ജാംഷഡ്പൂർ -

ബ്ളാസ്റ്റേഴ്സ് മത്സരം

2-2ന് സമനിലയിൽ

റാഞ്ചി : ഐ.എസ്.എല്ലിൽ ഇന്നലെ ആദ്യ പകുതിയിൽ രണ്ട് ഗോളിന് ലീഡ് ചെയ്ത ജാംഷഡ്പൂർ എഫ്സിയെ 2-2ന് സമനിലയിൽ കുരുക്കി കേരള ബ്ളാസ്റ്റേഴ്സിന്റെ തിരിച്ചുവരവ്. രണ്ടാംപകുതിയിൽ ലഭിച്ച പെനാൽറ്റി പാഴാക്കിയില്ലായിരുന്നുവെങ്കിൽ മഞ്ഞപ്പട വിജയ തിലകമണിയേണ്ട മത്സരമായിരുന്നു ഇത്.

മൂന്നാം മിനിട്ടിൽ ടിം കാഹിലും 31-ാം മിനിട്ടിൽ മൈക്കേൽ സൂസൈ രാജും നേടിയ ഗോളുകൾക്കാണ് ജാംഷഡ്പൂർ ഒന്നാംപകുതിയിൽ ലീഡ് നേടിയത് 55-ാം മിനിട്ടിൽ ലഭിച്ച പെനാൽറ്റി പാഴാക്കിയ സെർബിയൻ സ്ട്രൈക്കർ സ്ളാവിസ സ്റ്റൊയാനോവിച്ച് 71-ാം മിനിട്ടിൽ ബ്ളാസ്റ്റേഴ്സിന്റെ ആദ്യഗോൾ നേടി 85-ാം മിനിട്ടിൽ വിനീത് സമനില ഗോളും

1​-0
വി​ജ​യം​ ​തേ​ടി​ ​റാ​ഞ്ചി​യി​ലി​റ​ങ്ങി​യ​ ​ബ്ളാ​സ്റ്റേ​ഴ്സി​ന് ​മൂ​ന്നാം​മി​നി​ട്ടി​ൽ​ ​ത​ന്നെ​ ​തി​രി​ച്ച​ടി​യേ​റ്റു.​ ​ജാം​ഷ​ഡ്പൂ​രി​ന്റെ​ ​ആ​സ്ട്രേ​ലി​യ​ൻ​ ​താ​രം​ ​ടിം​ ​കാ​ഹി​ലാ​ണ് ​ഒ​രു​ ​കോ​ർ​ണ​ർ​ ​കി​ക്കി​ൽ​ ​നി​ന്ന് ​മ​നോ​ഹ​ര​മാ​യ​ ​ഹെ​ഡ​റി​ലൂ​ടെ​ ​ജാം​ഷ​ഡ്പൂ​രി​ന്റെ​ ​ആ​ദ്യ​ഗോ​ൾ​ ​നേ​ടി​യ​ത്.​ ​സി​ഡോ​ഞ്ച​ ​ഫെ​ർ​ണാ​ണ്ട​സ് ​എ​ടു​ത്ത​ ​കോ​ർ​ണ​ർ​ ​കി​ക്കി​ൽ​ ​നി​ന്നു​ള്ള​ ​കാ​ഹി​ലി​ന്റെ​ ​ഹെ​ഡ​ർ​ ​ബ്ളാ​സ്റ്റേ​ഴ്സ് ​ഗോ​ളി​ ​ന​വീ​ൻ​ ​കു​മാ​റി​നെ​ ​നി​ഷ്‌​പ്ര​ഭ​നാ​ക്കി​യാ​ണ് ​വ​ല​യി​ൽ​ ​ക​യ​റി​യ​ത്

2​-0
മ​ത്സ​രം​ ​അ​ര​മ​ണി​ക്കൂ​ർ​പി​ന്നി​ട്ട​പ്പോ​ൾ​ ​ജം​ഷ​ഡ്പൂ​രി​ന്റെ​ ​സ്കോ​ർ​ ​ബോ​ർ​ഡ് ​വീ​ണ്ടും​ ​ച​ലി​ച്ചു.​ ​ഇ​ത്ത​വ​ണ​യും​ ​ഗോ​ളി​ന് ​വ​ഴി​യൊ​രു​ക്കി​യ​ത് ​സി​ഡോ​ഞ്ച​യാ​ണ്.​ ​ഒ​രു​ ​ത്രോ​ ​ഇ​ന്നി​ൽ​ ​നി​ന്ന് ​കി​ട്ടി​യ​ ​പ​ന്തു​മാ​യി​ ​ഡി​ഫ​ൻ​ഡ​ർ​ ​റാ​ക്കി​പ്പി​നെ​ ​വെ​ട്ടി​ച്ച് ​മു​ന്നേ​റി​യ​ ​സി​ഡോ​ഞ്ച​ ​മൈ​ക്കേ​ൽ​ ​സൂ​സൈ​രാ​ജി​ന് ​കൈ​മാ​റു​ക​യാ​യി​രു​ന്നു​ ​സൂ​സൈ​രാ​ജ് ​മ​നോ​ഹ​ര​മാ​യ​ ​ഒ​രു​ ​ഗ്രൗ​ണ്ട് ​ഷോ​ട്ടി​ലൂ​ടെ​ ​വ​ല​ ​ച​ലി​പ്പി​ച്ചു

