തിരുവനന്തപുരം: വിഴിഞ്ഞം ചൊവ്വരയിൽ സ്കൂൾ ബസ് തലകീഴായി കനാലിലേക്ക് മറിഞ്ഞ് കുട്ടികൾക്കും ഡ്രൈവർക്കും പരിക്കേറ്റു. പട്ടം താണുപിള്ള സ്കൂളിലെ ബസാണ് തലകീഴായി മറിഞ്ഞത്. പത്തോളം കുട്ടികൾ ബസിലുണ്ടെന്നാണ് സമീപവാസികൾ പറയുന്നത്. എല്ലാവരെയും അടുത്തുള്ള ആശുപത്രിയിൽ പ്രവേശിപ്പിച്ചിരിക്കുകയാണ്. മഴകാരണം ബസ് റോഡിൽ നിന്നും തെന്നിമാറിയതെന്നാണ് ദൃക്സാക്ഷികൾ നൽകുന്ന വിവരം.

ഒരു വാഹനത്തിനു മാത്രം സഞ്ചരിക്കാവുന്ന ഇടുങ്ങിയ വഴിയിലൂടെയായിരുന്നു ബസ് പോയത്.കുട്ടികളുടെ കരച്ചിൽ കേട്ട് നാട്ടുകാർ ഓടിയെത്തി രക്ഷാപ്രവർത്തനം നടത്തുകയായിരുന്നു. നാട്ടുകാർ തന്നെയാണ് പരിക്കേറ്റ കുട്ടികളെ സമീപത്തെ ആശുപത്രിയിൽ പ്രവേശിപ്പിച്ചത്.