ഈ മാസം 31ന് ചൈനയിൽ നടക്കാനിരിക്കുന്ന ഐ.എഫ്.എ 2018ൽ അവതരിപ്പിക്കാനിരിക്കെ ഹോണർ മാജിക്ക് 2വിന്റെ ചിത്രങ്ങൾ പുറത്ത്. റെഡ് വേരിയന്റിന്റെ ചിത്രങ്ങളാണ് സമൂഹമാദ്ധ്യമങ്ങളിൽ പ്രചരിക്കുന്നത്.
16, 24,16 എന്നീ പിക്സലുകളുള്ള മൂന്ന് ക്യാമറ സെൻസറുകളാണ് മാജിക്ക് 2വിന്റെ ഏറ്റവും പ്രധാനപ്പെട്ട സവിശേഷത. ടിൽട്ട് കാമറ ഫീച്ചറും ഉൾപ്പെടുത്തിയ ഫോണിൽ 3400mah ബാറ്ററിയാണുള്ളത്.

ഫുൾ എച്ച്.ഡി ഡിസ്‌പ്ളേയുള്ള ഫോണിന് കരുത്തേകാൻ ഹൈസിലിക്കോൺ കിരിൻ 980 പ്രോസസർ ആണ് ഉപയോഗിച്ചിരിക്കുന്നത്. ഹുവായിയുടെ 40w അതിവേഗ ചാർജ്ജിംഗ് സംവിധാനവും 'യോയോ' എന്ന ആർട്ടിഫിഷ്യൽ ഇന്റലിജൻസ് സാങ്കേതികവിദ്യയയുമാണ് മറ്റൊരു പ്രധാന പ്രത്യേകത.

ആൻഡ്രോയിഡിന്റെ ഏറ്റവും പുതിയ പതിപ്പായ ആൻഡ്രോയിഡ് 9.0 പൈ ആണ് മാജിക്ക് 2 ൽ ഉപയോഗിച്ചിരിക്കുന്നത്. 8ജിബി റാമോട് കൂടിയ 128ജിബി ഇൻബിൽറ്റ് സ്റ്റോറേജ് സംവിധാനവും ഫോണിനുണ്ട്.
ഒക്ടോബർ 31 ന് ചൈനയിൽ അവതരിപ്പിക്കുന്ന മാജിക്ക് 2 ഇന്ത്യൻ വിപണിയിൽ എന്നെത്തുമെന്ന് കമ്പനി ഇതുവരെ പുറത്തുവിട്ടിട്ടില്ല.