പത്ത​നം​തിട്ട : സാധാ​രണ പൗരൻമാർ നൽകുന്ന അപേ​ക്ഷ​ക​ളിൽ വ്യ​ക്തവും നിയ​മാ​നു​സൃ​ത​വു​മായ മറു​പടി നൽകു​ന്ന​തിന് പകരം മുക​ളിൽ നിന്ന് അനു​മതി ലഭി​ക്കുന്ന മുറയ്ക്ക് ആലോ​ചിക്കാം എന്ന് പറ​യു​ന്നത് ജനാ​ധി​പ​ത​്യ​സം​വി​ധാ​ന​ത്തിൽ ഉചി​ത​മ​ല്ലെന്ന് സംസ്ഥാന മനു​ഷ​്യാ​വ​കാശ കമ്മിഷൻ അംഗം കെ. മോഹൻകു​മാർ.
സ്ഥിര​വ​രു​മാ​ന​മി​ല്ലാത്ത മകനും വിദേ​ശ​ത്തു​ണ്ടായ അപ​ക​ട​ത്തിൽ ശയ്യാ​വ​ലം​ബി​യായ ഭർത്താ​വു​മുള്ള വീട്ട​മ്മ​യുടെ റേഷൻകാർഡ് പൊതു​വി​ഭാ​ഗ​ത്തിൽ ഉൾപ്പെ​ടു​ത്തി​യ​തി​നെ​തിരെ സമർപ്പി​ക്ക​പ്പെട്ട പരാ​തി​യി​ലാണ് റാന്നി താലൂക്ക് സപ്ലൈ ഓഫീ​സറെ കമ്മി​ഷൻ വിമർശി​ച്ച​ത്.
ഇത്ത​ര​ത്തിൽ മറുപടി നൽകിയ റാന്നി താലൂക്ക് സപ്ലൈ ​ഓ​ഫീ​സ​റോട് ഒക്‌ടോ​ബർ 26 ന് പത്ത​നം​തിട്ട ഗവ. ഗസ്റ്റ്ഹൗ​സിൽ നട​ക്കുന്ന സിറ്റിം​ഗിൽ നേരിട്ട് ഹാജ​രാ​കാനും കമ്മിഷൻ നിർദ്ദേ​ശി​ച്ചു.
റാന്നി ഇട​പ്പാ​വൂർ ലക്ഷ്മി സദ​ന​ത്തിൽ ശ​ശി​കലാകുമാ​രി​യുടെ പരാ​തി​യി​ലാണ് നട​പ​ടി. പൊതു​വി​ഭാ​ഗ​ത്തി​ലുള്ള കാർഡ് മുൻഗ​ണ​നാ​വി​ഭാ​ഗ​ത്തി​ലാക്കി നൽകണം എന്നാണ് പരാ​തി​ക്കാ​രി​യുടെ ആവ​ശ​്യം.
റാന്നി താലൂക്ക് സപ്ലൈ ഓഫീ​സ​റിൽ നിന്ന് കമ്മിഷൻ റിപ്പോർട്ട് വാങ്ങി​യി​രു​ന്നു. പരാ​തി​ക്കാ​രിക്ക് 30,000 രൂപ​യിൽ കൂടു​തൽ വരു​മാ​ന​മു​ണ്ടെന്നും കാർഡിൽ തിരു​ത്തൽ വരു​ത്തു​ന്ന​തിന് വേണ്ട അനു​മതി ലഭി​ക്കുന്ന മുറക്ക് വരു​മാനം തിരുത്തി കാർഡ് മുൻഗ​ണനാ പട്ടി​ക​യിൽ പെടു​ത്താൻ നട​പടി സ്വീ​ക​രി​ക്കാ​മെന്നും റിപ്പോ​ർട്ടിൽ പറ​യു​ന്നു. എന്നാൽ തങ്ങൾക്ക് 30,000 രൂപ വരു​മാ​ന​മി​ല്ലെന്നും 10 സെന്റ് വസ്തു മാത്ര​മാ​ണു​ള്ള​തെന്നും വീട് ഷീറ്റി​ട്ട​താ​ണെന്നും പരാ​തി​ക്കാരി കമ്മി​ഷനെ അറി​യി​ച്ചു.
തങ്ങ​ളുടെ വീട്ടിൽ പരി​ശോ​ധന നട​ത്താ​തെ​യാണ് സപ്ലൈ ​ഓ​ഫീ​സർ റിപ്പോർട്ട് നൽകി​യ​തെന്നും പരാ​തി​ക്കാരി വിശ​ദീ​ക​ര​ണം നൽകി.
പരാ​തി​ക്കാ​രി​യുടെ വാദം ശരി​യാണോ എന്ന് പരി​ശോ​ധി​ക്കാ​തെയും രേഖ​കൾ ഹാജ​രാ​ക്കാൻ ആവ​ശ്യപ്പെടാ​തെയും സപ്ലൈ ഓഫീ​സർ കമ്മിഷ​നിൽ മറു​പടി നൽകി​യത് ശരി​യാ​യി​ല്ലെന്നും കമ്മിഷൻ ഉത്ത​ര​വിൽ നിരീ​ക്ഷി​ച്ചു. സപ്ലൈ ഓ​ഫീ​സ​റുടെ റിപ്പോർട്ട് തൃപ്തി​ക​ര​മ​ല്ലെന്ന് കണ്ട് നിര​സി​ച്ചു.
പരാ​തി​ക്കാ​രി​യുടെ അപേ​ക്ഷ​യിൽ താലൂക്ക് സപ്ലൈ​ ഓ​ഫീ​സർ സ്വീ​ക​രിച്ച മുഴു​വൻ നട​പ​ടി​കളും വിശ​ദ​മായ മറു​പടി സഹിതം ഒക്‌ടോ​ബർ 26 ന് നടക്കുന്ന സിറ്റിം​ഗിൽ കമ്മിഷനെ ബോദ്ധ​്യ​പ്പെ​ടു​ത്ത​ണ​മെന്നും ഉത്ത​ര​വിൽ പറ​ഞ്ഞു. ജില്ലാ സപ്ലെ​ ഓ​ഫീ​സർക്കാണ് ഉത്ത​രവ് നൽകി​യ​ത്.