കൊല്ലം/ചെങ്ങന്നൂർ: ശബരിമല സ്ത്രീ പ്രവേശന വിഷയത്തിൽ സ്ത്രീകൾ ഉൾപ്പെടെ പങ്കെടുക്കുന്ന പ്രതിഷേധ നാമജപ യാത്രകൾ സംസ്ഥാനത്തിന് അകത്തും പുറത്തും വ്യാപിക്കുന്നു. തുലാമാസ പൂജയ്ക്ക് ഏഴുദിവസം അവശേഷിക്കെ എന്ത് അടിയന്തര സാഹചര്യവും നേരിടാൻ വനിതാ പൊലീസുകാർ ഉൾപ്പെടെയുള്ളവരെ സജ്ജരാക്കി സർക്കാരും തയാറെടുപ്പ് നടത്തുന്നു.

ശ​ബ​രി​മ​ല​ ​ആ​ചാ​ര​ ​സം​ര​ക്ഷ​ണ​ത്തി​ന് നി​ല​യ്ക്ക​ലി​ൽ​ ​പ​ർ​ണ​ശാ​ല​ ​കെ​ട്ടി​ ​ന​ട​ത്തു​ന്ന​ ​നാ​മ​ജ​പ​ ​സ​മ​രത്തിലേക്ക് കൂടുതൽ വിശ്വാസികൾ എത്തിത്തുടങ്ങി. ഇതോടെ പ്ര​ധാ​ന​ ​പ്ര​ക്ഷോ​ഭ​ ​വേ​ദി​യാ​യി​ ​മാ​റു​ക​യാ​ണ് ഇവിടം. രാപ്പകൽ സമരം നടക്കുന്നതിനാൽ പൊ​ലീ​സും ​സ്ഥ​ല​ത്ത് ​ക്യാ​മ്പ് ​ചെ​യ്യു​ന്നു​ണ്ട്. തു​ലാ​മാ​സ​ ​പൂ​ജ​ക​ൾ​ക്ക് 17​ന് ​ന​ട​ ​തു​റ​ക്കു​ന്ന​തോ​ടെ​ ​നി​ല​യ്ക്ക​ലി​ൽ​ ​പ​ർ​ണ​ശാ​ല​ക​ളു​ടെ​ ​എ​ണ്ണം​ ​കൂ​ട്ടാ​നാ​ണ് ​ശ​ബ​രി​മ​ല​ ​ആ​ചാ​ര​ ​സം​ര​ക്ഷ​ണ​ ​സ​മി​തി​യു​ടെ​ ​തീ​രു​മാ​നം. പന്തളം കൊട്ടാരം ആഹ്വാനം ചെയ്ത പ്രതിഷേധ നാമജപ യാത്ര വിശ്വാസികൾ ഏറ്റെടുത്തതോടെ സംസ്ഥാനത്താകെ യാത്ര പ്രാദേശിക തലത്തിൽ ശക്തി പ്രാപിക്കുകയാണ്.

സിനിമാ, സീരിയൽ താരങ്ങളും

സിനിമാ - സീരിയൽ രംഗത്തെ പ്രമുഖർ പങ്കെടുക്കുന്ന ശബരിമല സംരക്ഷണ യാത്ര 14ന് രാവിലെ 9ന് ചെങ്ങന്നൂർ മഹാദേവ ക്ഷേത്രത്തിൽ നിന്ന് ആരംഭിച്ച് പന്തളം മണികണ്ഠൻ ആൽത്തറ, കോയിക്കൽ ക്ഷേത്രം, കൊട്ടാരം, ശ്രാമ്പിക്കൽ കൊട്ടാരം, ഓമല്ലൂർ, വടശേരിക്കര, പെരുനാട് കക്കാട്ട് കോയിക്കൽ ക്ഷേത്രം, ളാഹ, പ്ളാപ്പള്ളി വഴി നിലയ്ക്കലിൽ സമാപിക്കും. ശബരിമല തന്ത്രി ഉൾപ്പെടെയുള്ള ആചാര്യന്മാരുടെയും പന്തളം കൊട്ടാരത്തിന്റെയും പേട്ട സംഘങ്ങളുടെയും ശബരിമലയിലെ മറ്റ് അനുഷ്ഠാനങ്ങളിൽ പ്രവർത്തിക്കുന്നവരിൽ നിന്നുമായി അഭിപ്രായം സ്വരൂപിച്ച് പ്രധാനമന്ത്രിക്കും രാഷ്ട്രപതിക്കും സംഘം കൈമാറും. പ്രമുഖ അഭിനേതാക്കൾ വിശ്വാസികൾക്കൊപ്പമാണെന്ന് അറിയിക്കുന്നതിന് കൂടിയാണ് യാത്രയെന്ന് ശ്രീ അയ്യപ്പൻ സീരിയലിൽ പന്തളം രാജാവായി അഭിനയിച്ച നടൻ ദേവൻ പറയുന്നു. സീരിയലിൽ അയ്യപ്പനായി അഭിനയിച്ച കൗശിക് ബാബുവും യാത്രയിൽ പങ്കെടുക്കും.

