വെള്ളറട: കാാസർകോഡ്- നന്ദാരപടവു മുതൽ പാറശാല വരെ പുതിയതായി നിർമ്മിക്കുന്ന 1251കിലോമീറ്റർ ദൈർഘ്യമുള്ള മലയോര ഹൈവേയുടെ നിർമ്മാണോദ്ഘാടനം കുടപ്പനമൂട്ടിൽ പൊതുമരാമത്ത് വകുപ്പ് മന്ത്രി ജി. സുധാകരൻ നിർവഹിച്ചു.യോഗത്തിൽ സി. കെ ഹരീന്ദ്രൻ എം.എൽ.എ അദ്ധ്യക്ഷത വഹിച്ചു. ജില്ലാ പഞ്ചായത്ത് പ്രസിഡന്റ് വി. കെ മധു മുഖ്യ പ്രഭാഷണം നടത്തി. പ്രോജക്ട് ഡയറക്ടർ വി. വി ബിനു, റിപ്പോർട്ട് അവതരിപ്പിച്ചു. പെരുങ്കടവിള ബ്ളോക്ക് പഞ്ചായത്ത് പ്രസി‌ഡന്റ് പി. സുജാതകുമാരി, പാറശാല ബ്ളോക്ക് പ്രസിഡന്റ് വി. ആർ സലൂജ, അമ്പൂരി ഗ്രാമപഞ്ചായത്ത് പ്രസിഡന്റ് വി. ഷാജി, വെള്ളറട ഗ്രാമപഞ്ചായത്ത് പ്രസിഡന്റ് എം. ശോഭകുമാരി, കുന്നത്തുകാൽ ഗ്രാമപഞ്ചായത്ത് പ്രസിഡന്റ് എച്ച്. എസ് അരുൺ, കൊല്ലയിൽ ഗ്രാമപഞ്ചായത്ത് പ്രസിഡന്റ് വൈ. ലേഖ, ജില്ലാ പഞ്ചായത്ത് ക്ഷേമാകാര്യ ചെയർപേഴ്സൺ ഡോ: ഗീതരാജശേഖരൻ, തുടങ്ങിയവർ സംസാരിച്ചു. നിരത്ത് വിഭാഗം ചീഫ് എൻജിനിയർ മനോമോഹൻ സ്വാഗതവും ദക്ഷിണമേഖല സൂപ്രണ്ടിംഗ് എൻജിനിയർ ജി. ഉണ്ണിക്കൃഷ്ണൻ നായർ നന്ദിയും രേഖപ്പെടുത്തി.