സൂപ്പർസ്റ്റാർ രജനികാന്തിനെ നായകനാക്കി യുവസംവിധായകൻ കാർത്തിക് സുബ്ബരാജ് ഒരുക്കുന്ന പേട്ടയുടെ ഷൂട്ടിംഗ് വാരാണസിയിൽ പൂർത്തിയായി. ഷൂട്ടിംഗ് കഴിഞ്ഞെന്നും ടീമിന് നന്ദി രേഖപ്പെടുത്തുന്നതായും രജനികാന്ത് ട്വിറ്ററിൽ കുറിച്ചു. സ്വപ്ന സാക്ഷാത്കാരം എന്നാണ് ചിത്രത്തെ കാർത്തിക് സുബ്ബരാജ് വിശേഷിപ്പിച്ചത്. തമിഴ് താരം വിജയ് സേതുപതി വില്ലൻ വേഷത്തിലെത്തുന്നതാണ് പേട്ടയുടെ മറ്റൊരു പ്രത്യേകത.

ബോളിവുഡ് താരം നവാസുദ്ദീൻ സിദ്ധിഖി, ബോബി സിംഹ, തൃഷ, സിമ്രാൻ, മേഘ ആകാശ്, മാളവിക മോഹനൻ, എം. ശശികുമാർ, ഗുരു സോമസുന്ദരം, സാനന്ദ് റെഡ്ഡി, ജെ. മഹേന്ദ്രൻ തുടങ്ങി വലിയ താരനിര അണിനിരക്കുന്ന ചിത്രത്തിൽ കമ്മട്ടിപ്പാടത്തിലൂടെ ശ്രദ്ധേയനായ മലയാളി താരം മണികണ്ഠൻ ആചാരിയും അഭിനയിക്കുന്നുണ്ട്. തിരു ഛായാഗ്രഹണവും വിവേക് ഹർഷൻ എഡിറ്റിംഗും നിർവഹിക്കുന്നു. പീറ്റർ ഹെയ്നാണ് സംഘട്ടന രംഗങ്ങൾ ഒരുക്കുന്നത്.