കൊല്ലം: സംസ്ഥാനത്ത് വീണ്ടും എ.ടി.എം കുത്തിത്തുറന്ന് കവർച്ചാശ്രമം. കൊല്ലം കുണ്ടറ മോയ്തീൻ മുക്കിലെ ഫെഡറൽ ബാങ്ക് എ.ടി.എം കൗണ്ടറിലെ മെഷിനാണ് കുത്തിത്തുറക്കാൻ ശ്രമിച്ചത്. ഇന്ന് രാവിലെയാണ് മോഷണ ശ്രമം കണ്ടത്. സംഭവത്തെ തുടർന്ന് പൊലീസ് സ്ഥലത്തെത്തി പരിശോധന നടത്തി. എ.ടി.എമ്മിൽ നിന്ന് പണം നഷ്ടപ്പെട്ടെന്ന കാര്യം വ്യക്തമല്ലെന്ന് പൊലീസ് അറിയിച്ചു.

എറണാകുളത്തും തൃശൂരിലും എ.ടി.എം കവർന്ന് 35 ലക്ഷം രൂപം കവർന്ന സംഭവത്തിന് പിന്നാലെയാണ് സംസ്ഥാനത്ത് സമാന സംഭവങ്ങൾ കൂടുതലായും റിപ്പോർട്ട് ചെയ്യുന്നത്. ഇന്നെ രാവിലെ തൃശൂർ നഗരത്തിലെ എ.ടി.എമ്മിലും കവർച്ച നടത്താൻ ശ്രമിച്ചിരുന്നു.