പെ​നാ​ൽ​റ്റി​ ​മി​സ്
55​-ാം​ ​മി​നി​ട്ടി​ൽ​ ​പ​ന്തു​മാ​യി​ ​മു​ന്നേ​റി​യ​ ​സ​ഹ​ൽ​ ​അ​ബ്ദു​സ​മ​ദി​നെ​ ​ബോ​ക്സി​നു​ള്ളി​ൽ​ ​ഫൗ​ൾ​ ​ചെ​യ്തി​ട്ട​തി​ന് ​റ​ഫ​റി​ ​ബ്ളാ​സ്റ്റേ​ഴ്സി​ന് ​അ​നു​കൂ​ല​മാ​യി​ ​പെ​നാ​ൽ​റ്റി​ ​വി​ധി​ച്ചു.​ ​എ​ന്നാ​ൽ​ ​പെ​നാ​ൽ​റ്റി​ ​കി​ക്കെ​ടു​ത്ത​ ​സ്ളാ​വി​സ​ ​സ്റ്റൊ​യാ​നോ​വി​ച്ച് ​നേ​രെ​ ​ഗോ​ളി​ ​സു​ബ്ര​താ​ ​പാ​ലി​ന്റെ​ ​കൈ​യി​ലേ​ക്ക് ​അ​ടി​ച്ചി​ടു​ക​യാ​യി​രു​ന്നു.​ ​മ​ത്സ​ര​ത്തി​ലേ​ക്ക് ​തി​രി​ച്ചു​വ​രാ​നു​ള്ള​ ​ബ്ളാ​സ്റ്റേ​ഴ്സി​ന്റെ​ ​സു​വ​ർ​ണാ​വ​സ​ര​മാ​യി​രു​ന്നു​ ​ഇ​ത്.

2-1

പെനാൽറ്റി പാഴാക്കിയ തിനുള്ള പ്രായശ്ചിത്തമെന്നപോലെ സ്റ്റൊയാനോ വിച്ചിന്റെ ഗോൾ പിറന്നത് 71-ാം മിനിട്ടിൽ സെമിയെൻ ഡംഗൽ നൽകിയ ക്രോസിൽ നിന്നായിരുന്നു സെർബിയൻ താരത്തിന്റെ ഗോൾ

2-2

രണ്ടാംപകുതിയിലെ ബ്ളാസ്റ്റേഴ്സിന്റെ പോരാട്ടത്തിന് അർത്ഥം പകർന്ന് 85-ാം മിനിട്ടിൽ വിനീതിന്റെ സമനില ഗോൾ പിറന്നത് ഇടത് ഫ്ളാങ്കിലൂടെ ഡിഫൻഡർമാരെ മറികടന്ന് മുന്നേറിയ ഡംഗൽ നൽകിയ പാസിൽ നിന്നായിരുന്നു.

ബ്ളാസ്റ്റേഴ്സ് ഏഴാമത്

ഇൗ സമനിലയോടെ നാല് കളികളിൽ നിന്ന് ആറ് പോയിന്റായ കേരള ബ്ളാസ്റ്റേഴ്സ് പോയിന്റ് പട്ടികയിൽ ഏഴാമതായി. ഒരു ജയവും മൂന്ന് സമനിലകളുമാണ് ബ്ളാസ്റ്റേഴ്സിനുള്ളത്.

അഞ്ചു കളികളിൽ ഒരു ജയവും നാല് സമനിലകളുമുള്ള ജാംഷഡ്പൂർ ഏഴ് പോയിന്റുമായി നാലാം സ്ഥാനത്തേക്ക് ഉയർന്നു.

നാലുകളികളിൽ നിന്ന് 10 പോയിന്റുമായി എഫ്.സി ഗോവയാണ് ഒന്നാമത് നോർത്ത് ഇൗസ്റ്റ് (8), ബംഗ്ളരു (7) എന്നിവരാണ് രണ്ടും മൂന്നും സ്ഥാനങ്ങളിൽ.