കാൻബെറ : അന്റാർട്ടിക്ക സമുദ്രത്തിൽ നീന്തുന്ന 'ശിരസ്സില്ലാത്ത കോഴി രാക്ഷസ'ന്റെ വീഡിയോ ഇന്റർനെറ്റിൽ വൈറലാകുന്നു. ആസ്ട്രേലിയൻ ഗവേഷകരാണ് ഈ അപൂർവ്വ ജീവിയുടെ വീഡിയോ പുറത്ത് വിട്ടത്. തലയില്ലാത്ത കോഴിയുടേത് പോലെ രൂപമുള്ള ഈ ജീവി ശരിക്കുമൊരു കടൽപ്പുഴുവാണ്. മുൻപൊരിക്കൽ മെക്സിക്കൻ ഉൾക്കടലിൽ മാത്രം കാണപ്പെട്ട ഈ ജീവിയെ അന്റാർട്ടിക്കൻ പ്രദേശത്ത് ആദ്യമായാണ് കാണുന്നത്. നക്ഷത്രമത്സ്യത്തിന്റെ വിഭാഗത്തിൽ പെടുന്ന ജീവിയാണിതെന്നാണ് ശാസ്ത്രജ്‌ഞന്മാർ പറയുന്നത്. ട്വിറ്ററിലും ഫേസ്ബുക്കിലും പോസ്റ്റ് ചെയ്ത വീഡിയോ ഇതിനകം ഏഴര ലക്ഷത്തോളം പേർ കണ്ടു കഴിഞ്ഞു.

Behold the majestic "headless chicken monster" or Enypniasties eximia, spotted recently in the Southern Ocean for the first time on an Australian fisheries camera. https://t.co/jQHv5L0uE3 pic.twitter.com/ZeChEiivCy

— Antarctic Division (@AusAntarctic) October 20, 2018

"കടലിന്റെ അടിത്തട്ട് പഠിക്കാനായി അത്യാധുനിക കാമറകളാണ് അന്റാർട്ടിക്ക സമുദ്രത്തിൽ ഉപയോഗിക്കുന്നത്. ഇവയിൽ നിന്ന് അത്ഭുതാവഹമായ ചിത്രങ്ങളും വീഡിയോകളുമാണ് ലഭിക്കുന്നത്. ഇതിൽ ഇന്നേവരെ കാണാത്ത പല ജീവജാലങ്ങളും പെടും." - ആസ്ട്രേലിയൻ അന്റാർട്ടിക്ക് ഡിവിഷന്റെ പ്രോഗ്രാം മേധാവി ഡോക്ടർ ഡെർക്ക് വെൽസ്‌ഫോർഡ് പറഞ്ഞു.