കൊ​ട്ടി​യം: കിണർ തൊഴിലാളി കി​ളി​കൊ​ല്ലൂർ ക​ന്നി​മേൽ പ്ലാവി​ല​ഴി​ക​ത്ത് തൊ​ടി​യിൽ നി​സാ​മു​ദ്ദീൻ (35) കടന്നൽ കുത്തേറ്റ് മരിച്ചു. ക​ണ്ണ​ന​ല്ലൂർ വ​ട​ക്കേ മൈ​ല​ക്കാ​ട് ബൈ​ജുവിന്റെ പു​ര​യി​ട​ത്തി​ലെ പ്ലാ​വിൽ കണ്ടെത്തിയ കൂ​റ്റൻ ക​ട​ന്നൽക്കൂ​ട് ന​ശി​പ്പി​ക്കാൻ ചൊവ്വാഴ്ച ഉച്ചയ്ക്ക് 2 മണിയോടെ കൈ​യിൽ പെ​ട്രോൾ നിറച്ച ക​ന്നാ​സ്, ചാ​ക്ക്, വടി എ​ന്നി​വ​യുമായി കയറിയ നി​സാ​മു​ദ്ദീൻ കൂ​ട് ന​ശി​പ്പി​ക്കാ​നു​ള്ള ഒ​രു​ക്ക​ത്തി​നി​ട​യിൽ കൈ​വ​ശ​മു​ണ്ടാ​യി​രു​ന്ന വടി അ​ബ​ദ്ധ​ത്തിൽ കൂ​ട്ടിൽ ത​ട്ടുകയും കടന്നൽ കൂട്ടത്തോടെ ഇളകി നി​സാ​മു​ദ്ദീ​ന്റെ ദേഹ​മാ​സ​ക​ലം പൊ​തി​യുകയുമായിരുന്നു. ഒ​പ്പ​മു​ണ്ടാ​യി​രു​ന്ന മ​റ്റ് തൊ​ഴി​ലാ​ളി​ക​ളാ​യ സ​ലിം, ആൽ​ഫ്ര​ഡ്, ഗോ​പി ആ​ചാ​രി, ആന്റ​ണി ജോർ​ജ് എ​ന്നി​വർ​ക്കും ക​ട​ന്നൽ കു​ത്തേ​റ്റു. മരത്തിൽ നിന്ന് ഒരുവിധം താഴെയിറങ്ങിയ നിസാമുദ്ദീനെ ഉ​ടൻ കൊ​ട്ടി​യ​ത്തെ സ്വ​കാ​ര്യ ആ​ശു​പ​ത്രി​യിൽ പ്രവേശിപ്പിച്ചു. ചി​കിൽ​സ​യിൽ കഴിയവേ രാത്രി ഡോ​ക്ട​റുടെ അനുവാദമില്ലാതെ ആ​ശു​പ​ത്രിവി​ട്ട നിസാമുദ്ദീൻ സു​ഹൃ​ത്താ​യ ആന്റ​ണി ജോർ​ജി​ന്റെ വീ​ട്ടി​ലെ​ത്തി അ​വി​ടെ സ​മ​യം ചെ​ല​വ​ഴി​ച്ചു. ഈ സ​മ​യം ആരോഗ്യനില വഷളാവുകയും മ​ര​ണം സം​ഭ​വി​ക്കു​ക​യു​മാ​യി​രു​ന്നു. ഭാ​ര്യ: നാ​സില. മ​ക്കൾ: അൻ​സിൽ, അ​സ്‌​ന. സം​സ്​കാ​രം ഇ​ന്ന്. കൊ​ട്ടി​യം പൊ​ലീ​സ് കേ​സെ​ടു​ത്തു.