ന്യൂയോർക്ക്: ഇന്ത്യൻ അമേരിക്കൻ കേരള കൾച്ചറൽ സെന്ററിന്റെ ഇരുപത്തിയാറാമത് വാർഷികാഘോഷത്തിൽ കേരളത്തിൽ നിന്ന് വിവിധ മേഖലകളിൽ വേറിട്ട വ്യക്തിത്വങ്ങളായി മാറിയ അഞ്ച് മലയാളികളെ ആദരിക്കും. ബോബി വി.എബ്രഹാം,​ ജയശങ്കർ നായർ (കോർപ്പറേറ്റ് മേഖല)​,​ നർത്തകി മാലിനി നായർ (കല)​,​ പ്രശസ്ത എഴുത്തുകാരൻ ചാക്കോ എം.ചാക്കോ (സാഹിത്യം)​,​ ജോയ് ഇട്ടൻ (സാമൂഹ്യ സേവനം)​ എന്നിവരെയാണ് നവംബർ മൂന്നിന് ന്യൂയോർക്കിൽ (1824 Fairfax Street, Elmont, New York)​ നടക്കുന്ന ചടങ്ങിൽ ആദരിക്കുക.

ന്യൂയോർക്കിലെ ഇന്ത്യൻ കോൺസുലേറ്റ് കൗൺസൽ ദേവദാസൻ നായരാണ് മുഖ്യാതിഥി. പ്രശസ്ത ഭാഷാശാസ്ത്രജ്ഞനായ ഡോ.എസ്.എൻ.ശ്രീധർ മുഖ്യപ്രഭാഷണം നടത്തും,​ ശാന്തിഭവൻ സ്ഥാപകൻ ഡോ.എബ്രഹാം ജോർജ്,​ ശ്രീധർ മേനോൻ,​ കൊളംബിയ യൂണിവേഴ്സിറ്റി പ്രൊഫസർ പി.സോമസുന്ദരം,​ വ്യവസായി ദിലീപ് വർഗീസ് തുടങ്ങിയവരും സമ്മേളനത്തിൽ പങ്കെടുക്കും.

ചടങ്ങിൽ പങ്കെടുക്കുന്നതിനുള്ള ടിക്കറ്റുകൾക്കായി kc@keralacenterny.com എന്ന ഇ -മെയിൽ വിലാസത്തിൽ ബന്ധപ്പെടുക.

വെബ്സൈറ്റ്: www.keralacenterny.com