ചെ​ങ്ങ​ന്നൂർ: ശബരിമല യുവതീ പ്രവേശന വിഷയത്തിൽ വിവാദം കൊടുമ്പിരിക്കൊണ്ടിരിക്കെ, മുഖ്യമന്ത്രിയുടെ അപ്രീതിക്ക് പാത്രമായി സി.പി.എമ്മിലും ദേവസ്വം ബോർഡിലും ഒറ്റപ്പെട്ട തിരുവിതാംകൂർ ദേവസ്വം ബോർഡ് പ്രസിഡന്റ് എ. പത്മകുമാർ വൈകാതെ രാജിവയ്ക്കുമെന്ന് സൂചന. പകരം ആരായിരിക്കുമെന്ന അഭ്യൂഹങ്ങളും ഇതോടെ ശക്തമായി.

പത്മകുമാർ രാജിവച്ചാൽ മുൻ പ്ര​ധാ​ന​മ​ന്ത്രി മൻ​മോ​ഹൻ സിം​ഗി​ന്റെ ഉ​പ​ദേ​ഷ്ടാ​വാ​യി​രു​ന്ന ടി.കെ.എ നാ​യ​രെ​യോ മുൻ ദേ​വ​സ്വം ബോർ​ഡ് പ്ര​സി​ഡന്റ് എം.രാ​ജ​ഗോ​പാ​ലൻ നാ​യ​രെ​യോ ആ സ്ഥാനത്തേക്ക് കൊണ്ടുവരുമെന്നാണ് അഭ്യൂഹം. നിലവിൽ കേരള ദേവസ്വം റിക്രൂട്ട്മെന്റ് ബോർഡ് ചെയർമാനാണ് രാജഗോപാലൻ നായർ. ഇ​രു​വ​രും യു​വ​തീ പ്ര​വേ​ശ​ന​ത്തോ​ട് അ​നു​കൂ​ല​മാ​യി പ​ര​സ്യ നി​ല​പാ​ട് സ്വീ​ക​രി​ച്ച​വ​രാ​ണ്. ടി.കെ.എ നാ​യ​രെ നിയമിച്ചാൽ കോൺ​ഗ്ര​സി​ന്റെ പ്ര​തി​ഷേ​ധ​മു​ന ഒ​ടി​ക്കാ​നാ​കു​മെന്ന കണക്കുകൂട്ടലും നീക്കത്തിന് പിന്നിലുണ്ടത്രേ.

കടുത്ത സമ്മർദ്ദം നേരിടേണ്ടിവരുന്നതോടെ തൽ​സ്ഥാ​ന​ത്ത് തു​ട​രേ​ണ്ടെ​ന്ന നി​ല​പാ​ടി​ലാ​ണ് പ​ത്മ​കു​മാ​റെ​ന്ന് അ​റി​യു​ന്നു. യുവതീ പ്രവേശന വിഷയത്തിൽ ബോർഡിലും ഭിന്നതയുണ്ട്. ഈ സാഹചര്യത്തിലാണ് അദ്ദേഹം ഒഴിയുമെന്ന അഭ്യൂഹം പരക്കുന്നത്. എന്നാൽ, ഇതേക്കുറിച്ച് പ്രതികരിക്കാൻ അദ്ദേഹം ഇതുവരെ തയ്യാറായിട്ടില്ല.
യുവതീ പ്രവേശന വിഷയത്തിൽ റി​വ്യൂ ഹർ​ജി നൽ​കു​മെ​ന്ന് ആ​ദ്യം വ്യ​ക്ത​മാ​ക്കി​യ പ​ത്മ​കു​മാർ സർ​ക്കാർ സ​മ്മർ​ദ്ദ​ത്തെ തു​ടർ​ന്ന് ഇ​തിൽ നി​ന്ന് പിൻ​വാ​ങ്ങി​യി​രു​ന്നു. തു​ലാ​മാ​സ പൂ​ജ​യ്​ക്ക് ന​ട തു​റ​ന്ന​പ്പോ​ഴു​ണ്ടാ​യ ഭ​ക്ത​രു​ടെ പ്ര​തി​ഷേ​ധം സം​ബ​ന്ധി​ച്ച് സു​പ്രീം​കോ​ട​തി​യിൽ വി​ശ​ദ​മാ​യ റി​പ്പോർ​ട്ട് നൽ​കു​മെ​ന്ന് പി​ന്നീ​ട് അ​റി​യി​ച്ചു. എ​ന്നാൽ സർ​ക്കാ​രി​ന്റെ കർശന നിലപാടിൽ അതിൽ നിന്നും പിൻവാങ്ങേണ്ടിവന്നു. മു​ഖ്യ​മ​ന്ത്രിയുടെ വി​മർ​ശ​നം കൂടി ഏൽക്കേണ്ടി വന്നതോടെ അദ്ദേഹം പാർ​ട്ടി നേ​തൃ​ത്വ​ത്തോ​ട് പോ​ലും പി​ന്നീ​ട് സം​സാ​രി​ക്കാൻ ത​യാ​റാ​യി​ല്ലെ​ന്നാ​ണ് അ​റി​യു​ന്ന​ത്.

