സോൾ: പ്ര​ധാ​ന​മ​ന്ത്രി ന​രേ​ന്ദ്ര മോ​ദി​ക്ക്​ സോ​ൾ സമാധാന പു​ര​സ്​​കാ​രം ന​ൽ​കാ​നു​ള്ള തീ​രു​മാ​ന​ത്തി​നെതിരെ ദ​ക്ഷി​ണ കൊ​റി​യയിൽ സന്നദ്ധ സംഘടനകളുടെയും മ​നു​ഷ്യാ​വ​കാ​ശ സംഘടനകളുടെയും പ്രതിഷേധം .ഇ​ന്ത്യ​യി​ൽ മു​സ്​​ലിങ്ങൾക്കെ​തി​രെ ക​ലാ​പം ന​ട​ത്തി​യ ച​രി​ത്ര​മു​ള്ള ഒ​രാ​ൾ ഇ​ത്ത​ര​മൊ​രു പു​ര​സ്​​കാ​രം അ​ർ​ഹി​ക്കു​ന്നി​ല്ലെ​ന്ന്​ പ്രതിഷേധക്കാർ കുറ്റപ്പെടുത്തി. സോ​ൾ പീ​സ്​ പ്രൈ​സ്​ ക​ൾ​ച​റ​ൽ ഫൗ​ണ്ടേ​ഷ​ൻ തീ​രു​മാ​ന​ത്തി​ൽ​നി​ന്ന്​ പി​ന്തി​രി​യ​ണ​മെ​ന്നും അവർ ആ​വ​ശ്യ​പ്പെ​ട്ടു.

കൊറി​യ ഹൗ​സ്​ ഒഫ്​ ഇന്റർ​നാ​ഷ​ണ​ൽ സോ​ളി​ഡാ​രി​റ്റി, സെന്റർ ഫോ​ർ റെ​ഫ്യൂ​ജി റൈ​റ്റ്​​സ്​ ഇ​ൻ കൊ​റി​യ എ​ന്നീ സം​ഘ​ട​ന​ക​ളാണ് പ്ര​തി​ഷേ​ധ​വു​മാ​യി രം​ഗ​ത്തു​ളളത്. രാജ്യാന്തര സഹകരണത്തിനും ആഗോള സാമ്പത്തിക വളർച്ചയ്ക്കും നൽകിയ സംഭാവനകൾ കണക്കിലെടുത്താണ് മോദിക്ക് പുരസ്കാരം സമ്മാനിക്കുന്നത്. മോദിയുടെ അഴിമതി വിരുദ്ധ പ്രവർത്തനങ്ങളെയും നോട്ടുനിരോധനത്തെയും പുരസ്കാര സമിതി പ്രശംസിച്ചിരുന്നു. സോൾ സമാധാന പുരസ്കാരം ലഭിക്കുന്ന പതിനാലാമത്തെ വ്യക്തിയാണ് നരേന്ദ്ര മോദി. യു.എൻ മുൻ സെക്രട്ടറി ജനറൽ കോഫി അന്നൻ, ജർമൻ ചാൻസലർ ആംഗല മെർക്കൽ തുടങ്ങിയവരാണ് ഇതിനുമുൻപ് പുരസ്കാരം ലഭിച്ച പ്രമുഖർ. മോദിക്കും സോൾ സമാധാന പുരസ്കാര ഫൗണ്ടേഷനും സൗകര്യപ്രദമായ ദിവസത്തിലാണ് പുരസ്കാരം കൈമാറുക.