തിരുവനന്തപുരം: അറുപത്തിരണ്ടാമത് സംസ്ഥാന സ്കൂൾ കായികമേളയിൽ വേഗമേറിയ താരങ്ങളായി തിരഞ്ഞെടുക്കപ്പെട്ട അഭിനവിനും ആൻസിക്കും സ്‌പ്രിന്റ് ഡബിൾ. ഇന്ന് നടന്ന സീനിയർ ആൺകുട്ടികളുടെ 200 മീറ്ററിലാണ് അഭിനവ് സ്വർണം നേടിയത്. ഇതേ വിഭാഗത്തിൽ ആൻസിയും ഒന്നാം സ്ഥാനം നേടി.

ഇന്നലെ സീനിയർ ആൺകുട്ടികളുടെ 100 മീറ്ററിൽ 10.97 സെക്കന്റിൽ അഭിനവ് ഫിനിഷ് ചെയ്തിരുന്നു. തുണ്ടത്തിൽ മാധവവിലാസം ഹയർസെക്കൻഡറി സ്കൂളിലെ പന്ത്രണ്ടാംക്ലാസ് വിദ്യാർത്ഥിയായ അഭിനവ് തിരുവനന്തപുരം സായ്‌യിലെ കോച്ച് പീസിന്റെ കീഴിലാണ് പരിശീലനം നടത്തുന്നത്.

തൃശൂർ നാട്ടിക ഫിഷറീസ് സ്കൂളിലെ വിദ്യാർത്ഥിയായ ആൻസി സോജൻ 12.26 സെക്കന്റിലാണ് നൂറ് മീറ്റർ ഫിനിഷ് ചെയ്ത് സുവർണതാരമായത്.