തിരുവനന്തപുരം: ബി.ജെ.പി കണ്ണൂർ ജില്ലാ കമ്മിറ്റി ഓഫീസ് ഉദ്ഘാടനത്തിനായി കണ്ണൂർ വിമാനത്താവളത്തിലെത്തിയ ബി.ജെ.പി അദ്ധ്യക്ഷൻ അമിത് ഷായെ പരിഹസിച്ച് മന്ത്രി എം.എം.മണി രംഗത്തെത്തി. അമിത് ഷാ കണ്ണൂരിൽ ഇറങ്ങുന്നുവെന്ന് കേട്ടപ്പോൾ അത്ഭുതം തോന്നി. കാരണം ഉദ്ഘാടനം കഴിയാത്ത വിമാനത്താവളത്തിൽ സർക്കാരിന്റെ ഔദ്യോഗിക സ്ഥാനങ്ങൾ വഹിക്കാത്ത ഒരാൾക്ക് ഇറങ്ങാൻ അനുവാദം കൊടുക്കണമെങ്കിൽ അത് അത്ഭുതം തന്നെയാണ്. ഇത്‌ ബി.ജെ.പി. ഭരണത്തിന്റെ കീഴിൽ നടക്കുന്ന വഴിവിട്ട കാര്യങ്ങളുടെ ചെറിയ ഉദാഹരണം മാത്രമാണെന്നും അദ്ദേഹം തന്റെ ഫേസ്ബുക്ക് പോസ്‌റ്റിലൂടെ കളിയാക്കി.

പോസ്‌റ്റിന്റെ പൂർണരൂപം

കണ്ണൂർ വിമാനത്താവളത്തിൽ ബി.ജെ.പിയുടെ അഖിലേന്ത്യ പ്രസിഡന്റ് ശ്രീ. അമിത് ഷാ വിമാനത്തിൽ ഇറങ്ങുന്നുവെന്ന് . ഇത് കേട്ടപ്പോൾ അത്ഭുതം തോന്നി. എന്തെന്നാൽ, വിമാനത്താവളം ഉദ്ഘാടനം ചെയ്ത് പ്രവർത്തനം തുടങ്ങിയിട്ടില്ല. അപ്പോൾ, സർക്കാരിന്റെ ഔദ്യോഗിക സ്ഥാനങ്ങൾ ഒന്നും വഹിക്കാത്ത ഒരാളായിട്ടു പോലും ഉദ്ഘാടനത്തിന് മുമ്പ് അമിത് ഷായ്ക്ക് അനുമതി കൊടുത്തെങ്കിൽ അത്ഭുതകരമാണ്. ഇത് ബി.ജെ.പി. ഭരണത്തിന്റെ കീഴിൽ നടക്കുന്ന വഴിവിട്ട കാര്യങ്ങളുടെ ചെറിയ ഉദാഹരണം മാത്രം.