ഷിബു എന്ന് തന്നെ പരിഹസിക്കുന്നവർക്ക് മറുപടിയുമായി സ്വാമി സന്ദീപാനന്ദഗിരി രംഗത്ത്. 'ഷിബു ഒരു ചിന്ത' എന്ന പേരിൽ തന്റെ ഫേസ്ബുക്ക് പേജിലൂടെയാണ് സന്ദീപാനന്ദഗിരി എതിരാളികൾക്ക് മറുപടി നൽകിയിരിക്കുന്നത്. ഷിബു എന്നാൽ ശിവ എന്നാണ് അർത്ഥമെന്നും, അങ്ങനെ വരുമ്പോൾ അയ്യപ്പന്റെ അച്ഛൻ എന്ന അർത്ഥമാണ് ആ പേരിന് ഉണ്ടാകുന്നതെന്നും ഫേസ്ബുക്ക് പോസ്‌റ്റിൽ പറയുന്നു.

അതേസമയം, സംഗീത സംവിധായകൻ ബിജിപാലിന്റേതാണ് വാക്കുകൾ എന്ന തരത്തിൽ അദ്ദേഹത്തിന്റെ പേരും കുറിപ്പിൽ ചേർത്തിട്ടുണ്ട്.

പോസ്‌റ്റിന്റെ പൂർണരൂപം-

ഷിബു : ഒരു ചിന്ത.
നമ്മൾ മലയാളികളിൽ ചിലരുടെ പേരുകൾ ബിജോയ്, ഷിബു, എന്നിങ്ങനെയുണ്ടല്ലോ. ഇവ ശരിക്കു ബംഗാൾ, ആസ്സാം തുടങ്ങി സ്ഥലങ്ങളിലെ പേരുകളാണ്. 'വ' എന്ന ശബ്ദം അവർ 'ബ' എന്നും 'അ' എന്നത് 'ഒ' എന്നും 'ശ' എന്ന ശബ്ദം 'ഷ' എന്നും ഉച്ഛരിക്കുന്നു. വിജയ് എന്ന വാക്കു അവർക്കു ബിജോയ് ആണ്. വിജയ എന്നത് ബിജോയ. ജ്യോതി ബോഷു എന്ന പേര് യഥാർത്ഥത്തിൽ ജ്യോതി വാസു ആണ്. 'ഷിബു' എന്നത് മറ്റൊന്നുമല്ല 'ശിവ' എന്നാണ്. പൂർവാശ്രമത്തിൽ തുളസീദാസ് എന്ന് പേരുള്ള സന്ദീപാനന്ദഗിരിയെ എതിരാളികൾ വിളിക്കുന്നത് അയ്യപ്പന്റെ അച്ഛനായ ശിവന്റെ പേര് ഷിബു. ശാസ്താവിന്റെ ഓരോ ലീലകൾ.

Bijibal
Musicdirector