ലിമ: ഗൂഗിൾ മാപ്പ് കുടുംബം കലക്കി. പെറുവിന്റെ തലസ്ഥാനമായ ലിമയിലായിരുന്നു സംഭവം. ഗൂഗിൽ മാപ്പിലൂടെ ഭാര്യയുടെ ചുറ്റിക്കളി കണ്ടുപിടിച്ചതാണ് പ്രശ്നമായത്.

സംഭവം ഇങ്ങനെ:രാജ്യത്തെ പ്രശസ്തമായ പാലങ്ങളെക്കുറിച്ച് ഗൂഗിൾ മാപ്പിൽ തിരയുകയായിരുന്നു യുവതിയുടെ ഭർത്താവ്. പാലങ്ങളും അവിടത്തെ മനോഹര കാഴ്ചകളും കണ്ടാസ്വദിക്കെയാണ് പരിചിതമായ ഒരു രൂപം അയാളുടെ ശ്രദ്ധയിൽ പെട്ടത്. വെളുത്ത ടോപ്പും കറുത്ത ജീൻസും ധരിച്ച തടിയുള്ള ഒരു സ്ത്രീയും അവരുടെ മടിയിൽ കിടക്കുന്ന യുവാവിന്റെയും ചിത്രത്തിലാണ് കണ്ണുടക്കിയത്. എവിടെയോ കണ്ട പരിചയം തോന്നിയതോടെ ചിത്രം സൂം ചെയ്ത് നോക്കി. തന്റെ ഭാര്യയുടെ മടിയിലാണ് ഒരാൾ കിടക്കുന്നതെന്ന് അപ്പോഴാണ് അയാൾ പിടികിട്ടിയത്.

2013 ലെ ചിത്രമായിരുന്നു അത്. ചോദ്യം ചെയ്യലിൽ ആദ്യം ഒന്നുമറിയില്ലെന്നുപറഞ്ഞ് ഒഴിഞ്ഞുമാറിയെങ്കിലും പിന്നീട് പിടിച്ചുനിൽക്കാനായില്ല.എല്ലാം അവർ തുറന്നുപറഞ്ഞു. താൻ വഞ്ചിക്കപ്പെടുവെന്ന് ബോധ്യമായതോടെ വിവാഹമോചനത്തിന് തീരുമാനിക്കുകയായിരുന്നു. ഒരുതവണത്തേക്ക് ഭാര്യയ്ക്ക് മാപ്പുകൊടുക്കണമെന്ന് ചിലർ അഭ്യർത്ഥിച്ചെങ്കിലും അയാൾ വഴങ്ങിയില്ല. യുവാവുതന്നെയാണ് ചിത്രങ്ങളും വിവരവും സോഷ്യൽ മീഡിയയിലൂടെ പുറത്തുവിട്ടത്. യുവതിയെ പരമാവധി നാറ്റിക്കുക എന്നതും ലക്ഷ്യം.