ആരോഗ്യകരമായ ഭക്ഷണശീലം കൊളസ്‌ട്രോളിനെ ചെറുക്കും. നാരുകളടങ്ങിയ ഭക്ഷണം ധാരാളം കഴിക്കുക. ദിവസവും എട്ടു ഗ്ളാസ് വെള്ളം കുടിയ്ക്കുക.
പാലുൽപന്നങ്ങൾ, ബീഫ്, മട്ടൺ, കൊഞ്ച്, മുട്ടയുടെ മഞ്ഞ, ചിപ്‌സ്, വറുത്ത ഭക്ഷ്യവസ്‌തുക്കൾ എന്നിവ കഴിക്കരുത്. പാൽ ചായയ്‌ക്ക് പകരം കട്ടൻചായ ശീലിക്കുക.
മത്സ്യം ചീത്ത കൊളസ്‌ട്രോളിനെ ചെറുത്ത് നല്ല കൊളസ്‌ട്രോൾ നില ഉയർത്തും. മത്തി, ചൂര, നെത്തോലി എന്നിവ ഗുണമേറിയത്. വെളിച്ചെണ്ണ,എള്ളെണ്ണ, ഒലീവ് ഓയിൽ തുടങ്ങിയവ മിതമായി ഉപയോഗിക്കുക. വെളിച്ചെണ്ണയിൽ ലാറിക് ആസിഡ്, മിറിസ്‌റ്റിക് ആസിഡ് തുടങ്ങിയ മീഡിയം കൊഴുപ്പുകളാണ് ഉള്ളത്. ഇവ രക്തത്തിലെ കൊഴുപ്പിന്റെ അളവ് കൂട്ടുന്നില്ലെന്ന് പഠനങ്ങൾ പറയുന്നു.
സ്‌ട്രോബെറി, ബ്രൊക്കോളി, ആപ്പിൾ തുടങ്ങി ആന്റിഓക്സിഡന്റുകൾ അടങ്ങിയ പഴങ്ങൾ, തവിടുകളയാത്ത ധാന്യങ്ങൾ, പച്ചക്കറികൾ എന്നിവ കഴിയ്ക്കുക. മഞ്ഞൾപ്പൊടി, കറിവേപ്പില, മല്ലിവെള്ളം എന്നിവ ചീത്ത കൊളസ്‌ട്രോളിനെ ചെറുക്കും. ദിവസവും ഒന്നോ രണ്ടോ അല്ലി വെളുത്തുള്ളി കഴിയ്ക്കുക. കൊളസ്‌ട്രോൾ കുറയ്‌ക്കുന്ന ഘടകങ്ങളുടെ ശത്രുവായ പുകവലി പാടേ ഉപേക്ഷിക്കുക.