ഒരുവിധം രോഗങ്ങൾക്കുള്ള മരുന്നെല്ലാം തുളസിയിലുണ്ട്. തുളസിയില മാത്രമല്ല അതിന്റെ പൂവും തണ്ടും വരെ നിരവധി രോഗങ്ങളെ ചെറുക്കാൻ ശേഷിയുള്ളതാണ്. പനി മാറുന്നതിന് തുളസിയിലയുടെ നീര് കഴിച്ചാൽ മതി. വെറും വയറ്റിൽ തുളസിയില ചവയ്ക്കുന്നത് ജലദോഷത്തിൽ നിന്നും ജലദോഷ പനിയിൽ നിന്നും രക്ഷനേടാൻ സഹായിക്കും. തൊണ്ട വേദനയുണ്ടാകുമ്പോൾ തുളസിയിലയിട്ട് തിളപ്പിച്ച വെള്ളം ഇളംചൂടിൽ വായിൽ കവിൾകൊണ്ടാൽ മതി. ആസ്ത്മ, ബ്രോങ്കൈറ്റിസ് രോഗികൾക്ക് ഇത് ഏറെ ഗുണകരമാണ്. തലവേദന മാറുന്നതിന് തുളസിയിലയും ചന്ദനവും പേസ്റ്റ് രൂപത്തിലാക്കി നെറ്റിയിൽ പുരട്ടുക. നേത്ര രോഗങ്ങൾ ചികിത്സിക്കാൻ കരിംതുളസിയില നല്ലതാണ്. ഇതിന്റെ നീര് ഒന്ന് രണ്ട് തുള്ളി കണ്ണിൽ ഉറ്റിക്കുന്നത് വേദന അകറ്റാൻ സഹായിക്കും. ചർമ്മ രോഗങ്ങൾ അകറ്റാനും തുളസിനീര് ഉത്തമമാണ്. തേനും തുളസിയിലയുടെ നീരും ചേർത്തു കഴിച്ചാൽ മൂത്രത്തിൽ കല്ല് ഭേദമാകും.