ന്യൂഡൽഹി: കേന്ദ്രസർക്കാർ നിർദ്ദേശം അനുസരിച്ച് അശ്ലീല വെബ്‌സൈറ്റുകൾ ബ്ലോക്ക് ചെയ്‌തതിനെതിരെ പോൺ ഹബ്ബ് ഉൾപ്പടെയുള്ള മുൻനിര അശ്ലില വീഡിയോ പോർട്ടലുകൾ രംഗത്ത്. നേരത്തെ ഉണ്ടായിരുന്ന സൈറ്റിന്റെ മിറർ ഡ‌ൊമെയ്‌നുകളുമായാണ് ഇവരുടെ രംഗപ്രവേശനം. പോൺ ഹബ്ബിന്റെ വക്താവെന്ന് അവകാശപ്പെട്ട് റെഡിറ്റ് ഫോറത്തിൽ പ്രത്യക്ഷപ്പെട്ട 'കാറ്റി' എന്ന പേരുള്ള വനിതയാണ് പുതിയ പ്രഖ്യാപനത്തിന് പിന്നിൽ.
ബ്ലോക്ക് ചെയ്ത വെബ്സൈറ്റിൽ മിറർ ഡൊമെയ്‌നുകൾ ഉടൻ പുറത്തിറക്കുമെന്നും ഇവർ റെഡിറ്റ് ഫോറത്തിൽ പറഞ്ഞിരിക്കുന്നത്.
മിറർ യു.ആർ.എൽ ഉടൻ പുറത്തെത്തുമെന്നുമാണ് കാറ്റി പറയുന്നത്. മിറർ യു.ആർ.എൽ നടപ്പിലാക്കിയാൽ അവ ബ്ലോക്ക് ചെയ്യുന്നത് ടെലികോം മന്ത്രാലയത്തിനും ടെലികോം കമ്പനികൾക്കും എളുപ്പമാകില്ലെന്നാണ് റിപ്പോർട്ട്. ചില സൈറ്റുകൾ ഇപ്പോൾ തന്നെ മിറർ പോർട്ടലുകൾ അവതരിപ്പിച്ചതായും റിപ്പോർട്ടുകളുണ്ട്.