ബംഗളൂരു : ഐ.എസ്.എൽ ഫുട്ബാളിൽ ബംഗളൂരു എഫ്.സിയും ജംഷഡ്പൂർ എഫ്.സിയും തമ്മിൽ നടന്ന മത്സരം 2-2ന് സമനിലയിൽ പിരിഞ്ഞു. ബംഗളൂരുവിന് വേണ്ടി നിഷുകുമാറും നായകൻ സുനിൽ ഛെത്രിയും  ഗോളുകൾ നേടിയപ്പോൾ ഗൗരവ് മുഖിയും സെർജിയോ സിഡോഞ്ചയുമാണ്  ജംഷഡ്പൂരിന്റെ ഗോളുകൾ നേടിയത്.

1-0

45ആം മിനിട്ടിൽ നിഷുകുമാറിന്റെ ലോംഗ് റേഞ്ചറിലൂടെ ബംഗളൂരു മുന്നിൽ.

1-1

81ആം മിനിട്ടിൽ 16കാരൻ ഗൗരവ് മുഖിയിലൂടെ ജാംഷഡ്പൂർ സമനില പിടിക്കുന്നു.

2-1

നായകൻ സുനിൽ ഛെത്രി 88ആം മിനിട്ടിൽ ബംഗളൂരുവിനെ വീണ്ടും മുന്നിലെത്തിക്കുന്നു.

2-2

ഫൈനൽ വിസിലിന് നിമിഷങ്ങൾ മാത്രം ശേഷിക്കേ സിഡോഞ്ചയുടെ സമനില ഗോൾ

ആദ്യാവസാനം ആവേശം നിറഞ്ഞ മത്സരത്തിൽ രണ്ടുതവണ ലീഡ് നേടിയിരുന്ന ബംഗളൂരു അവസാന നിമിഷമാണ് സമനില വഴങ്ങിയത്.