തിരുവനന്തപുരം ഏകദിനത്തിനായി ഇന്ത്യ, വിൻഡീസ് ടീമുകൾ ഇന്നെത്തും
തിരുവനന്തപുരം: കാര്യവട്ടത്തെ ആദ്യ അന്താരാഷ്ട്ര ഏകദിന മത്സരത്തിനായി ഇന്ത്യ,വെസ്റ്റ് ഇന്‍ഡീസ് ക്രിക്കറ്റ് ടീമുകൾ ഇന്ന് ഉച്ചയോടെ തലസ്ഥാനത്തെത്തും. ഉച്ചക്ക് 12.30ന് ജെറ്റ് എയര്‍വേസിന്റെ വിമാനത്തിലെത്തുന്ന ടീമുകൾക്ക് കോവളം ലീലാ ഹോട്ടലിലാണ് താമസമൊരുക്കിയിരിക്കുന്നത്. നാളെ രാവിലെ 9.15ന് വെസ്റ്റ് ഇന്‍ഡീസ് ടീമും ഉച്ചകഴിഞ്ഞ് 2 മണിക്ക് ഇന്ത്യന്‍ ടീമും മത്സരവേദിയായ കാര്യവട്ടംസ്‌പോര്‍ട്ട്‌സ് ഹബ്ബില്‍ പരിശീലനത്തിനിറങ്ങും.ക്രിസ്റ്റഫര്‍ ബ്രോഡ്- മാച്ച് റഫറി, ഇയാന്‍ ഗൂള്‍ഡ്, പോള്‍ വില്‍സന്‍, ഇയാന്‍ വില്‍സന്‍, ഷംസുദ്ദീന്‍, ഡെന്നിസ് ബാര്‍ണ്‌സ്, ഹരിനാരായണന്‍ മിസ്ത്രി എന്നീ മാച്ച് ഒഫീഷ്യല്‍സും ഇന്നെത്തും.
സ്പോർട്സ് ഹബിൽ ഫൈനൽ ടച്ച്
കഴിഞ്ഞ വർഷം ഇന്ത്യ - ന്യൂസിലാൻഡ് ട്വന്റി-20 മത്സരത്തോടെ അന്താരാഷ്ട്ര അരങ്ങേറ്റം കുറിച്ച കാര്യവട്ടം സ്പോർട്സ് ഹബ് ആദ്യ ഏകദിനമത്സരത്തിനായി ഫൈനൽ ടച്ചുകളിലാണ്. ക്യുറേറ്റർ ബിജുവിന്റെ നേതൃത്വത്തിൽ പിച്ചുകളുടെ ഒരുക്കം പൂർത്തിയായിക്കഴിഞ്ഞു.ബാറ്റിംഗിനെ അനുകൂലിക്കുന്ന പിച്ചാണ് ഇത്തവണയും ഒരുക്കിയിരിക്കുന്നത്. പരമ്പരയിൽ മൂന്ന് മത്സരങ്ങളിലും 300ലേറെ റൺസ് പിറന്നിരുന്നു. കാര്യവട്ടത്തും സ്ഥിതിയിൽ കാര്യമായ മാറ്റമുണ്ടാകാനിടയില്ല.ഗാലറിയിലെ നിർമ്മാണ പ്രവർത്തനങ്ങളും പൂർത്തിയായിക്കഴിഞ്ഞു. ഗവര്‍ണര്‍ പി.സദാശിവം, മുഖ്യമന്ത്രി പിണറായി വിജയന്‍, മന്ത്രിമാര്‍, മുന്‍ കാല ഇന്ത്യന്‍ താരങ്ങള്‍ എന്നിവര്‍ മത്സരം കാണാനെത്തും.
