കുളത്തൂപ്പുഴ: സ്വകാര്യ ടെലികോം കമ്പനി ജീവനക്കാരൻ കുളത്തൂപ്പുഴ ചന്ദനക്കാവ് വടക്കേചെറുകര ഷിബുവിലാസത്തിൽ ഭാസ്കരപിളളയുടെ മകൻ കണ്ണൻ എന്നുവിളിക്കുന്ന ഷിബുമോനെ (42) കുളത്തൂപ്പുഴ ജംഗ്ഷനിലെ ഒാഫീസിൽ തൂങ്ങിമരിച്ച നിലയിൽ കണ്ടെത്തി. ഇന്നലെ രാവിലെ 11മണിയോടെ ആയിരുന്നു സംഭവം. ഒാഫീസ് അടഞ്ഞ് കിടക്കുന്നത് കണ്ട് മറ്റൊരു ജീവനക്കാരനെത്തി പരിശോധിച്ചപ്പോഴാണ് മൃതദേഹം കണ്ടത്. ഇതിന് സമീപം കീർത്തി ഗോൾഡ് കവറിംഗ് എന്ന സ്ഥാപനം നടത്തിവരുന്ന കണ്ണൻ വർഷങ്ങളായി ടെലികോ കമ്പനിയിലും പ്രവർത്തിച്ച് വരികയായിരുന്നു. കുളത്തൂപ്പുഴ പൊലീസ് ഇൻക്വസ്റ്റ് തയ്യാറാക്കിയ മൃതദേഹം പോസറ്റുമോർട്ടത്തിനയച്ചു. ഭാര്യ: ഡാർളി. മക്കൾ: ഹരികൃഷ്ണൻ, അബികൃഷ്ണൻ.