ശബരിമല ആക്ഷൻ കൗൺസിൽ

​ദക്ഷിണഭാരതത്തിലെ അഞ്ച് സംസ്ഥാനങ്ങളിലും ഇന്ന് മുതൽ ഉപരോധ സമരം ആരംഭിക്കും. കേരളത്തിൽ എല്ലാ താലൂക്ക് കേന്ദ്രങ്ങളിലും ഉപരോധ സമരം നടക്കും. കൊ​ച്ചി​യി​ൽ​ ​ചേ​ർ​ന്ന​ ​ഹി​ന്ദു​ ​നേ​തൃ​സ​മ്മേ​ള​ന​ത്തി​ലാ​ണ് ഇ​തി​നാ​യി​ ​ശ​ബ​രി​മ​ല​ ​ആ​ക്ഷ​ൻ​ ​കൗ​ൺ​സി​ൽ​ ​രൂ​പീ​ക​രി​ച്ചത്.​ ​ശ്രീ​മൂ​ലം​ ​തി​രു​നാൾ​ ​ശ​ശി​കു​മാ​ർ ​വ​ർ​മ്മ​ ​(​പ​ന്ത​ളം​ ​രാ​ജ​കൊ​ട്ടാ​രം​),​ ​സ്വാ​മി​ ​ചി​ദാ​ന​ന്ദ​പു​രി​ ​എ​ന്നി​വ​രാ​ണ് ​ര​ക്ഷാ​ധി​കാ​രികൾ.​ ​അ​ഡ്വ.​ഗോ​വി​ന്ദ​ ഭ​ര​ത​ൻ​ ​(​അ​ദ്ധ്യ​ക്ഷ​ൻ​),​ ​കെ.​പി.​ശ​ശി​ക​ല​ ​(​ചെ​യ​ർ​പേ​ഴ്‌​സ​ൺ​),​എ​സ്.​ജെ.​ആ​ർ.​കു​മാ​ർ​ ​(​മു​ഖ്യ​ ​സം​യോ​ജ​ക​ൻ​)​ ​എ​ന്നി​വ​രാ​ണ് ​മ​റ്റ് ​പ്ര​ധാ​ന​ ​ഭാ​ര​വാ​ഹി​ക​ൾ.​ ​

ഹിന്ദുനേതൃസമ്മേളനം

പ്രതിഷേധം കടുപ്പിക്കുന്നതിന്റെ ഭാഗമായി നാളെ കോട്ടയത്ത് ഹിന്ദു നേതൃസമ്മേളനം നടക്കും. ഗുരുസ്വാമിമാർ, ആചാര്യന്മാർ, വിവിധ ഹൈന്ദവ സംഘടനാ നേതാക്കൾ തുടങ്ങിയവർ പങ്കെടുക്കും. ആയിരക്കണക്കിന് ഭക്തരെയാകും പ്രതിഷേധത്തിൽ അണിനിരത്തുക.12ന് സെക്രട്ടേറിയറ്റ് പടിക്കൽ പന്തളം രാജകൊട്ടാരത്തോടൊപ്പം ചേർന്ന് നാമജപ യജ്ഞം നടത്തും. 17ന് നിലയ്ക്കൽ, എരുമേലി എന്നിവിടങ്ങളിൽ രാവിലെ 9 മുതൽ അമ്മമാരുടെ ഉപവാസവും ആചാര്യ സദസും നടക്കും.

ശ​ബ​രി​മ​ല​ ​സം​ര​ക്ഷ​ണ​യാ​ത്ര

ബി.​ജെ.​പിയുടെ നേതൃത്വത്തിൽ ​പ​ന്ത​ള​ത്ത്​ ​നി​ന്ന് ​സെ​ക്ര​ട്ടേ​റി​യ​റ്റി​ലേ​ക്ക് ​ശ​ബ​രി​മ​ല​ ​സം​ര​ക്ഷ​ണ​യാ​ത്ര ഇന്ന് ആരംഭിക്കും. ​15​ന് ​തി​രു​വ​ന​ന്ത​പു​ര​ത്ത് ​ലോം​ഗ് ​മാ​ർ​ച്ചോ​ടെ​ ​സ​മാ​പി​ക്കും.​ ​ബി.​ജെ.​പി​ ​സം​സ്ഥാ​ന​ ​പ്ര​സി​ഡ​ന്റ് ​പി.​എ​സ്.​ ശ്രീ​ധ​ര​ൻ​പി​ള്ള​ ​യാ​ത്ര​ ​ന​യി​ക്കും. തെ​ക്ക​ൻ​ ​ജി​ല്ല​ക​ളി​ൽ​ ​പ​ര്യ​ട​നം​ ​ന​ട​ത്തി​യാ​ണ് ​കാ​ൽ​ന​ട​യാ​ത്ര​ ​സ​മാ​പി​ക്കു​ക.​ ​ബി.​ഡി.​ജെ.​എ​സ് ഉൾപ്പെടെയുള്ള എ​ൻ.​ഡി.​എ​ ​ക​ക്ഷി​ക​ളി​ലെ​ ​പ്ര​വ​ർ​ത്ത​ക​രും ​അ​ണി​നി​ര​ക്കും.​ ​17​ന് ​മ​ഹി​ളാ​മോ​ർ​ച്ച​ ​പ്ര​വ​ർ​ത്ത​ക​ർ​ ​അ​യ്യ​പ്പ​ന്റെ​ ​പൂ​ങ്കാ​വ​ന ​പ്ര​ദേ​ശ​ങ്ങ​ളി​ൽ​ ​ഉ​പ​വാ​സ​ ​പ്രാ​ർ​ത്ഥ​നാ​യ​ജ്ഞം​ ​ന​ട​ത്തും.​