സ​മൂ​ഹ​മാ​ദ്ധ്യ​മ​ങ്ങ​ളിൽ താൻ അ​യ്യ​പ്പ​ഭ​ക്ത​നാ​ണെ​ന്ന് സാ​ക്ഷ്യ​പ്പെ​ടു​ത്തു​ന്ന പ​ത്മ​കു​മാ​റി​ന്റെ പ്ര​സം​ഗ​ത്തി​ന്റെ ഓ​ഡി​യോ​ പ്ര​ച​രി​ക്കു​ന്നു​ണ്ട്. അതിനിടെ 'അയ്യപ്പസ്വാമി തുണ, എല്ലാം ഭംഗിയായി, ആര് എതിർത്താലും ആചാരങ്ങൾ തെറ്റില്ല, അത് വിശ്വാസമാണ് ' എന്ന് തുടങ്ങി ഒരു യുവമോർച്ച നേതാവ് ഫേസ് ബുക്കിലിട്ട ലൈവ് പത്മകുമാർ ഷെയർ ചെയ്തിരുന്നു. ഇത് വിവാദമായതോടെ ഫേസ് ബുക്ക് പേജ് തന്നെ പത്മകുമാർ ഡിലീറ്റ് ചെയ്തു.

ക​ഴി​ഞ്ഞ​ വർ​ഷ​മാ​ണ് പ​ത്മ​കു​മാർ ദേ​വ​സ്വം ബോർ​ഡ് പ്ര​സി​ഡന്റ് സ്ഥാ​ന​ത്തെ​ത്തി​യ​ത്. ഒ​രു​വർ​ഷം കൂ​ടി കാ​ലാ​വ​ധി​യു​ണ്ട്. കെ.രാ​ഘ​വ​ന്റെ കാ​ലാ​വ​ധി കഴി‌ഞ്ഞ ദിവസം ക​ഴി​ഞ്ഞ​തി​നാൽ ബോർ​ഡിൽ നി​ല​വിൽ ഒ​രു ഒ​ഴി​വു​ണ്ട്. പ​ട്ടി​ക​വി​ഭാ​ഗ​ക്കാർ​ക്കാ​യി സം​വ​ര​ണം ചെ​യ്​ത സീ​റ്റാ​ണി​ത്.

മാറ്റാനാവില്ല, രാജി വയ്പ്പിക്കാം

തിരുവനന്തപുരം: സർക്കാർ നിലപാടിന് വിരുദ്ധമായി അഭിപ്രായ പ്രകടനം നടത്തി സർക്കാരിന്റെ അപ്രീതിക്ക് പാത്രമായെങ്കിലും എ. പത്മകുമാറിനെ ദേവസ്വം ബോർഡ് പ്രസിഡന്റ് പദവിയിൽ നിന്ന് മാറ്രാൻ കടമ്പകളേറെ. ഇതിനായി രണ്ട് മാർഗങ്ങളാണ് സർക്കാരിന് മുന്നിലുള്ളത്. ഒന്ന് ഓ‌ർഡിനൻസ് കൊണ്ടുവരിക. പ്രയാർ ഗോപാലകൃഷ്ണനെ പ്രസിഡന്റ് പദവിയിൽ നിന്ന് മാറ്രിയത് ബോർഡിന്റെ കാലാവധി മൂന്നിൽ നിന്ന് രണ്ട് വർഷമായി ഓർഡിനൻസ് വഴി കുറച്ചാണ്.ഈ സാഹചര്യത്തിൽ വീണ്ടും ഇതേ മാർഗം സ്വീകരിച്ചാൽ അത് സർക്കാരിന്റെ പ്രതിച്ഛായയെ പ്രതികൂലമായി ബാധിക്കും. പാർട്ടിതലത്തിൽ സമ്മർദ്ദം ചെലുത്തി സ്വയം രാജി വയ്പ്പിക്കുകയാണ് അടുത്ത മാർഗം.അങ്ങനെ രാജിക്ക് തയ്യാറായാൽ പിന്നീട് പത്മകുമാർ എന്ത് രാഷ്ട്രീയ നിലപാട് സ്വീകരിക്കുമെന്ന ആശങ്ക പാർട്ടിക്കുമുണ്ട്.

നിയമസഭയിലെ ഹിന്ദു എം.എൽ.എമാരാണ് ബോർഡ് അംഗങ്ങളെ തിരഞ്ഞെടുക്കേണ്ടത്. പ്രസിഡന്റിനെ നിശ്ചയിക്കേണ്ടത് ഹിന്ദു മന്ത്രിമാരും.കെ.രാഘവന്റെ കാലാവധി അവസാനിച്ചെങ്കിലും പുതിയ അംഗത്തെ തിരഞ്ഞെടുക്കാനുള്ള നടപടികൾ തുടങ്ങിയിട്ടില്ല.