കാട്ടൂർ: വിനോദയാത്രയ്ക്കിടെ വിദ്യാർത്ഥി മുങ്ങി മരിച്ചു. തേക്കുംമൂല നടുപറമ്പിൽ മധുവിന്റെ മകൻ അഭിനന്ദാണ് മുങ്ങി മരിച്ചത്.വെള്ളാനി സെന്റ് ഡോമിനിക് സ്‌ക്കൂളിലെ 10-ാം ക്ലാസ്സ് വിദ്യാർത്ഥികൾ കഴിഞ്ഞ ബുധനാഴ്ചയാണ് വിനോദയാത്ര പോയത്. വെള്ളിയാഴ്ച ഉച്ചതിരിഞ്ഞ് ഉഡുപ്പി സെന്റ് മേരീസ് ഐലന്റ് ബീച്ചിൽ ഇറങ്ങി ബസിൽ തിരികെ കയറിയപ്പോൾ 62 പേരിൽ നിന്ന് ഒരാളെ കാണാതാകുകയായിരുന്നു.ഏറെ നേരത്തെ തിരച്ചിലിനു ശേഷം കോസ്റ്റ് ഗാർഡിന് കുട്ടിയുടെ മൃതദേഹം ലഭിച്ചു.