റോച്ചസ്റ്റർ (മിനിസോട്ട): അമേരിക്കൻ കോളേജ് ഒഫ് ഗ്യാസ്‌ട്രോ എന്ററോളജി പ്രസിഡന്റായി ഇന്ത്യൻ വംശജ ഡോ. സുനന്ദ കെയ്ൻ തിരഞ്ഞെടുക്കപ്പെട്ടു. ഫിലാഡെൽഫിയയിൽ നടന്ന എസിജി കോൺഫറൻസിലാണ് സുനന്ദയെ തിരഞ്ഞെടുത്തത്. റോച്ചർസ്റ്റർ ആസ്ഥാനമായി പ്രവർത്തിക്കുന്ന മയോ ക്ലിനിക്ക് ഗാസ്‌ട്രോ എന്റോളജി വിഭാഗം അദ്ധ്യക്ഷയാണ് ഡോ. സുനന്ദ.
ഇല്ലിനോയ് യൂണിവേഴ്സിറ്റിയിൽ നിന്നും പബ്ലിക് ഹെൽത്തിൽ ബിരുദാനന്തര ബിരുദവും, ഷിക്കാഗോ റഷ് യൂണിവേഴ്സിറ്റിയിൽ നിന്നും മെഡിക്കൽ ബിരുദവു, പ്രസ്ബിറ്റീരിയൻ സെന്റ് ലൂക് മെഡിക്കൽ സെന്ററിൽ നിന്നും ഫെല്ലോഷിപ്പും കരസ്ഥമാക്കിയിട്ടുണ്ട്. റോച്ചസ്റ്ററിൽ അറിയപ്പെടുന്ന ഡോക്ടറാണ് സുനന്ദ. നിരവധി അവാർഡുകളും ഇവർക്കു ലഭിച്ചിട്ടുണ്ട്. മെഡിക്കൽ രംഗത്തെ വികസനം ലക്ഷ്യമാക്കിയുള്ള ഗവേഷണങ്ങൾക്കും പഠനങ്ങൾക്കും മുൻഗണന നൽകുമെന്ന് ഡോ. സുനന്ദ പറഞ്ഞു.