ടിക്കറ്റ് അക്ഷയ വഴിയും
പേടിഎം, ഇന്‍സൈഡര്‍ എന്നീ ഓണ്‍ലൈന്‍ സൈറ്റുകള്‍ക്ക് പുറമെ സംസ്ഥാനത്തെ 2700 അക്ഷയ ഇകേന്ദ്രങ്ങള്‍ വഴിയും ടിക്കറ്റ് വില്‍പ്പന ആരംഭിച്ചിട്ടുണ്ട്. പണം നല്‍കിയാല്‍ അക്ഷയ കേന്ദ്രങ്ങളില്‍ നിന്നും ഓണ്‍ലൈന്‍ ടിക്കറ്റുകള്‍ ബുക്ക് ചെയ്ത് നല്‍കും. തിരുവനന്തപുരം ജില്ലയിലെ 234 അ ടിക്കറ്റ് വില്‍പ്പന ഓണ്‍ലൈനിലൂടെ മാത്രമേ ഉള്ളൂവെന്ന് കേരള ക്രിക്കറ്റ് അസോസിയേഷന്‍ അറിയിച്ചു. മുന്‍ വര്‍ഷങ്ങളിലേത് പോലെ ടിക്കറ്റുകള്‍ കൗണ്ടര്‍ വഴി വില്‍പ്പന ഉണ്ടായിരിക്കുന്നതല്ല. www.paytm.com, www.insider.in എന്നീ വെബ്ബ് സൈറ്റുകള്‍ വഴി മാത്രമേ ടിക്കറ്റ് വില്‍പ്പനയുള്ളൂ. ഈ സൈറ്റുകളിലേക്കുള്ള ലിങ്ക് കേരള ക്രിക്കറ്റ് അസോസിയേഷന്റെ സൈറ്റില്‍ ലഭ്യമാണ്. 1000 (അപ്പര്‍ ടിയര്‍), 2000( ലോവര്‍ ടിയര്‍ ചെയര്‍), 3000 (സ്‌പെഷ്യല്‍ ചെയര്‍) എിങ്ങനെയാണ് ടിക്കറ്റ് നിരക്കുകള്‍. സ്റ്റേഡിയത്തിനകത്തേക്ക് പ്രവേശിക്കാന്‍ ഡിജിറ്റല്‍ടിക്കറ്റുകളോ, പ്രിന്റ് ഔട്ടുകളോ ഉപയോഗിക്കാം. ഓലൈന്‍ ലിങ്ക് കെസിഎ വെബ്ബ്‌സൈറ്റിലും ലഭ്യമാണ്. പേടിഎം വഴി 2 ടിക്കറ്റ് വാങ്ങുവര്‍ക്ക് 150 രൂപയുടെ സിനിമാ ടിക്കറ്റിനുള്ള വൗച്ചര്‍ ലഭിക്കും. സ്റ്റേഡിയത്തിന് അകത്ത് പ്രവേശിക്കാന്‍ ടിക്കറ്റിന് പുറമെ പ്രൈമറി ടിക്കറ്റ് ഹോള്‍ഡറുടെ തിരിച്ചറിയല്‍ തിരിച്ചറിയല്‍ രേഖ നിര്‍ബന്ധമാണ്. ഒരാള്‍ക്ക് ഒരു യൂസര്‍ഐഡിയില്‍ നിന്നും പരമാവധി 6 ടിക്കറ്റ് മാത്രമേ ബുക്ക് ചെയ്യാന്‍ സാധിക്കുകയുള്ളൂ. ഒരു ഐഡിയില്‍ നിന്നും ഒരു തവണ മാത്രമേ ബുക്ക് ചെയ്യാന്‍ സാധിക്കുകയുള്ളൂ. രാവിലെ 11 മണി മുതലാണ് സ്റ്റേഡിയത്തിലേക്കുള്ള പ്രവേശനം തുടങ്ങുക. വിദ്യാര്‍ത്ഥികള്‍ക്ക് കൂടുതൽ ടിക്കറ്റുകൾ വിദ്യാര്‍ത്ഥികള്‍ക്കായി മത്സരത്തിന്റെ 2000 സീറ്റുകള്‍കൂടി നീക്കിവച്ചതായി കെ.സി.എ അറിയിച്ചു. വിദ്യാര്‍ത്ഥികളുടെ ടിക്കറ്റിന് ക്ഷാമം നേരിടുന്ന കണക്കിലെടുത്താണ് തീരുമാനം. അപ്പര്‍ ടിയറിലെ ടിക്കറ്റുകളാണ് വിദ്യാര്‍ത്ഥികള്‍ക്കായി മാറ്റിവച്ചിരിക്കുന്നത്. 500രൂപയാണ് വിദ്യാര്‍ത്ഥികളുടെ ടിക്കറ്റിന്റെ വില. അപ്പര്‍ ടയര്‍ ഈസ്റ്റ് ബ്ലോക്ക് എഫിലാണ് വിദ്യാര്‍ത്ഥികള്‍ക്കായി കൂടുതല്‍ ടിക്കറ്റുകള്‍ ലഭ്യമാക്കിയിരിക്കുന്നത്.