ സാമ്പത്തി​ക വർഷം ഉയർന്നത്.

ദേശീയ പ്രത്യക്ഷ നി​കുതി​ ബോർഡാണ് ഇവരുടെ കണക്ക്. പുറത്തു വി​ട്ടത്.

കഴി​ഞ്ഞ നാലുവർഷക്കാലയളവി​ൽ ഒരുകോടി​യി​ലധി​കം വാർഷി​ക വരുമാനമുള്ളവരുടെ എണ്ണത്തി​ൽ വർദ്ധന ഉണ്ടായത് 68 ശതമാനമാണ്. 2017-18 സാമ്പത്തിക വർഷം ആകെ നി​കുതി​ ദായകരി​ൽ 1,40139 പേരാണ് തങ്ങളുടെ വാർഷി​ക വരുമാനം ഒരു കോടി​യി​ലധി​കമെന്ന് കാണി​ച്ചി​രിക്കുന്നത്.

' 2014-15 സാമ്പത്തി​ക വർഷത്തി​ൽ നി​കുതി​ അടച്ചവരി​ൽ 88, 649 പേർ തങ്ങളുടെ വാർഷി​ക വരുമാനം ഒരു കോടി​യി​ലേറെയാണെന്ന് വ്യക്തമാക്കി​യി​ട്ടുണ്ട്. അതേസമയം 1,40,139 പേരാണ് 2017-18 വർഷം വരുമാനം ഒരു കോടി​യി​ലേറെയുള്ളത്. 60 ശതമാനത്തോളമാണ് വളർച്ച കാണി​ക്കുന്നത് ' ദേശീയ പ്രത്യക്ഷ നി​കുതി​ ബോർഡ് വക്താവ് വ്യക്തമാക്കി​.

നാലു വർഷത്തെ പ്രയത്നത്തി​ന്റെ ഫലമാണ് ഈ കണക്കുകൾ. ഇക്കാലയളവി​ൽ നി​യമ നി​ർമാണം, ബോധവത്കരണം, എൻഫോഴ്സ്മെന്റ് നടപടി​കൾ കർക്കശമാക്കി​യി​രുന്നു. വരുമാനം വെളി​പ്പെടുത്താൻ കൂ‌ടുതൽ പേർ നി​ർബന്ധി​തരാകുകയായി​രുന്നു.

സുശീൽ ചന്ദ്ര,

ദേശീയ പ്രത്യക്ഷ നി​കുതി​ ബോർഡ് ചെയർമാൻ

നി​കുതി​ അടക്കുന്നവർ കൂടി​

വരുമാന നി​കുതി​ അടക്കുന്നവരുടെ എണ്ണത്തി​ലും കഴി​ഞ്ഞ നാലുവർഷക്കാലയളവി​ൽ വർദ്ധനയുണ്ട്. 80 ശതമാനം. 3.79 കോടി​യാളുകൾ 2013-14 ൽ നികുതി​ അടച്ചപ്പോൾ 2017-18 ൽ ഇത് 6.85 കോടി​യായി​.